సంద్రం

ధీర గంభీరమైన సంద్రం
ఎన్నో ఆటుపోట్లని తనలో దాచుకుందీ సంద్రం

అలల హొయలతో
నీలి మబ్బులను అందుకోవాలని
పాల నురగలతో
చల్లని పవనాలతో
మనో ఉల్లాసాన్నిస్తుంది సంద్రం

సాగర కన్యల నిలయం
మేలిముత్యాల మణిహారం
ఎన్నో జలచరాల నివాసం ఈ సంద్రం

జీవితానికి ప్రతిరూపమే ఈ సంద్రం
కష్టాలనే ఆటుపోట్లు
కోరికలనే అంతులేని అలలు
భయాలనే అగాధాల
కలయికతో ముడిపడింది
ఈ జీవితం అనే సంద్రం

సురక్షితంగా నవను గమ్యానికి చేర్చడమే నావికునె ధ్యేయం
భక్తితో ముక్తిని పొందడమే మానవుని లక్ష్యం