నా బాల్యం

మరచిపోలేనిది నా బాల్యం
తిరిగిరాలేనిది నా బాల్యం

ఆ పల్లెటూళ్ళో..
కొండాకోనల నడుమ, పారే సెలయేళ్ళ మధ్య
చుట్టూ పచ్చని పైర్లు
చల్లని గాలి, మెండుగా నీరు
అమాయకత్వపు నీడలో

పిల్లలు పెడతాయని దాచిన నెమలి పించాలు
రబ్బరు తయారవుతుందని దాచిన పెన్సిల్ తొక్కులు
బడిమాని నేస్తాలతో ఆడిన ఆటలు
పెద్దలకు తెలియకుండా సరదాగా, చిలిపిగా
తిన్న కాకి ఎంగిలి జామపళ్ళు,తాయిలాలు

ఇలా గడచిన నా బాల్యం
ఎన్నటికీ తిరిగిరాదు
మరి ఎప్పటికీ మరువలేను.