Showing posts with label నా వాణి. Show all posts
Showing posts with label నా వాణి. Show all posts

తెలుగు వికీలో నా వ్యాసం - కాంచన మాల

>> Monday, June 11, 2012


నటి కాంచన మాల... తొలిసారి ఈ పేరు విన్నది నేను పాఠశాలలో చదువుకునే రోజుల్లో.. అప్పట్లో మా ఇంట్లో టి.వి. లేదు :-( పేపర్ తీసుకునే వారనుకుంటాను.. గుర్తు లేదు :-( ఈ టి.వి. లో మధ్యాహ్నం 'మాలపిల్ల ' సినిమా అని పేపర్లో చదివాను. చాలా వ్రాశారు సినిమా గురించి. మాకు ఆ సినిమా వచ్చే ముందు వారంలోనే ఎందుకో కొన్నిరోజులు ఒంటిపూట బళ్లు ఉన్నాయి. అప్పట్లోనే కళాపోసణ తో తెలిసిన వాళ్లింట్లో మా అమ్మ అనుమతితో సినిమా చూద్దామనుకున్నా.. కానీ వాళ్లకి మరో సినిమా మీద ఆసక్తితో... నా ఆశ అడియాసయ్యింది....

అవి నేను కాలేజి చదువుతున్న రోజులు.. ఎందుకో మరి ఆరోజు కాలేజి లేదు.. ఆదివారమేమో !!! గుర్తు కూడా లేదు..:-) ఆ రోజు మధ్యాహ్నం.. ఈ సారి మా ఇంట్లోనే టి.వి. ఉంది. ఈ సారి ఈ టి.వి. 2 సఖి కార్యక్రమం... నటి కాంచన మాల కోసం మరిన్ని విషయాలు.. ఆమెకి జెమినీ వాసన్ గారితో గొడవ జరగకపోయి ఉంటే.. ఆమెకి ఇంకా మరెంతో పేరు వచ్చేదని చెప్పారు. ఎందుకో ఒక్కసారి గుండె కలుక్కుమంది. మన ఆవేశ కావేశాల మీద మన భవిష్యత్తు ఆధారపడి ఉండటం అంటే ఇదే కదా అని అనుకున్నాను...

అవి నేను పెద్ద కాలేజి (పి.జి.) చదువుతున్న రోజులు. ఒకసారి పుస్తక ప్రదర్శనలో నేను చూసిన అనేక పుస్తకాలలో ఒక పుస్తకం నన్ను అలరించింది... అదే కాంచన మాల జీవిత చరిత్ర. మొదటి సారి ఆమె ఫొటోని అందులోనే చూశాను. పావు గంట లో అయిదారు పేజీలు చదివేశాను (నేను అశ్వినీ నాచప్ప పరిగెత్తినట్టు చదువుతానులెండి). ఇప్పుడు మా అమ్మని ఈ పుస్తకం కొనమంటే కొంటుందో లేదో అని భయం :-( పుస్తకం ఖరీదెక్కువ... అదీ కూడ పాఠ్యాంశాలకి సంబంధించింది కాదు. ఎట్టకేలకు మా అమ్మని ఒప్పించాను. పుస్తకం అంతా ఒకరాత్రిలో చదివేశాను. కానీ వారం రోజుల వరకూ మామూలు మనిషిని అవ్వలేకపోయాను.(చదువుకునే రొజులు కదా అందుకే మనసు అంత సున్నితం)

ఇంతకీ ఒక టైటిల్ పెట్టి నా జీవిత కధ చెప్తున్నా అని అనుకుంటున్నారా?? ఆ పుస్తకం లో ఉన్న విషయాలు... ఇంకా సేకరించిన కొన్ని విషయాలతో కాంచనమాల గారి మీద ఒక పోస్ట్ వ్రాశాను ఇదివరకు నా బ్లాగులో. ఆ వ్యాసం యొక్క మూలంతో తెలుగు వికీ లో ఒక వ్యాసం వచ్చింది. :-)

మొట్ట మొదటి సారి వికీ కోసం ఒక స్నేహితురాలు చెప్పినప్పుడు ఇలాంటి సైట్ ఒకటి ఉంటుందా అని ఆశ్చర్యపడిన ఒక అమ్మాయి.. తన బ్లాగు లో ముచ్చట పడి వ్రాసుకున్న వ్యాస మూలంతో వికీ లో ఒక పేజి ఉందంటే..... :-) గాల్లో తేలినట్టుంది... గుండె పేలినట్టుంది... మా మేనేజర్ ఫుల్ హైక్ ఇచ్చినట్టుంది.. :-)

వికీ లింక్ కోసం ఇక్కడ చూడండి.

నా బ్లాగు లో కాంచన మాలగారిపై పోస్ట్ కోసం ఇక్కడ చూడండి.

**పసుప్పచ్చని అక్షరాలు కనిపించకపోతే వాటిని మౌస్ తో సెలెక్ట్ చేసి చదవగలరు.

Read more...

ష్రీ రామ రాజ్యం

>> Saturday, August 20, 2011

మీరు చదివినది నిజమే నేను కావాలనే ష్రీ రామ రాజ్యం అని వ్రాశా.. కొన్ని సంవత్సరాల తర్వాత మనం ఇలానే ఉచ్చరిస్తాం ఈ చిత్రం పేరుని.

ఈరోజే మొదటి సారిగా ఈ చిత్రంలోని పాటలు విన్నాను. సాహిత్యం, సంగీతం కన్నా ముందుగా నా దృష్టి పడింది ఈ ఉచ్చారణా దోషాలమీద.
దషరధుడు, ష్రీరాముడు, అషోకవనం, షోకం, షాంతి ఇంకా ఇలా కొనసాగుతూనే ఉంది... అయినా ఒక పాటకి సాహిత్యం, సంగీతం సమకూరాక ఎంత మంది పర్యవేక్షణో కొనసాగాక ఇలా మనం వినగలిగే ఒక పాటగా రూపుదిద్దుకుంటుంది. వారందరూ ఎంతో పెద్ద పెద్ద చదువులు చదువుకున్న వారే కదా.. ఎన్నో సంవత్సరాల అనుభవం ఉన్నవారే కదా.. మరెందుకు ఇలాంటి తప్పులు దిద్దుబాటు కావడం లేదు? మాలాంటి చిన్నవాళ్లు తప్పు చేస్తే ఈ కాలపు చదువులు అని సరిపెట్టుకోవచ్చు. ఇప్పుడు వస్తున్న కధ పసలేని చిత్రాలలో తప్పులు ఉన్నాయంటే .. తెలుగు రాని వాళ్ల దర్శకత్వంలో, తెలుగు రాని వాళ్ల నిర్మాణంలో తెలుగు రాని వాళ్ల గాత్రంలో రూపు దిద్దుకుంటున్నాయి మన చిత్రాలు అని అనుకోవచ్చు. కానీ ఈ చిత్రం అలా కాదు కదా.. ఒక పౌరాణిక చిత్రంలోనే ఇలా తప్పులు దొర్లినప్పుడు చిన్నపిల్లలు సరిగ్గ తెలుగు మాటలాడటం లేదు అని అనడం ఎంత వరకు సమంజసం? అసలు ఎంత మంది పిల్లలకు 'శా కు 'షా కు ఉచ్చారణలో భేదం తెలుసు?
నేను చిన్నప్పుడు మా పాఠశాలలో ప్రార్ధనా సమయంలో ఓం శాంతి శాంతి ..... అని చెప్తున్నప్పుడు నా స్నేహితురాలు శాంతి కాదు షాంతి అని భోదించింది. అది తప్పు అని నేను ఎంత చెప్పినా నాదే తప్పని వాదించింది. చివరికి తెలుగు మాష్టారి దగ్గరకి వెళితే గాని సమస్యకి పరిష్కారం దొరకలేదు.
అయినా ఈ శ నుండి ష కి తెలుగు సినిమా మార్పు చెందడం ఇప్పుడు జరిగిందో లేక ఒక అయిదు సంవత్సరాలకి ముందు జరిగిందో కాదు. అప్పుడెప్పుడో విశ్వనాధ్ గారి దర్సకత్వంలో సప్తస్వరాలని అధ్యయనం చేసిన అరిషడ్వర్గాలని జయించలేని ఒక విద్వాంసుని కధగా తెరకెక్కి అద్భుతమైన సాహిత్యంతో అంతే అద్భుతమైన సంగీతంతో తెరకెక్కిన 'స్వాతికిరణం' అనే చిత్రం లో కూడా ఒక పాటలో 'ష్రుతి నీవూ,'షాంకరీ షాంభవీ అని గాత్రం వుంటుంది.
అసలు ఇలా మనమే మార్చేయవచ్చునా... ఈ ఒక్క అక్షర దోషం అనేది అసలు అక్షర దోషమే కాదా ప్రతిస్పందనల ద్వారా మీ అభిప్రాయాన్ని తెలియచేయగలరు.


అయినా ప్రేమ అనే మోహం, వీరత్వం అనే హింస అనే ఈ రెండు రకాల భావనలు తప్పితే మరి ఇంకేమీ కధాంశాలుగా రాని ఈ రోజుల్లో రాముని చరితాన్ని తెరకెక్కించడం అదీ ఇంతటి వయస్సులో అనేది నిజంగా హర్షించతగ్గ విషయం.. బాపు గారిని మెచ్చుకోదగ్గ వయస్సు, అనుభవం నాకు లేదు గానీ.. ఆయన అభిమానిని అన్న ఒకే ఒక్క హక్కుతో నిజంగా మనస్పూర్తిగా అయన్ని అభినందిస్తున్నాను ఇంతటి బృహత్కార్యాన్ని చేపట్టినందుకు.
ఈ సినిమా అన్ని విధాలుగా, ఆర్దికంగా, జనరంజకంగా కూడా విజయం సాధించాలని కోరుకుంటున్నాను.

Read more...

యుగాది

>> Sunday, April 6, 2008

యుగం ప్రారంభమైన రోజే యుగాది. కాల క్రమంలో అదే ఉగాదిగా పరిణతి చెందింది.
కృత,త్రేతా,ద్వాపర,కలి యుగాలలో జరుపుకునే విశిష్ట,వైశిష్ట పర్వదినం ఈ ఉగాది. ప్రతీ యుగం లోను ఈ ఉగాది ఒక్కో రోజున జరుపుకునేవారు. కృత యుగంలో కార్తీక శుద్ద నవమి నాడు, త్రేతా యుగంలో వైశాఖ శుద్ద తదియ నాడు, ద్వాపర యుగంలో మాఘ శుద్ద పూర్ణిమ నాడు జరుపుకునేవారు. మరి ఇక కలి యుగంలో చైత్ర శుద్ద పాడ్యమి నాడు జరుపుకుంటున్నాం మనం.

ఉ- అంటే నక్షత్రం
గ -అంటే నడక
ఉగాది అంటే నక్షత్రాల నడక అని అర్దం.
అలా నక్షత్రాల నడకతో ఆరంభమైనది ఈ కాలగమనం. అలా ఏర్పడినది యుగం -యుగం.

ఒక్కో యుగంలో దైవాన్ని చేరడానికి ఒక్కో మార్గాన్ని అనుసరించే వారు. అలా ఈ కలియుగంలో కేవలం మంచి మాటలు వినినంతనే మోక్షం కలుగుతుంది. అందుకే ఈ ఉగాది రోజు తప్పకుండా పంచాంగం వినాలి అంటారు. కాల పురుషుని స్థితి గతులు, ఆతని భాధల నివారణోపాయాలు ఈ పంచాగ శ్రవణంలో మనకు లభ్యమవుతాయి. ఉగాది రోజున ఎలా ఉండునో జీవితం సంవత్సరమంతా అలానే ఉండునను కొందరి నమ్మకం.

హేమంత, శిశిరాలలో పెరిగిన బద్దకం ఉగాది రోజుతో అంతమవ్వాలని చేస్తాం తైల మర్దనం, తలంటి స్నానం. అంగ పరిరక్షణకు నూతన వస్త్రధారణం, అంతః సురక్షితకు దేవతార్చనం ఉగాది నాడు ఎంతో ముఖ్యం.

కఫ, వాత, పిత్తములే అనారోగ్యానికి ముఖ్య కారణం. వాటికి ఉంది ఒకే ఒక్క నివారణ మార్గం. అదే షడ్రుచుల సమ్మేళనం. దాని పేరే ఉగాది పచ్చడి.

ఉగాదికే వన్నె ఉగాది పచ్చడి
షడ్రుచుల మిళితం ఈ పచ్చడి
మానవ జీవితానికి మారురూపు ఈ పచ్చడి

తీపి అనే ఆనందం వెతుకులాటలో
చేదు అనే జ్ఞాపకంమిగిలితే
పులుపు అనే గుణపాఠంతో
వగరు అనే సలహాతో
నూతన జీవితానికి స్వాగతం
పలకాలనేదే ఈ ఉగాది వెనుక రహాస్యం.


అందరికీ సర్వధారి నామ సంవత్సర ప్రారంభ దినోత్సవ శుభాకాంక్షలు.

Read more...

April fool కధ

>> Monday, March 31, 2008

April 1st న ఎంత మందిని fools ని చేస్తే అంత ఆనంద పడతారు చాలా మంది. కాని fool ఐన వారి భాధ వారిది. ఇంతకీ సంవత్సరంలో ఇన్ని నెలలు ఉండగా కేవలం ఏప్రిల్ నెల మొదటి రోజునే ఎందుకు fools day గా జరుపుకుంటారో నని నాకు చిన్నప్పటి నుండి తెలుసుకోవాలని ఆశక్తిగా ఉండేది. మొత్తానికి తెలుసుకున్నాను. ఇంతకీ ఆ కధ ఏమిటంటే...

కొన్ని దశాబ్దాల క్రితం కొన్ని పాశ్చాత్త దేశాలలో ఏప్రిల్ 1 న నూతన సంవత్సర దినోత్సవం జరుపుకునేవారు. కాని ఆ తర్వాత జనవరి 1కి మార్చారు. ఐన కూడా కొంత మంది ఏప్రిల్ 1 న నూతన సంవత్సర దినోత్సవాన్ని జరుపుకునేవారు. అందువలన వాళ్ళని fools గా వ్యవహరించి పిలిచేవారు. కాల క్రమంలో అది fools day గా పరిణతి చెందింది.కాని అనవసరంగా అవతలి వాళ్ళను fools చేసిన వారే నిజమైన fools అన్నది ఎవరూ కాదనలేని విషయం

Read more...

మాటే మంత్రం

>> Tuesday, March 18, 2008

ఈ ప్రపంచంలో అన్నిటి కన్నా శక్తివంతమైనది ఏదైనా ఉన్నది అంటే అది మాటేనన్నది ఎంతో మంది కాదనలేని సత్యం.ఒకే ఒక్క మాట సహాయంతో మహా మహా కార్యాలే సాధించవచ్చు. అంతెందుకు కురుక్షేత్ర సంగ్రామంలో కౌరవులు ఓడి పాండవులు గెలవడానికి కారణం కృష్ణుని మాట సహాయమే కదా. ఒకరోజు కౌరవపక్షాన ధుర్యోధనుడు, పాండవ పక్షాన అర్జునుడు యుద్దంలో సాయమాశించి కృష్ణుని వద్దకు వెళ్ళారు. ఇద్దరూ ఒకేసారి వెళ్ళారు. పాపం అప్పుడు ఆ పరంధాముడైనా ఏమి చేస్తాడు? అందుకే తన పరివారమంతా ఒక వైపు, తను ఒక్కడే ఒక వైపు అని షరతు పెట్టాడు. అదీ కూడా తన పరివారమంతా యుద్దం చేస్తుందంట తను మాత్రం కేవలం మాట సాయమే చేస్తాడట. వెంటనే ధుర్యోధనుడు యుద్దం చేయని కృష్ణుడెందుకు పరివారమే కావాలి అని కోరుకున్నాడు. అర్జునుడు తెలివిగా కృష్ణుడినే కోరుకున్నాడు. అంతటి వీరాధివీరుడు, తెలివైన వాడు ఐన అర్జునుడు కూడా కదన రంగంలో బంధువులను చూసి పిరికితనంతో యుద్దం చేయనన్నాడు. మాట సహాయం చేస్తానన్న కృష్ణుని వంతు వచ్చింది మాట సహాయం చేయడానికి. వెంటనే ’భగవద్గీత’ బోధించాడు అర్జునుడికి.
అసలు మాటంటే ఏమిటి? కేవలం కొన్ని అక్షరాల సముదాయమా? కాదు కానే కాదు.మాటంటే నొప్పించనిది, మేలుచేసేది, ఇష్టమైనది అయి ఉండాలి. అప్పుడే అది నిలబడుతుంది కలకాలమూ.
అందుకే ఓ కవి అన్నాడు మాటే మంత్రం అని. అది నిజమేగా మరి.

Read more...

ఎలా?

>> Friday, March 14, 2008

ఎలా చెప్పను, ఎవరితో చెప్పను, ఏమని చెప్పను
నా మదిలో మాట ఇదని
అమ్మమ్మ ఇంటిలో పుట్టి
నానమ్మ ఇంటిలో పెరిగి
నాన్న చేతి వేలు పట్టుకుని నడక నేర్చుకొని
అమ్మ చేతి గోరుముద్దలు తిని పెరిగి
ఈ రోజు పెళ్ళి పేరుతో మరొకరి ఇంటికి వెళ్ళాలంటే
నా మనసులోని భాధను
ఎలా చెప్పను,ఎవరితో చెప్పను,ఏమని చెప్పను

Read more...

ఈ రోజు తీయనిది

ఈ రోజు కోసం ఎన్నాళ్ళ నుండో ఎదురుచూస్తున్నాను. 2 మంచి విషయాలు ఈ రోజు నా జీవితంలో జరిగాయి. ఎప్పటి నుండో (2 నెలల నుండి) చేస్తున్న నా academic live project code ఈరోజు ok అయింది. చాలా ఒత్తిడి నుండి బయట పడ్డాను. నా స్వంతంగా programs వ్రాసి execute చేస్తే వచ్చే ఆనందమే వేరు. live project సంపాదించడానికి చాలా కష్టపడ్డాను. ఆ తర్వాత దానిని process చేయడానికి నా ప్రయత్నాలు అన్ని ఇన్ని కావు. నా స్నేహితులంతా ఎందుకు కష్టపడతావు? live project ఐన dummy project ఐన మార్కులు ఒకటే అని చెప్తున్నప్పుడు ఎంత భాధ పడ్డానో? నా కష్టానికి తగిన ప్రతిఫలం ఎప్పుడు దక్కుతుందోనని. ఇప్పటికీ ప్రతిఫలం దక్కక పోయినా project 20 రోజుల ముందే పూర్తి చేయడానికి ఎవ్వరి సాయం లేకుండా నేను పడ్డ కష్టం నాకు తెలుసు.మొత్తానికి పూర్తి చేశాను చెప్పలేని కాని సంతోషం మనసంతా అందుకే blogలో పెట్టేస్తున్నా వెంటనే.
ఒక విషయం ఐనది మరి మరో విషయం ఏమిటంటే నా blog 1000+ hits కి ఈ రోజే చేరుకుంది. ఇందులో నావి కూడా ఉండవచ్చు కానీ ఓ మైలు రాయిని దాటానన్న బావన మనసులో. నా blog మొదలు పెట్టి నెలన్నర ఐనా sitemeter పెట్టి దాదాపు 10-12 రోజులు అవుతుంది. ఈ నెలన్నరలో కొన్ని సలహాలు,కొన్ని విమర్శలు,కొన్ని పొగడ్తలు ఉగాది పచ్చడి తిన్నంత కమ్మగా ఉంది నా blog ని చూస్తుంటే. నా blog hit 1 చూసినప్పుడు అనుకున్నా ఈ సంఖ్య 1000 కి చేరేటప్పటికీ ఎన్నాళ్ళవుతుందోనని. కాని కొన్ని రోజులే పట్టింది. ఇక నుండి ముందుకెళ్ళడానికి ఎక్కువ రోజులు పట్టవచ్చు నాకైతే మాత్రం.
ఈ blog create చేయాలన్న నా ఆశకి ఎంతో మంది వారి వారి సహాయ సహకారాలను అందించారు. అందరికీ పాదాభివందనాలు. ముఖ్యంగా కూడలి కి, దాని వలనే నా hits ఇంత వేగంగా పెరిగాయి. ఇలాంటి టపా మళ్ళీ కొన్నేళ్ళకి ఎందుకంటే అప్పుడేగా నా blog hits 10000 దాటతాయి.
సర్వేజనాః సుఖినోభవంతు.

Read more...

మహిళలూ కొన్ని జాగ్రత్తలు

>> Saturday, March 8, 2008

నిత్యమూ ప్రతీ మనిషికీ ఏదో ఒక సమస్య ఎదురవుతూనే ఉంటుంది. ఆడవారికి కొన్ని సమస్యలని అదనంగా ఎదుర్కోవలసి వస్తుంది. ఒంటరిగా బయటకి వెళ్ళినప్పుడో లేక మరో సందర్బంలోనో కొన్ని సమస్యలు నుండి బయట పడుటకు కొన్ని జాగ్రత్తలు ఇక్కడ పొందుపరిచాను గమనించగలరు.
1)నిత్యమూ పెరిగే జనాభాతో పాటు ఆకతాయిల ఆగడాలు ఎక్కువయ్యాయి. వారికి బయపడి ఇంటిలో కూర్చుండి పోవడం పిరికితనమే అవుతుంది. వాళ్ళను ఎదుర్కోగలను అన్న ఆత్మవిశ్వాసాన్ని మీలో మీరు అలవర్చుకోవాలి. కళ్ళళ్ళో,మాటల్లో ముఖ్యంగా మనసులో ఆత్మవిశ్వాసం కనబడాలి.
2)నిత్యమూ గొడుగునో లేక ఆయుధంగా ఉపయోగపడే మరొక వస్తువునో మీవద్దనే ఉంచుకోండి.
3)రోడ్డు మీద ఆకతాయిలు చేసే comments కి తల కూడా తిప్పి చూడవద్దు. వాటి గురించి ఆలోచించవద్దు.కానీ వారు హద్దు మీరి నప్పుడు అడుగు వెనక్కు వేయవద్దు.
4)మీరు ఉంటున్న ఏరియా police station phone number, స్త్రీల హక్కుల సంఘం telephone number మీ దగ్గరే ఉంచుకోండి ఎల్లప్పుడూ.
5)మీ వస్త్రధారణ మీకిష్టమైనదే ఐన ఎబ్బెట్టుగా ఉండకుండా జాగ్రత్త పడండి.
6)బందువులైనా, పరిచయస్తులైనా లెక ఎవరైనా మీతో అనుచితంగా ప్రవర్తిస్తే వెంటనే మీ తల్లిదండ్రులకు తెలియచేయడం మంచిది.
7)ఒకవేళ తల్లిదండ్రులకు కూడా చెప్పలేని పరిస్తితి ఐతే మీతో అనుచితంగా ప్రవర్తించే వ్యక్తితో ఇటువంటి పని మరోసారి చేస్తే అరిచి గోలపెడతానని బెదిరించండి. వారికి మీరు ఒంటరిగా మాత్రం దొరకవద్దు.
8)మీ చుట్టూ వున్న వారిని, జరుగుతున్న విషయాలను ఎప్పుడూ గమనిస్తూనే ఉండండి. మీరు గమనిస్తున్నట్టు మిమ్మల్ని మరొకరు గమనించకుండా జాగ్రత్త పడితే మంచిది.
9)మీరు బయటకు వెళ్ళినప్పుడు అవసరం కన్నా కొంచెం ఎక్కువ డబ్బుని తీసుకువెళ్ళడం మంచిది.
10)మీకు అనారోగ్యం ఏదైనా ఉన్నట్లు ఐతే వాటికి సంబంధించిన మందులను తీసుకువెల్లడం మీ వెంట మంచిది.
ఇటువంటి కొన్ని జాగ్రత్తలు మరోసారి.... మరో సమయంలో...

Read more...

శివరాత్రి కధ

>> Thursday, March 6, 2008


శివరాత్రి కధలలో ఎన్నో కధలు ప్రాశస్త్యంలో ఉన్నాయి. అందులో ఒక కధ...
సురాసురులు క్షీరసాగరమధనం గావిస్తున్నప్పుడు అమృతం కన్నా ముందు చాలా వస్తువులు సాగరం నుండి ఉద్బవించాయి. అందులో ఒకటి గరళం(విషం). ఆ గరళాన్ని ఎవరు స్వీకరిస్తారా అని అందరూ ఎదురు చూస్తున్న సమయంలో విష్ణు మూర్తి సలహాతో సురాసురులు కలిసి శివుడిని వేడుకోగా శివుడు ఆ గరళాన్ని స్వీకరించాడు. అప్పటికీ ఎవరూ అమృతం స్వీకరించని కారణంగా శివుడ మింగిన ఆ గరళం ఆతని జీర్ణవ్యవస్తలోకి ప్రవేశించకుండా సర్పం సహాయంతో గొంతు లోనే ఉండిపోయేట్టు చెస్తారు వి్ణుమూర్తి. అందువలన శివుడు ఆ రాత్రి అంతా నరకయాతన పడతారు దైవంగా ావించే శివుడు ాదకు గుర్తుగా జాగరణ , ఉపవాసం చేస్తారు.
శివరాత్రి కదలు ఎన్నో ఉన్నాయి. అందులో ఇది ఒకటి మాత్రమే.

Read more...

స్త్రీ అంటే

>> Monday, March 3, 2008

మార్చి 8 అంతర్జాతీయ మహిళా దినోత్సవ సందర్బంగా...

అసలు మహిళాదినోత్సవం ప్రాముఖ్యత ఏమిటి? ఆ దినోత్సవం జరుపుకోవాలా? దాని వలన ప్రయోజనముందా? ఈ దినోత్సవాలు అన్నీ పాశ్చాత్త సంస్కృతి నుండి మన దేశంలోనికి చొరబడినవి కదా మనమెందుకు జరుపుకోవాలి? అయినా మహిళను దేవతామూర్తిగా భావించే ఈ భారత గడ్డపై మహిళను ప్రతీరోజూ గౌరవిస్తూనే ఉంటారు కదా మరి ప్రత్యేకంగా ఈ రోజు ఎందుకు? ఇలాంటి ప్రశ్నలు ఎందరి మనసుల్లోనో ఉండి ఉంటాయి. ఈ ప్రశ్నలన్నింటిన్కి సమాధానమే నా ఈ పోస్ట్.

ఎన్నో ఏళ్ళ నుండి ఎంతో మంది నుండి అభిప్రాయాలను సేకరించి (ఎక్కువగా మధ్యతరగతి వారి నుండి సేకరించాను) నా అభిప్రాయాలను మేళవించి వ్రాస్తున్న పోస్టు ఇది. మీ మనసును భాదిస్తే మన్నించగలరు. అర్దం లేదనుకుటే క్షమించగలరు.

ఇక విషయంలోకి వస్తే...

స్త్రీ ప్రస్థానం ఇంట్లో కూతురిగా మొదలవుతుంది. పుట్టీ పుట్టడంతోనే ఆడపిల్లా! ఐతే నీకిక ఖర్చేనోయ్ అని అంటారందరూ ఆ తండ్రితో.. ఓ నవ్వుతోనో , ఓ మాటతోనో ఆ మాటలకు అడ్డు కట్ట వేస్తాడు ఆ తండ్రి. కానీ అతని మనసులో ఆడపిల్ల అంటే ’ఆడ’పిల్లనే ఉండిపోతుంది.ఇక ఆ తర్వాత బారసాల వగైరా వగైరా ఫంక్షన్లు. పుట్టింది ఆడపిల్ల కదా వచ్చే బహుమతులు కూడా లక్కపిడతలు,బొమ్మ వంట సామానులు ఉంటాయి అదే మగపిల్లడు ఐతే కార్లు,రోబోలు వస్తాయి. మరి ఆ తర్వాత (ఇప్పుడు అందరూ కొద్దొ గొప్పొ చదివిస్తున్నారు కాబట్టి) పాఠశాల వరకు వెళ్తుంది. ఓ పదేళ్ళ క్రితం వరకూ ఆడపిల్లకు తెలుగు మాధ్యమమే గతి ఆంగ్లమాధ్యమంలో చదివించగల స్తోమత ఉండి కూడా(తెలుగు మాధ్యమాన్ని కించపరచడం నా ఉద్దేశ్యం కాదు). ఇక పెరిగి పెద్దదవుతున్న కొద్దీ వంటిట్లో అమ్మకు సహాయం చేయాలి. వంట బాగా చేయడం నేర్చుకుంటే వచ్చేవాడు(భర్త) బాగా చూసుకుంటాడు అని dependable భావనను పెంచుతారు చుట్టూ ఉన్నవాళ్ళందరూ. ఇక ఆ తర్వాత శరీరంలో జరిగే కొన్ని మార్పుల ఫలితాలకు కూడా పెద్ద పెద్ద ఫంక్షన్లు చేసి ఆ అమ్మయికి లేనిపోని భయాలు సృష్టిస్తారు. మరి ఇక ఆ తర్వాత కళాశాల జీవితం. ఎవరో ఆ అమాయి వెంట పడినా లేక ఎవరైనా ఆ అమ్మయికి love letter ఇచ్చినా ఆ అమ్మయి చదువుకిక అంతం. పెళ్ళికి తెరలేస్తుంది. ఉద్యోగప్రాతిపదికన అన్వేషణ మొదలు అవుతుంది. ఇచ్చి పుచ్చుకోవడాలు, పెద్దల మాటలు, జాతకాల పరిశీలనలు పూర్తి అవ్వగానే పెళ్ళి ముహూర్తాలు, ఆనక పెళ్ళిళ్ళు జరుగుతాయి. ఇక్కడ అబ్బాయికి అమ్మయి నచ్చడం ముఖ్యవిషయం. అమ్మయికి అబ్బాయి నచ్చకపోవడం సమస్య కానేకాదు (ఎక్కువ సందర్బాలలో). ఒకవేళ అమ్మయి ఎక్కువగా చదువుకుని ఉద్యోగం చేస్తుంది అన్నా పెళ్ళి ఐన తర్వాత ఇంటిపని+ఆఫీసు పని అవుతాయి కాని భర్తకు మాత్రం వాటిలో భాగం రాదు. ఆ తర్వాత కొన్నాళ్ళకు మళ్ళీ ఆడపిల్ల జననం. కధ మళ్ళీ మొదలుకు. పెళ్ళి - పిల్లలు తర్వాత మరి ఇన్కేమి మార్పులుండవా అంటే ... ఉంటాయి. కానీ అవి ఎవరికీ తెలియవు. ఎవరికీ అక్కర్లేదు. ఇక్కడ ఒక విషయం గమనిస్తే .. స్త్రీ ఎప్పుడూ ఎవరికిందో ఉండాలి కానీ ఎవరూ ఆమెను సమానంగా చూడరు. అమ్మ ,ఆదిదేవత,దెవుడికన్నాముందు అంటాం గాని అన్ని పనులు ఆమె చేతే చేయించుకుంటాం. 50% స్త్రీలకు ఇవ్వవలసింది పోయి 331/2% కి గొడవలు పడుతున్నారు.ఎన్నో రిజర్వేషన్ల బిల్లులు పాస్ అవుతున్నాయి కాని మహిళా రిజర్వేషన్ బిల్లు మాత్రం పాస్ అవడం లేదు. ఇదీ వేదభూమి భారతదేశంలో స్త్రీ కి ఇస్తున్న విలువ.
మరి ఇక మహిళా దినోత్సవం దగ్గరకు వస్తే.. కనీసం ఆ రోజైనా భర్తలు, భార్యలని వంటింటికి దూరంగా ఉంచండి. అంటే మీరు ఆపని చూసుకోండని నా భావం.50% సమానత్వాన్ని ఇద్దరూ పంచుకోండి.
ప్రతీరోజూ స్త్రీ,పురుషులు సమానంగా మసలగలిగిన రోజున మహిళా దినోత్సవాల ఆవశ్యకత ఉండనేఉండదు. కానీ సంవత్సరానికి ఆ ఒక్కరోజైనా స్త్రీ సమానత్వాన్ని పొందగలిగితే మహిళా దినోత్సవం ఉండడం మంచిదేనేమ ఆలోచించండి. లేక ప్రతీ రోజూ మహిళా దినోత్సవంలా మారుద్దామని మీరు పూనుకుంటారా ఆలోచించండి.

Read more...

A - Z BAD QUALITIES

>> Saturday, March 1, 2008

A - Averse - విరక్తి
B- Babble - వృధా ప్రసంగం
C - Cunning - మోసం
D -Disappoint - నిరాశ
E - Extravagance - అజాగ్రత్త
F - Favouritism - పక్షపాతం
G - Graft - లంచగొండితనం
H - Hatred - ద్వేషం
I - Idle - సోమరి
J - Jealousy - అసూయ
K - Kleptomania - దొంగబుద్ది
L - Linger - ఆలస్యం చేయు
M- Mis behavior - చెడ్డ నడత
N- Negative - వ్యతిరేఖతా భావం
O - Ostenation - ఆడంబరం
P - Politics - రాజకీయం
Q - Quarrel - పోట్లాట
R - Revenge - పగ తీర్చుకొను
S - Selfish - స్వార్ధం గల
T - Timid - పిరికితనం
U - Untruth - అబద్దం
V - Vanity - అహంకారం
W - Worry - వ్యాకులత
X
Y - Yield - అత్యాశ
Z

x,z లకు నేను వ్రాయలేకపోయాను. మీకు తెలిస్తే చెప్పండి.
ఈ కలబోతలన్నీ నా స్వంతమే

Read more...

A - Z Good Qualities

>> Friday, February 29, 2008

ఈ క్రింది లక్షణాలతో మనిషి ఉన్న స్థాయి నుండి ఉన్నత స్థాయికి చేరుకోవచ్చు.
అవి :
A - Ability - సామర్ధ్యం
B - Bravery - సాహసం
C - Courage - ధైర్యం
D - Desire - కోరిక
E - Efficiency - సమర్ధత
F - Fellowship - సౌభ్రాతృత్వం
G - Generosity -ఔదార్యం
H - Hope - నమ్మకం
I - Interest - ఆసక్తి
J - Justice - న్యాయం
K - Kindness - దయ
L - Loyalty - విశ్వాసం
M -Man-Hood - మానవత్వం
N - Novel - నూతన
O - Obedience - విధేయత
P - Politeness -మర్యాద
Q - Quickness - చురుకుదనం
R - Rememberence - జ్ఞాపకం ఉంచుకొను
S - Satisfaction - తృప్తి
T - Trial - ప్రయత్నం
U - Unity - ఐకమత్యం
V - Vitality - ఉత్సాహం
W - Wisdom - తెలివి
X -Xenodochy - ఆతిధ్యం
Y - Yearn - ఆపేక్ష
Z - Zeal - పట్టుదల

ఈ పై లక్షణాలన్నీ మనిషి అలవరచుకుంటే తప్పకుండా ఆ మనిషి మహర్షే అవుతారు.
ఈ పై కలబోతలన్నీ నా స్వంతంగా నేనే వ్రాశాను.

Read more...

వధువు కావలెను

>> Saturday, February 23, 2008

ఓ పెద్ద కంపెనీలో ఆకర్షణీయమైన జీతము అందుకుంటున్న వరునకు అందమైన, చురుకైన, P.G. చదివిన వధువు కావలెను.
ఏడడుగుల బంధానికి వధువుకు ఉండవలసిన ఏడు లక్షణాలు:
1)ఆస్తిలేమీ లేకపోయినా అప్పులుండకూడదు. కాని హైదరాబాద్ లో ఓ యిల్లు, లేదా 2,3 చోట్ల స్థలాలు ఉంటే చాలు.
2)అన్నదమ్ములు, అక్కచెల్లెళ్ళు ఒకరు ఉంటే మంచిది. లేకుంటే మరీ మంచిది.
3)వరునికి ఇష్టం లేనప్పుడు ఉద్యోగం మానేసి, ఇష్టం ఐనప్పుడు ఉద్యోగం సంపాదించుకునే తెలివితేటలు ఉండాలి.
4)ఉద్యోగం చేస్తున్నా ఇంటి భాద్యతలు పూర్తిగా నిర్వర్తించాలి.
5)వరకట్నం ఇచ్చే విషయం మీ ఇష్టం కాని వధువుకు వారి తల్లిదండ్రులు ఏమైనా సమర్పించుకోవచ్చు. పెళ్ళి మాత్రం ఘనంగా చేయాలి.
6)వస్త్రధారణ పూర్తిగా మా ఇష్టానుసారంగా ఉండాలి.
7)డిగ్రీలు, ఉద్యోగాలు సంపాదించడమే కాదు వంటా వార్పు కూడా తెలిసుండాలి.
  • ఈ ప్రకటన చాలా మందికి కోపం తెప్పించిఉండవచ్చు. కానీ ఆడపిల్లలు, వారి తల్లిదండ్రులుకు మాత్రం ఈ ప్రకటన బాగా తెలుసు. స్త్రీ ఎంత చదువుకుని ఉద్యోగం చేస్తున్నా వంటింటి పనులు పూర్తిగా ఆమే చేయాలి. అది ఆమె భాధ్యత. పురుషులు ఎంత చిన్న పని చేసినా అది సహాయమే అవుతుంది కాని భాద్యత కాదు. ఇది నిజంగా నిజం ఎవరైనా కాదంటారా?
  • వరకట్నం వద్దు అనేవారు చాలా అరుదుగా ఉన్నారు. ఒకవేళ వద్దు అన్నా పేరు మారుతుంది కాని లాంచనంగా మాత్రం తీసుకుంటున్నారు.
  • వివిధ రంగాల్లో ఉద్యోగాలు చేసే మహిళలకి ఆయా ఉద్యోగాల రీత్యా వస్త్రధారణ ఉంటుంది. కానీ అది కూడా ఆక్షేపణల నడుమ నలిగిపోతుంది.

నా ఈ పోస్ట్ చదవుతుంటే ఎంతో మందికి కోపం రావచ్చు. కానీ ఈ పోస్ట్ రాయడానికి ముందు కొన్ని 100ల మంది దగ్గర అభిప్రాయాలను సేకరించాను నేను . వారిలో పెళ్ళి కాని స్త్రీ,పురుషులు ,పెళ్ళి ఐన స్త్రీ, పురుషులు, ఉద్యోగం చేస్తున్న ఆడవారు, ఉద్యోగం చేయని ఆడవారు కూడా ఉన్నరు. కేవలం ఈ పొస్ట్ నా అభిప్రాయ మాలిక కాదు. ఎంతో మంది మనసుపొరలలోని ఆశల రూపం ఈ పోస్ట్.

Read more...

ఆట - 2

>> Tuesday, February 19, 2008

ఏ మాత్రం తర్కంతో ఆలోచించకుండా ఆడే ఆట ఒకటి ఉంది. ఈ ఆటలో నేను పి.హెచ్ డి చేశాను. ఎంతో మంది దగ్గర ఆడి గెలిచా కూడా. ఆ ఆట ఏమిటంటే ...


మనలో చాలా మందికి అమ్మ,నాన్న ఇద్దరూ ఇష్టమైనా ఎవరో ఒకరు కొంచెం ఎక్కువ ఇష్టం అవుతారుగా. ఆ ఎవరు మనకి ఎక్కువ ఇష్టమో మన చేతి వేలుని బట్టి చెప్పవఛ్హు.


క్రింద ఫొటోలో చూపిన విధంగా బ్రొటన వేలు బాగా క్రిందకు వంగితే అమ్మ అంటే ఎక్కువ ఇష్టమని అర్దం.





మరి వేలు అలా క్రిందకు వంగ లేదంటే నాన్న అంటే ఇష్టం క్రింద ఫొటో లొ చూపిన విధంగా

ఈ రెండింటికి చెందని కొన్ని exceptional cases కొన్ని ఉన్నాయి. అవి మరో ఆట లో.

Read more...

వరకట్నం

>> Monday, February 18, 2008


DOWRY IS AN ANTI SOCIAL ELEMENT.BUT MANY PERSONS ENCOURAGES DOWRY.
SOME ONE ONLY TRY TO STOP THIS DOWRY SYSTEM.IT IS NOT POSSIBLE IF ALL PEOPLE ARE NOT PARTICIPATE IN THE ANTI DOWRY FORCE.
THERE IS A ONE NEW WEBSITE CAME ABOUT THE ANTI DOWRY SYSTEM.
i.e, http://IDONTWANTDOWRY.COM
IN THIS ADDRESS FIRST BRIDE OR GROOM REGISTER THEIR DETAILS WHO DONT WANT TO TAKE & GIVE DOWRY.WITH OUT REGISTRATION WE MAY WATCH WHO ARE EARLIER REGISTERED PEOPLE.BUT IF WE CANTACT THEM WE MUST REGISTER IN THE WEBSITE.
IT WILL TAKE A GREATE CHANGE WITH IN SOON.

Read more...

STRUGGLES FACED BY BHARATHMAATA

FOR 100 YEARS OF STRUGGLE WE GOT INDEPENDENCE.
BUT WITHIN SHORT SPAN OF TIME WE ARE NEGLECTING THAT INDEPENDENCE.
THIS AUGUST 15th IS NOT ONLY INDEPENDENCE DAY IT IS ALSO NEGLECTING DAY
BECAUSE SO MANY PERSONS THINK IT IS ONLY A HOLIDAY.JUST EVEN THEY DONT SALUTE TO FLAG.
I DONT KNOW WHY AUG 15th DECLARED AS HOLIDAY?
JUST THINK IN OUR INDEPENDENCE DAY WE DONT DO OUR REGULAR WORK.GOVT. HAD LOST 59 WORKING DAYS TILL NOW.
IS BHARATHA MATHA BECOME HAPPY TO STOP OUR REGULA(OFFICE) WORK IN INDEPENDENCE DAY?
IN MY POINT POINT OF VIEW THERE IS NO NEED TO GIVE HOLIDAY FOR AUG15th.

Read more...

TODAY LIFE


+ HEAD ACHE
- MONEY
* PROBLEMS
% LOYALTY
= NOPEACE
& NO WATER TO DRAWN U R SELF


MEANING:
NOW A DAYS OUR LIFE STARTS WITH HEAD ACHE ,WE LOSS MONEY,PROBLES ARE ALSO ADDS TO THAT ,WE MISSED LOYALTY IN PEOPLE THEN THERE IS NO PEACE IN OUR LIFE. AT LAST WE DON'T HAVE WATER TO DRAWN OUR SELF.

Read more...

ఆట

>> Sunday, February 17, 2008

సైన్స్ కి అందని విషయాలు ఎన్నో ఉన్నయి ఈ ప్రపంచంలో అందులో ఒక విషయం ఈ క్రింది విషయం. అది ఏమిటంటే
మొదట సీతరాములులో ఎవరో ఒకరిని కోరుకోండి. తప్పనిసరిగా ఎవరోఒకరిని కోరుకోవాలి. ఆ తర్వాత ఫొటోలో చూపిన విధంగా చేయండి. నొక్కి పట్తిన భాగం ఎర్రగా మారితే మీరు సీతను కోరుకున్నట్టు. లేకుంటే రాముడుని కోరుకున్నట్టు.
ఎవరి మీద వారు ప్రయొగించడం కన్నా మరొకరి మీద ప్రయొగించడం సుళువు.
నేను దాదాపు 1000 మందికి ప్రయత్నించి చూసా 995 మందికి సరిగా సమాధానం ఇచ్హా.
మీరు ప్రయత్నించండి.

Read more...

కన్నుల భాష

ఒకో సారి నోటి మాటతో మన మనసులో భావాన్ని చెప్పలేం. అటువంటప్పుడు కళ్ళతో మాట్లాడతాం మనం మనకి తెలియకుండానే. అటువంటి కొన్ని భావాలు క్రిందన ఉదహరించినాను.

1)


ఎవరైనా మాట్లాడుతున్నప్పుడు కళ్ళు ఎడమ వైపు పైకి చూస్తే వారు జరిగిన విషయాన్ని గుర్తుకు తెచ్హుకుంటున్నారని అర్దం. పై ఫొటోలో వివరించినట్టు.

2)


ఎవరైనా మాట్లాడుతున్నప్పుడు కళ్ళు కుడి వైపు పైకి చూస్తే వారు అబద్దం చెప్పడానికి సిద్దం అవుతున్నారని అర్దం. పై ఫొటోలో వివరించినట్టు.

Read more...

మంచి రోజు

>> Friday, February 15, 2008

ఏ పని మొదలు పెట్టాలన్నా మంచి రోజు కోసం వేచి చూసే వేద భూమి మన భ్హారత దేశం. ఒకనాటి ఈ నమ్మకం నేడు మూడనమ్మకంగా పరిణతి చెన్ది మనిశిలో బద్దకం పెరగదానికి కారణం అవుతుంది. కాని సంకల్పబలమే అద్బుతశక్థిగా, krushi e సాధనంగా, పట్టుదలే పెట్టుబదిగా ఏ కార్యం ఎప్పుడు మొదలుపెట్టినా విజయం మనకి స్వంతం అవుతుంది. మనకి వున్న తిదులలో, ప్రతి తిది ముఖ్యమనదే మంచిదే.
వాటికి ఉదాహరణలు:
పాడ్యమి - ఉగాది
విదియ - చంద్ర దర్శనం
తదియ - అట్ల తదియ
చవితి - వినాయక చవితి
పంచమి - నాగ పంచమి
shashti - సుబ్రమణ్య shashti
సప్థమి - రధ సప్థమి
ashtami - krishnashtami
నవమి - శ్రీరామ నవమి
దశమి - విజయ దశమి
ఏకాదశి - వైకుంఠ ఏకాదశి
ద్వాదశి - kheeraabdi dwaadasi
త్రయొదశి - శని త్రయొదశి
చతుర్దశి - శివరాత్రి
పౌర్ణమి - rakshaa bandanam
అమావాస్య - దీపావళి

Read more...

Back to TOP