ఎలా ? ఎలా ?

ఏమని వర్ణించను
నా చెలి అందాన్ని
అంతకు మించిన
అందమైన ఆమె మనసును
ఏమని వర్ణించను

పూవు కన్నా సున్నితమైన
ఆమె మనసును పూవుతో సరిపోల్చగలనా!

నెమలికే నాట్యాన్ని నేర్పగల
ఆమె మేను హొయలను
నెమలితో సరిపోల్చగలనా !

కోయిలకే పాటలు నేర్పించగల
ఆమె గానామృతాన్ని
కోయిలతో సరిపోల్చగలనా !

కరుడు కట్టిన హృదయాన్ని సైతం కరిగించగల
ఆమె కరుణగల చూపును
ఏ అమృతమూర్తితోన్నైనా సరిపోల్చగలనా !

శత్రువుని సైతం
సాదరంగా ఆహ్వానించే
ఆమె మనసుకు సాటి గలదా!

వర్ణించలేను ఆమెను ఈ చిరుకవితలో
మరి మాట్లాడలేను ఎదురుగా ఆమెతో

నా కవితకు ప్రాణం ఆమె
నా కవితకు రూపం ఆమె
అందుకే అంకితం ఈ కవిత ఆమెకే ....