అమ్మ అను మాట
అందరి నోటా
కమ్మనీ పలుకై
వచ్చెనీ పూట ,,2,,
అమ్మ నోటి మాట
దేవతల దీవెనంట
అమ్మ చేతిముద్ద
అమృతపు ధారంట ,,అమ్మ అను,,
అమ్మ చెప్పిన చదువు
నా జీవితానికే వెలుగు
అమ్మ ఇచ్చిన జీవితం
ఆమెకే అంకితం ,,అమ్మ అను,,
అమ్మ చూపినా బాట
నాకులే పూలబాట
అమ్మ చెప్పిన నీతి
నాకు పెంచెను కీర్తి ,,అమ్మ అను,,
అంతులేని అలల సమాహారం
పాలనురగల సమ్మేళనం
నీలిరంగుకు నిర్వచనం
ధీరగంభీరమైన సంద్రం
కోటికలలకు నిలువుటద్దం
గత చరిత్రకు మూలకారణం
అన్యులకు అర్దమవని స్వేచ్చావిహంగం
ఆడదాని హృదయం
కడలి గర్భంలో ఎన్నో సంపదలు
ముదిత మనసులో వేల ఆలోచనలు
సుడిగుండాలు సహజం సాగరాన
సుఖ దుఃఖాలనేకం సుదతి జీవితాన
ఎగిరి పడే అలకు తీరమే గమ్యం
అదిరిపడే అతివకు భాగస్వామే బలం
ఎన్నో జీవుల జీవం సాగర గర్భం
వంశాకుర బందం స్త్రీ గర్భం
సూర్యోదయాన కడలి సౌందర్యం
సిగ్గు మొగ్గైనప్పుడు ప్రమద అందం
ఏ కవి వర్ణన కు సాధ్యం?
సౌందర్యం, సంపద లభ్యమయ్యే సముద్రాన్ని
చేస్తున్నాం మన పాద స్పర్శతో మలినం
అందం, లక్ష్మీకళతో కలగలిసిన ముగ్ద మనోహరం
ఆక్షేపణలతో, కట్టుబాట్లతో అణచేస్తుంది సమాజం
పుడమి భారానికి పెనుభూతం భూకంపం
జలధి వికటాట్టహాసం త్సునామి తాండవం
కరుణాతప్త హృదయం కోల్పోతే కరుణారసం
జరిగే విలయ తాండవం కన్నుల జ్వాలాతోరణం
జగతంతా ఆ జ్వాలకి ఆహుతవ్వడం ఖాయం.
ఇదే ఇదే మన దేశం
సుందర భారత దేశం
తలమానికమే కాశ్మీరం
ముక్కెరయే పంజాబు
గుండెకాయ హస్తినా ... ... ,,ఇదే,,
నేత్రాలే హిమాచలు
నాసికయే అరుణాచలు
కర్ణాలే కర్ణాటక
వదనమే ఉత్తరప్రదేషు ...ఆ..ఆ... ,,ఇదే,,
దక్షిణాస్తమే రాజస్తాన్
ఉత్తరాస్తమే బీహార్
నడుమన మధ్యప్రదేషు ...ఆ..ఆ... ,,ఇదే,,
ఒక పాదం తమిళనాడు
మరు పాదం కేరళ
పంటలనెలవే ఆంధ్ర ...ఆ..ఆ... ,,ఇదే,,
మన స్వాతంత్ర్యం ఎర్రటి పతాకం
వీరుల రుధిరం నుదుటి తిలకం
అయి వెలసెను భారతమాత ...ఆ..ఆ... ,,ఇదే,,
నీ కోసం నేనని చెప్పేవేళ
నా గొంతు మూగబోయింది
నయనాలు ఊసులాడాయి
మౌనమే భావమయింది
నిశీధే నేస్తమై నా చుట్టూ అల్లుకుంటే
వెలుగురేఖలా నీ ఆగమనం
మార్చింది నా జీవన విధానం
రూపు లేని కలకి రూపకల్పన కళ
కలలో మెరిసిన ఆలోచనకి ప్రతిబింబం కళ
బండరాయిని సుందర శిల్పంలా
ఊహించడం కల
ఆ రాయినే రమణీయ ఆకృతిగా
మలచడం కళ
అమ్మ ఒడిలో నిదురించాలని నా కల
నా పాటతో అమ్మనే నిదురబుచ్చడం నా కళ
కలకి కళకి తేడా ఓ అక్షరమైనా
ఆలోచనే రూపమైన కలని
కళ్ళకు కనిపించేలా చేసేదే కళ
Back to TOP
