జాహ్నవి

మా అమ్మకి ఉత్తమ ఉద్యోగిని పురస్కారం

2012-01-26T02:16:00.000-08:00

మా అమ్మ ఉత్తమ ఉద్యోగినిగా గణతంత్ర దినోత్సవం నాడు కలెక్టరు గారి చేతులమీదుగా పురస్కారం అందుకున్నారు. పిల్లలు వృద్ది లోనికి వస్తే తల్లిదండ్రులు ఎంత ఆనందిస్తారో ఇంత వరకూ ఎందరో ఎన్నో విధాలుగా తెలిపారు. కానీ ఈరోజు మా అమ్మకి ఈ పురస్కారం లభిస్తే ఆమె బిడ్డగా నాకు ఎంత ఆనందంగా ఉందో మాటల్లో చెప్పడం నాకు రావడం లేదు. నాకు మళ్లీ జన్మ ఉండకూడదనే కోరుకుంటున్నాను. ఒకవేళ ఉంటే మాత్రం మా అమ్మ కి అమ్మ గా పుట్టాలనే ఆ దేవుణ్ణి ప్రార్దిస్తున్నాను. మా అమ్మ గురించి ఇంతకు ముందు ఒకసారి నేనేమని వ్రాసుకున్నానంటే... ఇక్కడ చూడండి ఓమారు ...

కౌముది లో నా కవిత పరదేశి

2012-01-17T02:50:00.000-08:00

నా కవిత పరదేశి ఈ నెల జనవరి కౌముది లో ప్రచురితమైనది. ప్రచురించినందుకు కౌముది వారికి బ్లాగ్ముఖంగా ధన్యవాదములు తెల్పుకుంటున్నాను. ఇక్కడ నొక్కి కౌముది కి వెళ్లగలరు.

హారం పత్రిక సంక్రాంతి పోటీలో మొదటి బహుమతి పోందిన నా కవిత

2012-01-10T22:09:00.000-08:00

హారం పత్రిక వారు నిర్వహించిన సంక్రాంతి పోటీలో ఒక విభాగంలో నా కవితకు మొదటి బహుమతి వచ్చిందోచ్. హారం వారికి బ్లాగ్ముఖంగా ధన్యవాదములు తెలుపుకుంటున్నాను.ఈ సారి సంక్రాంతికి ఇంటికి వెళ్లడానికి శెలవు దొరకలేదని భాధపడుతుంటే...నాకు సంక్రాంతి ఈ బహుమతి రూపంలో రెండురోజుల ముందే వచ్చేసిందోచ్... ఆనందమానందమాయే... :-)

హారం పత్రికను ఇక్కడ, బహుమతి పొందిన నా కవితను ఇక్కడ చూడవచ్చు.
అందరికీ ముందుగానే సంక్రాంతి పండుగ శుభాకాంక్షలు.

నేస్తం

మది దాటని మాటలన్నీ
మూటగా కట్టి
మనసెరిగిన నేస్తానికి
చిరుకానుకగా అందించాలని

ఊసులన్నీ గుట్టగా పోసి
బాల్య స్మృతులతో కలగలిపి
నీ కోసం వేచిఉంటే

జ్ఞాపకాల నీలి నీడలను నాకు వదలి
ప్రేమతో పెనవేసిన బంధాన్ని మర్చిపోయి
అందుకోలేని తీరాలకు....
అందరినీ వదిలేసి
నన్నొంటరిని చేసి
వీడ్కోలు పలికావా నేస్తం !!!

ఎన్నటికీ రాలేని నీ కోసం
నీ జ్ఞాపకాలు మరువని నేస్తం...

ప్రతీక్ ఇంక లేడు..

2011-10-19T15:13:00.000-07:00

ప్రతీక్ గురించి ఇదే మొదటి సారి చూడడం అయితే ఒక్కసారి ఈ లింక్ ని చూడండి.

నేను అప్పుడప్పుడు ప్రతీక్ వాళ్ల బంధువులకి ఫోన్ చేస్తూ ఆ పిల్లవాడి క్షేమ సమాచారం తెలుసుకునేదాన్ని. ప్రతీ సారి ఆరోగ్యం మెరుగు పడుతుందనే చెప్పేవారు. పరిస్తితి ఆశాజనకం గానే ఉందని సంతోషించాను. డోనర్ కూడా దొరికారు అతితక్కువ కాలంలోనే...నిజంగా అదృష్టమనుకున్నాను. కానీ ఒకరోజు కొంచెం సీరియస్ అన్నారు. ఆ తర్వాత పని వత్తిడిలో పడి నేనే వాళ్లకి కాల్ చేయలేదు. వాళ్ల బ్లాగు కూడా చూడలేదు. ఈరోజే మళ్లీ బ్లాగు చూసేసరికి ఈ వార్త... ఒక్కసారి కూడా ఆ అబ్బాయిని చూడని నాకే ఇంత భాధ అనిపిస్తుంటే... ఇంక వారి అమ్మా, నాన్నలకి ఎలా ఉంటుందో...

ప్రతీక్ ఆత్మకి శాంతి చేకూరాలని.....
ఆ తల్లిదండ్రులు ఈ భాధ నుండి తేరుకుని మామూలు ప్రపంచంలోనికి రావాలని మనస్పూర్తిగా ఆ పైవాణ్ణి కోరుకుంటున్నాను.

కౌముది లో నా యాత్రా స్పెషల్ - అన్నవరం

2011-10-16T10:33:00.000-07:00

అప్పుడెప్పుడో ఒకసారి పక్కన వున్న అన్నవరానికి వెళ్లినప్పుడు తీసుకున్న ఫొటోలు కౌముది వారి యాత్రా స్పెషల్ లో ఈ నెల ప్రచురితమైనాయి. ప్రచురించినందుకు కౌముది వారికి బ్లాగ్ముఖంగా ధన్యవాదములు తెల్పుకుంటున్నాను.
ఇక్కడ నొక్కి కౌముది కి వెళ్లగలరు.

సంక్రాంతి టు విజయ దశమి

2011-10-06T09:40:00.000-07:00

నావరకైతే ఈరొజే సంక్రాంతి నుండి దసరా వరకు ఉన్న అన్ని పండుగలు వచ్చాయి. అప్పుడెప్పుడో సంక్రాంతికి మా యింటికి వచ్చాను, మళ్లీ ఇప్పుడు వచ్చాను. ఈ మధ్యలో ఉన్న పండుగలు అన్నీ మిస్ అయ్యాను :-( నాకెంతో ఇష్టమైన ఉగాది పండుగను కూడా.. :-( ఈ మూడు రోజులు భక్తితో పూజలు చేసుకుని, కంటి నిండా నిద్ర పోయి, కడుపు నిండా భోజనం చేసి రాజభోగాలు అనుభవించేశా.. ఈ శనివారం మళ్లీ వెళ్లిపోవాలి..:-( ఆ చల్లారిపోయిన చప్పటి చపాతీలు తింటూ ఉండాలి..:-( రోజూ మన వంటలే తింటే వాటి రుచుల్లో గొప్పతనం తెలియదని దేవుడు నన్ను అంత దూరం పడేశాడేమో మరి :-( ఏది ఏమైనా.. జరిగేదంతా మంచికని .. అనుకోవడమే మనిషి పని.. (ఇప్పుడు నేను అంత కన్నా చేయగలిగింది కూడా ఏమీ లేదు) నా బ్లాగు చూసిన వారందరికీ విజయ దశమి శుభాకాంక్షలు. మా యింట్లో ఈరోజు దసరా జరుపుకున్న ఫొటో..

పగలు, రాత్రి సమానంగా ఉండే రోజు మళ్లీ వచ్చేసింది...

2011-09-22T12:04:00.000-07:00

అవునండీ.. సంవత్సరంలో పగలు,రాత్రి సమానంగా ఉండే రోజు ఈ ఒక్కరోజే. అందుకే ఈరొజు నుండే సూర్యమానం ప్రకారం తులా రాశి మొదలు అవుతుంది. ఇవన్నీ ఎందుకు చెప్తున్నా అని అనుకుంటున్నారా? మరి ఈ రోజే కదా నేను పుట్టింది. అందుకే ఈ రోజు గురించి ఇంత పరిశోధన.

చిన్నప్పటి నుండి పుట్టిన రోజు అంటే అందరిలానే నాకు కూడా చాలా ఇష్టం. క్లాసులో పుస్తకాల బరువు పెరుగుతున్న కొద్దీ పుట్టిన రోజు మీద ఆసక్తి తగ్గుతూ వచ్చింది. కానీ ఒక కల మాత్రం మిగిలిపోయింది. ఇంక అది తీరదు అని తెలిసిపోయింది అందుకే నా బ్లాగులో వ్రాసేసుకుంటున్నాను. అదేమితంటె.. అర్దరాత్రి సరిగ్గా పన్నెండు గంటలు దాటగానే నాకు బోల్డన్ని ఫోన్ కాల్స్ వచ్చేయాలని, చాల మంది నాకు విషెస్ చెప్పేయాలని కోరిక.. ఒకసారో, రెండు సార్లో అలా జరిగింది. అది కూడా బోల్డన్ని కాదు ఒకటో, రెండో... ఇంక ఈ ఉద్యోగాలలోకి వచ్చాక... పుట్టిన రోజు విషయమే గుర్తు ఉండటం లేదు.. మొత్తానికి చదువుకునేటప్పుడు ఉండే పట్టుదల, ఓపిక, ధైర్యం, ఆశావాహ దృక్పధం అన్నీ ప్రస్తుతం కొరవడ్డాయి నాలో. జీవితమంతా చప్పగా, చేదుగా ఏదోలా ఉంది. కొత్త విషయాలు నేర్చుకోలేనందుకు చప్పగా... ఎంత కష్టపడినా అనుకున్న వాటిలో సగభాగం కూడా సాధించలేనందుకు చేదుగా అనిపిస్తుంది ఈ జీవితం.
ఎప్పుడు ఎలా ఉన్నా.. తీపి మీది మక్కువతో ఉదయించే సూర్యుని చూస్తూ.. ప్రతీ రొజూ ఆశతో ఆశయసిద్ది కోసం ప్రయత్నించడం అలవాటయిపోయింది. ప్రస్తుతానికి నా మనసు, నా ఆలోచనలు కూడా.. ఈ పోస్టు లానే అస్పష్టం గా ఉన్నాయి...

సర్వేజనా సుఖినోభవంతు...

ఈ చిన్నారికి మనమందరం ఉన్నామని ధైర్యం చెప్తామా??

2011-09-10T03:17:00.000-07:00

ఈ పై ఫొటో లో కనిపిస్తున్న ఈ చిన్నారి పేరు ప్రతీక్. ఈ బాబు వయసు కేవలం ఆరు నెలలు కానీ నూటికో కోటికో ఒక్కరికి వచ్చే అప్లాస్టిక్ అనీమియా అనే వ్యాదితో భాధ పడుతున్నాదు. ప్రస్తుతం వేలూరు లో సి.ఎం.సి. ఆసుపత్రిలో చికిత్స పొందుతున్నాడు. బోన్ ట్రాన్స్ప్లంటేషన్ వలన బాబు కి వ్యాధి నయం అవ్వవచ్చు అని చెప్పారు. దాదాపు ఇరవై నుండి పాతిక లక్షలు వరకూ ఖర్చు ఉంటుందని వైద్యులు చెప్పారు. వారి తల్లిదండ్రులు మద్యతరగతి వారే.
ప్రస్తుతం వారు బోన్ ట్రాన్స్ప్లంటేషన్ కి దాత కోసం మరియు ధన సహాయం చేయగలిగే దాతల కోసం చూస్తున్నరు. మీకు తెల్సిన ఏమైనా సంస్తలు ఇలాంటి కష్టాలలో వున్నవారిని ఆదుకోవడానికి ముందుకు వస్తే ఆ సంస్త వివరాలు తెలియచేయగలరు. ఎవరైనా సహాయం చేయాలనుకుంటే ఈ క్రింది బ్లాగుని పూర్తి వివరాలకై చూడగలరు.
http://www.help-prateek.blogspot.com/

విహంగ లో నా కధ

2011-09-06T10:12:00.000-07:00

నేను వ్రాసిన కధ విహంగలో మొదటి సారి వచ్చింది.
ఇక్కడ నొక్కి చూడండి.

నవతరంగం లో నేను వ్రాసిన రివ్యూ

2011-08-25T13:59:00.000-07:00

నేను వ్రాసిన రివ్యూ మొదటిసారి నవతరంగంలో వచ్చింది.

ఇక్కడ నొక్కి చూడండి.

ష్రీ రామ రాజ్యం

2011-08-20T18:09:00.000-07:00

మీరు చదివినది నిజమే నేను కావాలనే ష్రీ రామ రాజ్యం అని వ్రాశా.. కొన్ని సంవత్సరాల తర్వాత మనం ఇలానే ఉచ్చరిస్తాం ఈ చిత్రం పేరుని.

ఈరోజే మొదటి సారిగా ఈ చిత్రంలోని పాటలు విన్నాను. సాహిత్యం, సంగీతం కన్నా ముందుగా నా దృష్టి పడింది ఈ ఉచ్చారణా దోషాలమీద.
దషరధుడు, ష్రీరాముడు, అషోకవనం, షోకం, షాంతి ఇంకా ఇలా కొనసాగుతూనే ఉంది... అయినా ఒక పాటకి సాహిత్యం, సంగీతం సమకూరాక ఎంత మంది పర్యవేక్షణో కొనసాగాక ఇలా మనం వినగలిగే ఒక పాటగా రూపుదిద్దుకుంటుంది. వారందరూ ఎంతో పెద్ద పెద్ద చదువులు చదువుకున్న వారే కదా.. ఎన్నో సంవత్సరాల అనుభవం ఉన్నవారే కదా.. మరెందుకు ఇలాంటి తప్పులు దిద్దుబాటు కావడం లేదు? మాలాంటి చిన్నవాళ్లు తప్పు చేస్తే ఈ కాలపు చదువులు అని సరిపెట్టుకోవచ్చు. ఇప్పుడు వస్తున్న కధ పసలేని చిత్రాలలో తప్పులు ఉన్నాయంటే .. తెలుగు రాని వాళ్ల దర్శకత్వంలో, తెలుగు రాని వాళ్ల నిర్మాణంలో తెలుగు రాని వాళ్ల గాత్రంలో రూపు దిద్దుకుంటున్నాయి మన చిత్రాలు అని అనుకోవచ్చు. కానీ ఈ చిత్రం అలా కాదు కదా.. ఒక పౌరాణిక చిత్రంలోనే ఇలా తప్పులు దొర్లినప్పుడు చిన్నపిల్లలు సరిగ్గ తెలుగు మాటలాడటం లేదు అని అనడం ఎంత వరకు సమంజసం? అసలు ఎంత మంది పిల్లలకు 'శా కు 'షా కు ఉచ్చారణలో భేదం తెలుసు?
నేను చిన్నప్పుడు మా పాఠశాలలో ప్రార్ధనా సమయంలో ఓం శాంతి శాంతి ..... అని చెప్తున్నప్పుడు నా స్నేహితురాలు శాంతి కాదు షాంతి అని భోదించింది. అది తప్పు అని నేను ఎంత చెప్పినా నాదే తప్పని వాదించింది. చివరికి తెలుగు మాష్టారి దగ్గరకి వెళితే గాని సమస్యకి పరిష్కారం దొరకలేదు.
అయినా ఈ శ నుండి ష కి తెలుగు సినిమా మార్పు చెందడం ఇప్పుడు జరిగిందో లేక ఒక అయిదు సంవత్సరాలకి ముందు జరిగిందో కాదు. అప్పుడెప్పుడో విశ్వనాధ్ గారి దర్సకత్వంలో సప్తస్వరాలని అధ్యయనం చేసిన అరిషడ్వర్గాలని జయించలేని ఒక విద్వాంసుని కధగా తెరకెక్కి అద్భుతమైన సాహిత్యంతో అంతే అద్భుతమైన సంగీతంతో తెరకెక్కిన 'స్వాతికిరణం' అనే చిత్రం లో కూడా ఒక పాటలో 'ష్రుతి నీవూ,'షాంకరీ షాంభవీ అని గాత్రం వుంటుంది.
అసలు ఇలా మనమే మార్చేయవచ్చునా... ఈ ఒక్క అక్షర దోషం అనేది అసలు అక్షర దోషమే కాదా ప్రతిస్పందనల ద్వారా మీ అభిప్రాయాన్ని తెలియచేయగలరు.

అయినా ప్రేమ అనే మోహం, వీరత్వం అనే హింస అనే ఈ రెండు రకాల భావనలు తప్పితే మరి ఇంకేమీ కధాంశాలుగా రాని ఈ రోజుల్లో రాముని చరితాన్ని తెరకెక్కించడం అదీ ఇంతటి వయస్సులో అనేది నిజంగా హర్షించతగ్గ విషయం.. బాపు గారిని మెచ్చుకోదగ్గ వయస్సు, అనుభవం నాకు లేదు గానీ.. ఆయన అభిమానిని అన్న ఒకే ఒక్క హక్కుతో నిజంగా మనస్పూర్తిగా అయన్ని అభినందిస్తున్నాను ఇంతటి బృహత్కార్యాన్ని చేపట్టినందుకు.
ఈ సినిమా అన్ని విధాలుగా, ఆర్దికంగా, జనరంజకంగా కూడా విజయం సాధించాలని కోరుకుంటున్నాను.

జాబిల్లి లో నా కధ

2011-08-01T12:24:00.000-07:00

నేను వ్రాసిన కధ జాబిల్లిలో మొదటి సారి వచ్చింది.
ఇక్కడ నొక్కి చూడండి.

దేవుడు (మినీకవిత)

2011-07-17T06:40:00.000-07:00

దేవుడు

అన్నీ తెలిసిన వాడిని

అడగడమెందుకు?

ఏమీ తెలియనివాడికి

మొక్కడమెందుకు?

భయపడుతూ ... నవ్వుకుందామా ??

2011-03-22T23:53:00.000-07:00

జ్యోతి గారి పుట్టిన రోజు

2010-12-21T11:46:00.000-08:00

జ్యోతి... తెలుగు బ్లాగు లోక౦లో ఈ పేరు తెలియని వారు ఉ౦డర౦టే అతిశయోక్తి కాదేమో...
చదువుకు నిజమైన సార్దకత ఉద్యోగ౦ మాత్రమే కాదు అన్నది ఆర్యోక్తి. ఈ ఉవాచకి అచ్చమైన తెలుగి౦టి ఉదాహరణ మన జ్యోతి గారే.
ఒక బ్లాగుతో క౦ప్యూటరాభ్యాస౦ చేసి, బ్లాగు వెనక బ్లాగులను మొదలుపెట్టి, బ్లాగు గురువుగా ఎదిగినటువ౦టి జ్యోతి గారి గురి౦చి ఈ ఒక్కపేజీలో చెప్పడ౦ అనేది కొ౦డని అద్ద౦లో చూపడమే.
ఒకేసారి పది బ్లాగులను విజయవ౦త౦గా నిర్వహి౦చడ౦ అనేది ఎ౦త ఓపిక + తెలివితో కూడుకున్న పనో మనకు తెలియనిది కాదు.
ఒక వ్యక్తిగత బ్లాగుని లక్ష మ౦దికి పైగా వీక్షి౦చారు అన్న విషయ౦ ఒక్కటి చాలు ఆమె వ్రాతల విలువ తెలుసుకోవడానికి.
సాదారణ గృహిణి అన్న పదానికి అసాధారణ వ్యక్తిత్వ౦ కల్పి౦చే మగువలలో మన జ్యోతి గారు ము౦దు వరుసలో ఉ౦టార౦టే నమ్మని వారు ఎవరు౦టారు?

కొత్త ఆలోచనల రూప శిల్పి
నిర౦తర జ్ఞానాన్వేషి
నిత్య విద్యార్థి
బ్లాగు గురువిని
మా మ౦చి జ్యోతి.

జ్ఞాన వెలుగులు విరజిమ్మే జ్యోతికి

జన్మదిన శుభాకా౦క్షలు

తెలుపుతూ కానుకగా ప్రమదావన౦ తరపున ఒక చిన్న వెబ్ సైట్. వెబ్ సైట్ కోసం ఇక్కడ క్లిక్కండి.

ఈ - టిప్

2010-11-06T16:15:00.000-07:00

04 - 11 -2010 న ఈనాడు ప్రత్రికలో ఈ - టిప్

ఈ - టిప్

2010-09-23T00:06:00.001-07:00

23 - 09 -2010 న ఈనాడు ప్రత్రికలో ఈ - టిప్

ఈ రోజు తీయనిది...

2010-09-22T11:58:00.000-07:00

చిన్నప్పుడు ..... అంటే... చాలా చిన్నప్పుడు... ఈ ఎక్కాలు ఎవడు కనిపెట్టారు రా బాబు... అని అనుకుంటున్నప్పుడు... నాకు పుట్టిన రోజు అంటే చాలా సరదా ఇంకా ఇష్టం ఉండేది. చక్కగా కొత్త బట్టలు వేసుకోవచ్చు. బోల్డన్ని చాక్లెట్లు తినేయవచ్చు. ఎంత అల్లరి చేసినా ఆ రోజు ఏమీ అనరు. ( తర్వాతి రోజు పుట్టిన రోజు నాడు అల్లరి చేసినందుకు తిట్టేవారనుకోండి .. అది వేరే విషయం.. అలాంటివి మీరు అడగకూడదన్నమాట)

అప్పట్లో జనవరిలో కొత్త కాలెండర్ వచ్చిన వెంటనే ముందుగా నా పుట్టిన రోజు ఏ రోజు వచ్చేదో చూసుకునేదాన్ని. ఆదివారం కాకపోతే పండగే. మరి ఆ రోజు పుట్టినరోజు వస్తే ఫ్రెండ్స్ ముందు పుట్టినరోజు ఫోజ్ కొట్టడానికి అవ్వదు కదా ... కొద్ది కొద్ది గా కాలం గడుస్తుంది. మనకి ఎక్కాలన్నీ వచ్చేసాయి. అర్దం కాని లెక్కలు కూడా చేసేయవలసి వచ్చింది. ఎన్ని సూత్రాలని గుర్తు ఉంచుకుంటాం ?? మనకి కాలం కలసి రాక కాలం, దూరం లెక్కలు వచ్చాయి. మామూలు వడ్డీ లెక్కలే అర్దం కావడం లేదంటే చక్రవడ్డీ, బారు వడ్డీ లెక్కలు కూడా వచ్చాయి. వీటి తర్వాత కాలెండర్ లెక్కలు వచ్చాయి. వీటిలో మాత్రం మనమే ఫస్ట్. చిన్నప్పటి నుండి నా పుట్టిన రోజు కోసం కాలెండర్ చూసి ...చూసి... ఒక విషయం తెల్సుకున్నా.. అదేమిటంటే.. ఈ సంవత్సరంలో సెప్టెంబర్ 23 లక్ష్మి వారం వస్తే తర్వాతి సంవత్సరానికి ఒక్క రోజు కలుపుకుని శుక్ర వారం వస్తుంది. అదే తర్వాతి సంవత్సరం లీపు సంవత్సరం అయితే రెండు రోజులు కలపాలి అప్పుడు శనివారం పుట్టిన రోజు వస్తుంది. ఎలాంటి సూత్రాలు లేకుండా నేను ఈ విషయం తెల్సుకున్నాను. కానీ ఈ విషయం చెప్పడానికి మా స్కూల్ లో రెండు క్లాసులు తీసుకున్నారు. ఎప్పుడూ లానే కొందరికే అర్దం అయ్యింది. ఆ కొందరి లో నేను లేను ఎందుకంటే మనకి సూత్రాలు గుర్తు ఉంచుకోవడం కష్టమయ్యేది. కాలం అలా భారంగా గడిచిపోతుంది. ఈ లెక్కలు నన్ను విడిచి పోను అంటున్నాయి. మొత్తానికి పి. జి. ఎంట్రన్స్ ఎగ్జామ్ వ్రాయడానికి ప్రిప్రరేషన్ కి ఒక కోచింగ్ సెంటర్ లో జాయిన్ అయ్యా.. అక్కడ షార్ట్ కట్ లో లెక్కలు చెప్పేవారు. ఎంత పెద్ద లెక్క అయినా ఒకటి, రెండు స్టెప్పుల్లో అయిపోయేది. ఈ కాలం , దూరం లెక్కలు, వడ్డీల లెక్కలు అప్పుడే నేర్చుకున్నా కొంచెం లో కొంచెం .. కానీ ఇక్కడ కూడా ఆ కాలెండర్ లెక్కలు బాగా చెప్పలేదు. అయినా మనకి ప్రోబ్లం లేదు ... కాలెండర్ లెక్కల్లో మనం గుడ్ కదా....

ఇంతకీ నాకు అప్పుడు తెలిసొచ్చింది ఏమిటంటే.. మనకి మనం ఇష్టపడి చదివితే ఎదైనా గుర్తు ఉంటుందని.. ఇలా సూత్రాల మీద ఆధారపడితే ఎమీ సరిగ్గా రావని

ఇంతకీ ఈ అర్దం కాని లెక్కల కోసం ఇంత సేపు మిమ్మల్ని విసిగించాను కదా... అది ఎందుకంటే.. ఈరోజే నా పుట్టినరోజు..

మరి నాకు శుభాకంక్షలు చెప్తారు కదా.. మీ విషెస్ కోసం నిలువెల్లా కన్నులతో కాకుండా.. ఒక నాలుగు కళ్లతో ఎదురు చూస్తూ వుంటాను.

అన్నట్టు ఈరోజు మరో విశేషం కూడా ఉందండి.. అదేమిటంటే.. సంవత్సరంలో పగలు, రాత్రి సమానంగా వచ్చేది ఈ రోజే..

ఈ - ప్రశ్న కి నా సమాధానం

2010-09-16T08:48:00.000-07:00

16 - 09 -2010 న ఈనాడు ప్రత్రికలో ఈ - ప్రశ్న కి నా సమాధానం

నేను మొబైల్ కొన్న కొత్తలో....

2010-09-12T03:47:00.000-07:00

అందరి లానే నాకు మొబైల్ అంటే ఇష్టం ఉండేది మొదట్లో... కానీ భయం ఎక్కువ... ఎందుకంటే.. దాని ఆపరేషన్ రాదు మరి నాకు... ఎట్టకేలకి కొన్ని తప్పనిసరి పరిస్తితులలో మొబైల్ కొన్నాను... మామూలు మొబైల్ కాదు...కె...మె...రా... మొబైల్... చిన్నప్పటి నుండి కెమెరాను కూడా చూడని మొహమేమో నాది... నా మొబైల్ అంటే...నాకు ....భలే ఇష్టం ఉండేది... రోజుకి తక్కువలో తక్కువ ఒక పాతిక వరకూ ఫొటోస్ ని తీసేదాన్ని.. అలా మొబైల్ కొన్న కొత్తలో.. ఒకసారి ఒక బుక్ షాప్ కి వెళ్తే " మాయా బజార్ " సినిమా పుస్తకం కనిపించింది. ఇంట్లో కొనమంటే... కొనరు కదా ( ఈ పెద్దోళ్లు ఉన్నారే...) ఆ పుస్తకానికి అట్ట అదిరిపొయింది. నట దిగ్గజాలు ఉన్నారు మరి ఆ అట్ట మీద... మన దగ్గర మొబైల్ ఉంది కదా.... పండగ చేసుకున్నా.. ఫొటోస్ తీసి... అవే ఇవి...

ఆ సినిమాలో సావిత్రి ని మించిన హీరో ఎవరు చెప్పండి??

ప్రతీ సినిమాలో N.T.R. కి S.V.R. తండ్రి గానో బాబాయి గానో నటిస్తారు.. కానీ ఈ సినిమాలో మాత్రం N.T.R. నటించారు S.V.R. మామయ్యలా.. బహుశా.. ఇలా ఈ ఒక్క చిత్రంలోనే నేమో...

చిన్ని బాబు కి సాయం కావాలి...

2010-09-11T10:13:00.000-07:00

" క్రానియోసైనోసిస్ " అనే వ్యాదితో బాధ పదుతున్న ఒక చిన్నారికి ఆపరేషన్ నిమిత్తం పెద్ద మొత్తంలో ఆర్దిక అవసరం ఉంది.

ప్రస్తుతం చిన్నారి పరిస్తితి....

పేపర్ కట్టింగ్స్....

సాయం చేయాలనుకునే వారు చిన్నారి తల్లినే డైరెక్ట్ గా కాంటాక్ట్ చేయవచ్చు..

ఆమె పేరు, నెంబరు : సత్యశ్రీ - 9492091926

ప్రస్తుతం వీరు హైదరాబాదులో వున్న ఎల్. బి. నగర్ లో ఉంటున్నారు...

దయచేసి మీ అమూల్యమైన సహాయాన్ని వారికి అందిచండి. మీరు ఇచ్చే చిన్న మొత్తమైనా... వారికి ఉపయోగపడుతుంది.

మీరు ఇచ్చే చిన్న మొత్తం

ఆ చిన్నారికి ఇచ్చును ప్రాణం...

మీ మొబైల్ ని ఉచితంగా రీచార్జ్ చేసుకోవాలనుకుంటున్నారా ??

2010-09-11T08:31:00.000-07:00

మన మొబైల్ ని మనమే రీచార్జ్ చేసుకోగలిగినా... ఇలా ఒక సైట్ ద్వారా ఉచితంగా రీచార్జ్ చేసుకుంటే... ఏదో ఒక ఆనందం కదా... ఏంటీ ఈ ఆనందం అనుకుంటున్నారా?? ఐతే ఒక్కసారి ఇక్కడ రిజిస్టర్ అవ్వండి.

వినాయక చవితి.... నా చిన్నప్పుడు

2010-09-10T15:22:00.000-07:00

అందరికీ వినాయక చవితి శుభాకాంక్షలు...

వినాయక చవితి అంటే.. చిన్నప్పుడు భలే సరదా... భయం రెండూ ఉండేవి..
సరదా ఎందుకంటే.. చాలా రకాల ప్రసాదాలు తినేయవచ్చు. స్కూలు కి శెలవు వస్తుంది. ఇక భయమెందుకంటే.. పూజ సరిగ్గా చేయకపోతే.. దేవుడికి కోపమొచ్చేస్తుందంట !!! అసలే వినాయకుడు.. అతనికి కోపమొస్తే... ఇంక అంతే సంగతులు.. చదువుకు మధ్య లోనే విఘ్నం వచ్చేస్తుందంట.. ఎన్ని చెప్పేవారో ఈ పెద్దోళ్లు...

వినాయక చవితి పూజ కి మా ఇంట్లో పుస్తకాలకి కూడా పూజ చేసేవాళ్లం.. ఇక నా కన్ఫ్యుజన్ చూడాలి... మొత్తం మేటర్ వున్న టెక్స్త్ బుక్స్ పెట్టాలా లేదా చక్కగా జవాబులు ఇచ్చే గైడ్ పెట్టాలా లేక సెకండ్ హాండ్ షాప్ లో సంవత్సరం మొదటిలోనే కొనేసిన ఆల్ ఇన్ వన్ (ఈ పుస్తకం నా దగ్గర ఉన్నట్టు మా స్నేహితులకి తెలీదన్నమాట నిజానికి వాళ్ల దగ్గర అప్పటికే ఉన్న విషయం నాకూ తెలియదు ) పెట్టాలా లేదా ముందు సంవత్సరం పరీక్షలకి ఇచ్చిన ప్రశ్నా పత్రాన్ని వ్రాసుకున్న పుస్తకం పెట్టాలా?? ఇన్ని సందేహాల మధ్య నేనుంటే... మా అమ్మ ఏమో.. ఇక్కడ వంటింట్లో ఇంత పని ఉంటే అక్కడ ఒక నాలుగు పుస్తకాలు తీయడానికి ఎంత సేపు అని కాస్తంత అతి ప్రేమతో పిలుపు... పోనీ ఆ వంటిట్లోకి వెళ్లి ఏదో చేసేద్దాం అనుకుంటే... ఆ ఆకు ఇలా మడత పెట్టాలి.. ఆ కజ్జి కాయలో ఇంతే కొబ్బరి పెట్టాలి.. అని ఆర్డర్స్.. పూజ అయినంత వరకూ ఏమీ తినకూడదని ..మా అమ్మ ముందు రోజు ఒక వంద సార్లు చెప్పేది .. అందుకే ఆ రోజు మరీ ఆకలి వేసేది.. అమ్మా.. ఆకలి వేస్తుంది.. త్వరగా పూజ చేసేయొచ్చు కదా... అంటే... నా వర్క్ షిఫ్ట్ వంటింటి నుండి గుమ్మాల దగ్గరకి మారేది.. గుమ్మాలకి పసుపు రాసి.. తోరణాలు కట్టాలి.. పసుపు రాయాలంటే.. కిందకి వంగి చేయాలి.. మనకి నడుం వంగదు.. తోరణాలు కట్టాలంటే... నేనెమైనా స్వయంవరం సినిమాలో వేణు నా?? ఎక్కడో అల వైకుంటపురంలో వున్న గుమ్మం టాప్ కి శ్రమ కోర్చి తోరణం కడితే..ఆకులు మంచివి చూసి ముడి వేయవా... అని మళ్లీ మా అమ్మ.... మొదలుపెడుతుంది... ఇలా... కష్టపడి ఎట్టకేలకు పూజ కి కూర్చున్న తర్వాత... మనం తెలుగు మీడియం కాబట్టి ..పూజా విధానం భాద్యతలు నాకే వచ్చేవి.. నేను సూపర్ ఫాస్ట్ గా చదివేస్తూ ఉంటే... మా అమ్మ ఎర్ర జండా పట్టుకుని ఊపుతూ ఉంటుంది... మొత్తానికి పూజ కానించి మద్యాహ్నానికల్లా... బ్రేక్ ఫాస్ట్ చేసే వాళ్లం. సాయత్రం బోల్డన్ని గుళ్ల కెళ్లి ఎన్నో గుంజీళ్లు తీసే వాళ్లం.. అలా దేవుడికి ఇష్టం అంట.. చీకటి పడకుండానే ఇంటికి వచ్చి .. మళ్లీ పూజ చేసేసి.. రాత్రికి పళ్లు తినేసి నిద్రపోయేవాళ్లం. హోం వర్క్ చేయాల్సిన పుస్తకాలు దేవుడి దగ్గర పెట్టేసి పూజ చేసేసే దాన్ని.. చక్కగా హోంవర్క్ చేయవలసిన అవసరం ఉండేది కాదు :-) ఆ తర్వాత రోజు స్కూల్లో వీపు విమానం మోతే మరి... :-(

ఇలా భలే సరదాగా ఉండేది.. వినయక చవితి అంటే.. అప్పుడు అమ్మ పనులు చేయమని చెప్పినప్పుడు.. ఏదో లా అనిపించినా.. ఇప్పుడు ఉద్యోగం కోసం ఊరు మారాక... ఇంటి విలువ.. ఇంకా చాలా చాలా తెలిశాయి... :-( :-)

అందరికీ మరొక్క సారి వినాయక చవితి శుభాకాంక్షలు.

రంజాన్ శుభాకాంక్షలు

2010-09-10T15:19:00.000-07:00

ఎదుటి మనిషిలో దేవుణ్ణి చూసే ప్రతీ ఒక్కరికీ... రంజాన్ శుభాకాంక్షలు..

కన్నయ్యా......

2010-09-03T10:49:00.000-07:00

కాస్త ఆలస్యంగా చెప్తున్నా.. కన్నయ్యా...
ఏమీ అనుకోకు...
నువ్వేమీ అనుకోవు... నాకు తెలుసు...

ఎందుకంటే...

నువ్వు..

నా కన్నయ్యవి కదా..... :-)

రాఖీ శుభాకాంక్షలు

2010-08-23T12:26:00.000-07:00

ఈ - ప్రశ్న కి నా సమాధానం

2010-07-21T20:23:00.000-07:00

22 - 07 -2010 న ఈనాడు ప్రత్రికలో ఈ - ప్రశ్న కి నా సమాధానం

మీ నెట్ యొక్క వేగాన్ని తెలుసు కోవాలనుకుంటున్నారా ??

2010-06-19T11:45:00.000-07:00

నెట్ యొక్క వేగాన్ని తెలుసు కోవాలంటే ఈక్రింది సైట్ కి వెళ్ళండి..

మనం ఎక్కడ వున్నాం అనే విషయాన్ని కూడా తెలియ చేస్తూ.. మనం వాడుతున్న ఇంటర్నెట్ సర్వీసు యొక్క డౌన్లోడ్ మరియు అప్లోడ్ వేగాన్ని తెలియచేస్తుంది

ఈ - ప్రశ్న కి నా సమాధానం

2010-04-30T13:35:00.000-07:00

29 - 04 -2010 న ఈనాడు ప్రత్రికలో ఈ - ప్రశ్న కి నా సమాధానం

ఈ - ప్రశ్న కి నా సమాధానం

2010-04-15T01:10:00.000-07:00

15 - 04 -2010 న ఈనాడు ప్రత్రికలో ఈ - ప్రశ్న కి నా సమాధానం

ఈ - ప్రశ్న కి నా సమాధానం

2010-04-03T12:22:00.000-07:00

1 - 04 -2010 న ఈనాడు ప్రత్రికలో ఈ - ప్రశ్న కి నా సమాధానం

ఈ - టిప్

2010-01-28T07:16:00.000-08:00

28 - 01 -2010 న ఈనాడు ప్రత్రికలో ఈ - టిప్

ఈ - ప్రశ్న కి నా సమాధానం

2010-01-20T22:33:00.001-08:00

21 - 01 -2010 న ఈనాడు ప్రత్రికలో ఈ - ప్రశ్న కి నా సమాధానం

ఇది హాస్యమా ?? మన జీవితమా ??

2010-01-06T16:18:00.000-08:00

సీత : ఏంటి వదినా?? పదే అవుతుంది కదా !! ఎక్కడికో వెళ్తున్నట్లు ఉన్నావ్??
గీత : అవును వదినా .. బ్యాంక్ కి వెళ్తున్నా...
సీత : పండగ కదా.. ఎదైనా వస్తువు చేయించుకుంటున్నావా వదినా??
గీత : చేయించుకునేట్టే ఉన్నాయా ధరలు ?? పిల్లలికి బస్ పాసులు, కూరగాయలు కొనడానికి బ్యాంక్ నుండి డబ్బులు డ్రా చేయడానికి వెళ్తున్నా...
సీత : అవునొదినా .. ఒకప్పుడు బంగారం కొనాలంటే బ్యాంకుకెళ్లి డబ్బులు తేవాల్సి వచ్చింది. ఇప్పుడో కూరగాయలకి, బస్ చార్జీలకి కూడా బ్యాంకుకెళ్లి డబ్బులు తీయాల్సొస్తుంది.
గీత : మరేం..
సీత : బస్ స్టాప్ అటువైపైతే ఇటువైపొస్తున్నావేంటొదినా??
గీత : నిన్న న్యూస్ చూడలేదా ఇప్పుడు బస్ ఎక్కితే అయిదు కాయిన్ సమర్పించాలట. నడిస్తే ఆరోగ్యం + డబ్బులు మిగులని ఇలా....
సీత : ఓ అరగంట ఆగుతావా వదినా ?? నేను వస్తాను.
గీత : అయ్యో వదినా .. మనలాంటి వాళ్లందరూ ప్రతీ అవసరానికి బ్యాంక్ కి వెళ్లడం వలన బ్యాంక్ లు కూడా R.T.C. బస్ ల్లాగా తయ్యరయ్యయ్. లేట్ ఐతే అంతే సంగతులు.
సీత : అవునా .. వదినా..
గీత : మరేం...
సీత : ఇంతకీ ఒకేసారి ధరలెందుకు రెట్టింపు కన్నా పెరిగాయంటావొదినా??
గీత : బ్యాంకు నుండి వచ్చి చెప్తా వదినా .. టైమైపోతుంది.
సీత : అలాగే..

ఈ - ప్రశ్న కి నా సమాధానం

2010-01-06T15:26:00.000-08:00

07 - 01 -2010 న ఈనాడు ప్రత్రికలో ఈ - ప్రశ్న కి నా సమాధానం

ఈ - ప్రశ్న కి నా సమాధానం

2009-12-16T16:38:00.001-08:00

17-12-2009 ఈనాడు ఐ.టి పేజి లో ఈ - ప్రశ్న కి నా సమాధానం
పేరు తప్పు వచ్చింది.

My Tip in Eenadu

2009-11-28T00:50:00.001-08:00

పంచ పాండవులు

2009-10-10T17:47:00.000-07:00

పంచ పాండవుల పేర్లు ధర్మరాజు, భీముడు, అర్జునుడు, నకులుడు, సహదేవుడు.

ఈ విషయం మన అందరికీ తెలుసు. కానీ ఈ పేర్ల వెనక అంతరార్దం భక్తి చానెల్ లో గరికపాటి వారు చాలా బాగా విశ్లేషించి చెప్పారు.

పంచ పాండవులలో పెద్దవాడు ధర్మరాజు ఆయన మాట తమ్ములెవరూ జవదాటరు. అంటే అతని మాటకు వారందరూ డు – డు అంటారు (తల ఊపి సరే అంటారు. అలానే నడుచు కుంటారు) అందుకే ధర్మరాజు తమ్ములందరి పేర్ల చివర “డు” ఉంటుంది ట.

భీముడు

అర్జునుడు

నకులుడు

సహదేవుడు

ఇది సరదాగా చేసిన విశ్లేషణ. ఎవరినీ ఉద్దేశ్యించినది కాదు, నొప్పించాలని కాదు.

ఈనాడు లో నేను - నా సమాధానం

2009-10-08T17:07:00.000-07:00

08 - 10 -2009 న ఈనాడు ప్రత్రికలో ఈ - ప్రశ్న కి నా సమాధానం

నాన్నంటే.... ఓ ధైర్యం

2009-06-21T04:46:00.000-07:00

నాన్న... ఈ మాటంటే మన పెదవులు దూరమవుతాయి. ఎందుకంటే మనల్ని మనసుతో ప్రేమించి చేతల్తో భయపెడతాడు నాన్న. అందుకే పెదవులు సైతం ఆ మాట పలికేటప్పుడు దూరమవుతాయి.

అమ్మ గురించి ఎంతో వ్రాయగలం. కాని నాన్న గురించి అంత వ్రాయలేం కారణం నాన్న ప్రేమని మనసులోనే దాచేసుకుంటారు అలానే మనం కూడా నాన్న మీద ప్రేమని వ్యక్తపరచలేం.

నా దృష్టిలో అమ్మంటే ఓర్పు, సహనం ; నాన్నంటే ధైర్యం.

ఎందుకంటే తల్లి దూరమైన లేదా తల్లి లేని వాతావరణంలో పెరిగిన పిల్లల్లో చాలా మందికి ఓర్పు తక్కువగా ఉంటుంది.
తండ్రి దూరమైన పిల్లల్లో ధైర్యం తక్కువగా ఉంటుంది. పెద్దయ్యాక ధైర్యం వచ్చినా చిన్నప్పుడు వారు కొంచెం పిరికి వారు గానే ఉంటారు. ఆడపిల్లల విషయంలో ఇది 96% నిజం.

నాన్నకి ఇది ఇష్టం ఉండదు. ఇలా చేస్తే నాన్న కొడతారు , తిడతారు అని చెప్పి అమ్మే ఎక్కువగా మనల్ని భయపెడుతుంది. లేకుంటే పిల్లలు తల్లి తండ్రులలో ఎవరికీ భయపడరని. కాని అమ్మ దగ్గర ఆటలు సాగనప్పుడు నాన్న దగ్గరకే వెళ్తాం కదా మనం. అదే నాన్న ప్రేమ.

పిల్లల పెంపకంలో తల్లి తండ్రులిరువురూ సమాన పాత్ర పోషించాలి. లేదంటే పిల్లల్లో సహనమో, ధైర్యమో తక్కువవుతుంది.

నా ఎదుగుదలలో మా అమ్మ పాత్ర ఉంది. మా నాన్న పాత్ర కూడా ఉంది. కాని ఇద్దరి పాత్ర పూర్తి వ్యతిరేకం. :-)

నాన్న కోసం ఎంతో వ్రాయాలని అనుకున్నా. కాని ఏమీ వ్రాయలేకపోతున్నా........ :-(

పితృ దినోత్సవ మహోత్సవ సందర్బంలో ఒక పాట..
http://www.chimatamusic.com/playcmd.php?plist=1668

(స్పీకర్స్ సరిలేక పాట కోసం కష్టపడుతున్న సమయంలో జ్యోతి గారి సహాయం మరువలేనిది. ధన్యవాదములు)
(చిత్రపటాన్ని ఇచ్చిన గూగులమ్మకి ధన్యవాదములు)

అన్నయ్యకు పెళ్లి రోజు శుభాకాంక్షలు

2009-05-14T08:50:00.000-07:00

మా మంచి చిన్నన్నయ్య GV (గోపాల్ వీరనాల) అన్నయ్యకు పెళ్లి రోజు (మే 15) శుభాకాంక్షలు తెలుపుతూ .......

ఈ పాటను వీక్షించాలని కోరుకుంటూ........

ఆ దేవుడు మీకు , మా వదినకు ఆయుః ఆరోగ్యాలని ప్రసాదించాలని

ప్రార్దిస్తూ......

- మీ చిట్టి చెల్లెలు

జాహ్నవి

అమృతమూర్తి - అమ్మ

2009-05-10T02:37:00.000-07:00

ప్రత్యామ్నాయం లేని రూపం - అమ్మ
సేవ లోనే శెలవు కోరుకునేది - అమ్మ
అసలు నా దృష్టిలో అమ్మంటే -
అమ్మ - అ + మ + మ
అ - అందరినీ
మ - మరిపించేది
మ - మరిచిపోలేని బందం

ఈ మాతృమూర్తుల దినోత్సవం రోజున మా అమ్మను గురించి నా బ్లాగ్ లో...
మా అమ్మ పేరు సంఘమిత్ర . ఉద్యోగిని . సాయంత్రం 5-00 గంటలకు వచ్చే ఉద్యోగం మాత్రం కాదు. 8-00 , 9-00 అవుతూ ఉంటుంది మా అమ్మ ఆఫీసు నుండి వచ్చే సరికి. అప్పుడు కూడా అన్ని పనులు ఎంతో ఓపిగ్గా చేస్తుంది మా అమ్మ.

ఓపిక + ఆత్మ విశ్వాసం + ధైర్యం = మా అమ్మ.

ఈ మూడు గుణాలు నాలో కాస్తంత ఎక్కువని నా స్నేహితులు అంటుంటారు. ఈ గుణాల విషయంలో నేను నా నేస్తాలకి రోల్ మోడల్ కూడా. కాని ఈ విషయాలన్నీ నేను మా అమ్మను చూసే నేర్చుకున్నాను.

ఈ మధ్యనే మా జీవితంలో జరిగిన సంఘటన....
మా అమ్మకి కుడి చేయి మొన్నామధ్యన ఫ్రాక్చర్ అయ్యింది. అప్పుడు ఇంటి పనుల భాద్యత నా మీద పడింది. నాకేమో ఉద్యోగం వచ్చిన కొత్త. ఉద్యోగానికి శెలవు పెట్టడానికి వీలవ్వని పరిస్తితి. ఇంటి పనులు, వంట పనులు, ఇంటికి కావల్సినవి కొనడం, బిల్స్ కట్టడం, ఆఫీసు పనులు ఇంక ఒకటేమిటి? అన్ని పనులు... నేనే చేసేదాన్ని. నన్ను చూసి మా బంధువులు అందరూ ఆశ్చర్యపోయారు. ఇంత చిన్న వయసులో ఇన్ని పనులు నే ఒక్కదాన్నే ఎలా చేసేదాన్నా అని?
అది అంతా మా అమ్మ మహిమ. మా అమ్మ చేసే ప్రతి పనిని నేను గమనించేదాన్ని. అలానే అన్ని పనులు నేర్చుకున్నాను. ఆ టైం లోనే కొత్త వంటలు కూడా చేశాను. ఎప్పటి పనులు అప్పుడు చేయకుంటే మా అమ్మ ఎక్కడ ఆ పనులు చేసేస్తాదోనని నా భయం. నేను కష్టపడిపోతున్నానని మా అమ్మ భాధ. మొత్తానికి మా అమ్మ చేయి బాగయ్యాక నేను అన్ని పనులు చేయలేదు కాని కొన్ని పనులు మాత్రం చేస్తున్నాను.

మా అమ్మ చేస్తున్న పని - వంట వండటం
నేను చేస్తున్న పని - దాన్ని ఆరగించడం

మా అమ్మ చేస్తున్న పని - ఇంటికి సామానులు కొనడం
నేను చేస్తున్న పని - వాటిని క్రమ పద్దతిలో సద్దడం

ఇలా నేను , మా అమ్మ పనులని సద్దుకుంటున్నాం :-)

నాకు ఉద్యోగం శాశ్వతం (permanent) అయ్యాక నేను మా అమ్మని ఏ మాత్రం కష్టం లేకుండా పోషించగలను అనే నమ్మకం వచ్చిన తర్వాత నేను చేసే మొదటి పని .. మా అమ్మ చేత వాలెంటరీ రిటైర్ మెంట్ ఇప్పించడం. ఆ తర్వాత ఇంట్లో కూడా ఏ పని చేయనివ్వను. మా అమ్మకి ఇష్టమైన అధ్యాత్మిక పుస్తకాలకి జీవిత చందా కట్టడం. నాకు ఉద్యోగం వచ్చి ఎక్కడ వున్నా కూడా మా అమ్మని అక్కడకి తీసుకువేళ్ళే వరం కావాలని ఆ దేవుణ్ణి కోరుకుంటున్నా ఎప్పుడూ...

నా ఈ కోరిక నిజం అవుతుందని నాకు నమ్మకం ఉంది ఎందుకంటే ముక్కోటి దేవతల దీవెనలని మించిన మా అమ్మ దీవెన నాకుందని..
ఔనంటారా...?

నాలో సగం - కధ

2008-05-07T11:17:00.000-07:00

నేను వ్రాసిన ౩వ కధ ఇది. కాకుంటే మొదటి 2 కధలు కేవలం మా అమ్మ గారు మాత్రమే చదివారు ఈ కధ ధైర్యం చేసి బ్లాగులో పెడుతున్నాను. నేను ఏమీ ఎక్కువగా కధలు చదవలేదు. ఖచ్చితంగా ఇందులో ఎన్నో తప్పులు ఉంటాయి. మీకు వీలైతే వాటిని నాకు తెలియచేయండి. వ్యాఖ్యలు కొంచెం మృదువుగా వ్రాయండి. మొదటిసారిగా కధ బ్లాగ్ లో పెట్టడం.

మరి ఇక కధ లోనికి వెళ్తే...

ఆదివారం కూడా అలారం రోజూ లాగే అదే టైమ్ కే మోగుతుంది. తిరగడం తప్ప ఏ గడియారానికి మరే పని లేదేమోనని చిర్రున కోపమొచ్చేసింది నాకు. కోపాన్నంతా బలంగా ఉపయోగించి అలారాన్ని కసితీరా ఆపేసాను. ప్రశాంతంగా పడుకున్నాను. మళ్ళీ పడుకుని ఎంత సేపయిందో తెలియదు కానీ ఫోన్ వచ్చింది. కట్ చేద్దామనుకున్నా కానీ బడా దోస్త్ నుండి ఫోన్ రింగ్ టోన్ బట్టే పట్టేశా. ఆవులిస్తూనే హలో అన్నా. "ఏంట్రా ఇంకా లేవలేదా ? మనప్రోగ్రాం మర్చిపోయావా ప్రసాద్ ఐమాక్స్" అన్నాడు రవి. లెవెన్ కి కదరా అన్నా నేను. "ఒరేయ్ అప్పుడే తొమ్మిదయ్యింది నువ్వు లేవవని తెలిసే ఫోన్ చేసా ఇక లెగు అందుకే ఫోన్ చేశా బై" అంటూ ఫోన్ కట్ చేశాడు వాడు. బద్దకంగా ఒక్కొక్క పని పూర్తి చేశా. గంటయింది నేను తయారయేసరికి. డైనింగ్ రూమ్ కి వచ్చా. పెసరట్టు, ఉప్మా వేడి వేడిగా హాట్ బాక్స్ లో ఉన్నాయి. నా భార్య లలిత చేసింది. వంటలు బాగానే చేస్తుంది.ప్లేట్ లో పెట్టుకుని తిన్నాను. రెండు తిన్నాను. మరొకటి కూడా తినాలనిపించింది. అంత రుచిగా చేసింది. కానీ హెవీ అవుతుందేమోనని ఆపేశాను. ఇక బయలుదేరడం ఒకటే మిగిలింది. నాకేమో తనకి చెప్పడానికి ఇష్టం లేదు. డైనింగ్ టేబుల్ మీద రెండు సార్లు చరిచా . వాషింగ్ మిషన్ లో బట్టలు వేస్తున్నట్టు ఉంది. వెంటనే వచ్చింది. నేను బయటకు వెళ్తున్నా అని చెప్పి బయటకు వచ్చేశా. ఎక్కడికి వెళ్తున్నదీ ఎప్పుడు వస్తానన్నదీ చెప్పలేదు. చెప్పాలనీ అన్పించలేదు.

బయటకు వెళ్ళి బండి తీశా. ప్రసాద్ ఐమాక్స్ వైపు సాగింది నా పయనం . 11-00 కి ఓ ఐదు నిమిషాల ముందు వెళ్ళా. మా రవి గాడు, మరో నలుగురు స్నేహితులు ఎదురుచూస్తున్నారు నా కోసం. 5 నిమిషాలు లేట్ ఐనా నన్ను ఉతికి ఆరేసేవారు మాటలతో. నా నవ్వుకే పడిపోయారు అందరూ. అంత బాగుంటుంది నా నవ్వు. అదే నా ప్లస్ పాయింట్. అందరం లోనికి వెళ్ళాం. జోధా అక్బర్ మొదలయ్యింది. ఐశ్వర్యనే చూడాలా సినిమానే చూడాలా అర్దం కాలేదు నాకు. ఎన్ని భావాలను చూపించింది ఐశ్వర్య తన కళ్ళలో నిజంగా ఇది ఐశ్వర్యకు మాత్రమే స్వంతం. ఈ సినిమా వరకు హృతిక్ , నిజ జీవితంలో అభిషేక్ అదృష్టవంతులుగా అనిపించారు నాకు. ఐశ్వర్య అంటే చాలా ఐష్టం నాకు. ఆ అందం, అభినయం కలిసిన ముగ్ద మనోహర సౌందర్యం ఆమెది. అసలు ఆమె కన్నా అందమైన వారు ఈ ప్రపంచంలో ఉన్నారా అని నాకు అనుమానం. అందుకేనేమో ఆమె ప్రపంచ సుందరి అయ్యింది. సినిమాలో ఒక్కొక్క సన్నివేశంలో ఎంత బాగా నటించిందో. సినిమా చూస్తుంన్నంత సేపు నన్ను నేనే మర్చిపోయాను. సినిమా అయిపోయింది. కానీ కనీసం మరో నాలుగు సార్లైనా చూడాలని నిర్ణయించుకున్నా అ సినిమాని. అందరం బయటకు వచ్చాం. తర్వాతి ప్రోగ్రాం కోసం ఆలోచించుకుంటున్నాం అందరం. ఎక్కడ లంచ్ చెయ్యాలా అని. శని, ఆది వారాల శెలవులని మేము బాగా వినియోగించుకుంటాం ఊరు మీద పడి ఇలా.

ఇంతలో ఎవరో ఒకసారి వెనుక నుండి గట్టిగా చరిచారు. కోపం నషాలానికి అంటింది. చిర్రున తిరిగి చూశా. స ... మీ...ర్ ...అన్నా నేను. అవున్రా నేనే అన్నాడు వాడు. ఎన్నాళ్ళయిందిరా నిన్ను చూసి. రెండేళ్ళు అయి ఉంటుంది కదా మనం కలిసి అన్నా నేను. ఆ అవున్రా ఏంటి సంగతులు ఎలా వున్నావు? అడిగాడు సమీర్ నన్ను. నేను బానే వున్నాను . నువ్వెక్కడ ఉంటున్నావు? ఎలా వున్నావు? అని అడిగాను. నేను ఎప్పుడూ కూల్ రా. ఈ మధ్యనే హైదరాబాద్ లో కొత్త వెంచర్ స్టార్ట్ చేద్దామని వచ్చా అని చెప్పాడు సమీర్. నా బి.టెక్ ఫ్రెండ్ అని నాతో సినిమాకి వచ్చిన నా కొలీగ్స్ అందరికీ పరిచయం చేశా. మా ఇంటికి రేపు తప్పకుండా లంచ్ కి రావాలని అహ్వానించాను సమీర్ ని నేను. అయ్యో అవ్వదురా రేపు ఉదయమే బెంగుళూర్ వెళ్ళాలి అన్నాడు సమీర్. అయితే ఇప్పుడే రా లంచ్ కి అన్నా నేను. ఇప్పుడా? మరీ ఇప్పటికిప్పుడు అంటే ఎలారా? మరోసారి వచ్చినప్పుడు చూద్దాం అన్నాడు సమీర్. నేను ఒప్పుకోలేదు. వాడిని మొత్తానికి ఒప్పించాను. నా కొలీగ్స్ ను పిలుద్దామనుకునే సరికి వాళ్ళు ముందే బై చెప్పారు. దయచేసి వాళ్ళని పిలవవద్దని వాళ్ళే సైగ చేశారు. మొన్న ఒకసారి మా అమ్మ ఉన్నప్పుడు మా ఇంటికి వచ్చారు. మా అమ్మ పద్దతులు చూసి భయపడ్డారు బాగా. ఇప్పుడు మా అమ్మ ఇక్కడ లేదని తెలియదు వాళ్ళకి. అయినా మొన్నేగా వాళ్ళూ మా ఇంటికి వచ్చారు అని నేను వాళ్ళని బలవంతపెట్టలేదు. లలితకి ఫోన్ చేసి ఇంకో గంటలో నేను, నా ఫ్రెండ్ లంచ్ కి వస్తున్నాం అని చెప్పి, తను చెప్పేది వినకుండానే ఫోన్ పెట్టేశాను నేను.
నేను , సమీర్ కలిసి కాఫీడే కి వెళ్ళాం. కోల్డ్ కాఫీ తాగుతూ పాత విషయాలు అన్నీ మాట్లాడుకున్నాం. గంట సేపు అక్కడే గడిపాం. నేను బండి మీద ముందు బయలుదేరితే వెనుక వాడు కారు లో ఫాలో అయ్యాడు. ధనవంతుల ఇంట్లో పుట్టిన ముద్దు బిడ్డ వాడు. అబ్బో బి.టెక్ లో ఎంత మంది అమ్మాయిలు వీడికి లవ్ లెటెర్స్ వ్రాసేవారో. చదువు, అందం , డబ్బు అన్నీ వీడి సొంతం అందుకే అందరూ వీడికి ఆకర్షితులయ్యేవారు. మా అపార్ట్ మెంట్ కి చేరుకున్నాం. ఇదేరా మా అపార్ట్ మెంట్ సెకండ్ ఫ్లోర్ మాది అని చెప్తూ పైకి తీసుకెళ్ళా సమీర్ ని నేను. కాలింగ్ బెల్ నొక్కాను. మీ ఆవిడకి నేను షాక్ ఇస్తాను అంటూ సమీర్ ముందు నించున్నాడు. లలిత తలుపుతీసింది. ల ... లి ... తా .... ఎంత చనువుగా పిలిచాడో సమీర్ . తనకు కాదు నాకు ఇచ్చాడు షాక్ సమీర్. నా ముందే నా భార్యను అంత చనువుగా మరో మగాడు పిలవడం నాకు ఏదోలా అనిపించింది. లలితా ఏంటి ఎలా వున్నావు? అని అడిగాడు సమీర్ . నమస్తే అండి. నేను బాగానే వున్నాను అంది లలిత. లలిత నీకు ముందే తెలుసా అని అడిగా సమీర్ ని. ఆ తెలుసు. లలిత వాళ్ళూ మాకు దూరపుచుట్టాలు అని చెప్పాడు సమీర్. ఏంట్రా ఇక్కడే నించోబెట్టి ఇంటర్వ్యూ చేస్తావా? అని అన్నాడు సమీర్ నాతో . అయ్యో లోపలికి రండి అంటూ అహ్వానించింది లలిత. అంతవరకు వాడి కళ్ళళ్ళో లేని మెరుపు కనిపించింది నాకు సమీర్ లో. లలితని పెళ్ళి చేసుకున్నావా మొత్తానికి అయితే నువ్వు అదృష్టవంతుడివి అన్నాడు సమీర్ .
ఇద్దరం హాల్ లో కూర్చున్నాం. లలిత మంచినీళ్ళు ఇచ్చి వెళ్ళిపోయింది. మీరు లలిత వాళ్ళ బందువులైతే మా పెళ్ళికెందుకు రాలేదురా అని అడిగాను. అప్పట్లో ఏవో కొన్ని గొడవలైనాయి రా అయినా అవన్నీ ఇప్పుడెందుకు వదిలెయ్ అన్నాడు సమీర్. నేనే కావాలని గుచ్చి గుచ్చి అడగడం మొదలుపెట్టాను. నువ్వు ఏమీ అనుకోనంటే చెప్తానురా అన్నాడు. సరే చెప్పు అన్నాను. నిజానికి నీతో ఈ విషయం నేను చెప్పకూడదేమో కానీ ఒక ఫ్రెండ్ గా చెప్తున్నా అంటూ మొదలు పెట్టాడు. లలిత వాళ్ళు మాకు దూరపు బందువులు. మా ఇంటికి దగ్గరలోనే ఉండేవారు. లలిత నాకు చిన్నప్పటి నుండి తెలుసు. చాలా మంచి అమ్మయి. నెమ్మదిగా ఉండేది. మరెవరి ఆలోచనో తెలియదు కానీ నాకు, లలితకి పెళ్ళి చేయలనుకున్నారు. వాళ్ళకి , మాకు ఆస్తి అంతరాలు ఉన్నయి. లలిత వాళ్ళు బిలో మిడిల్ క్లాస్ . మాకేమో ఆస్తులు ఎక్కువ. మొదట్లో మా ఇంట్లో ఒప్పుకున్నా నిశ్ఛితార్దం దగ్గర పడే సరికి లలిత వాళ్ళ నాన్న తాగుబోతని వాళ్ళ వంశం మంచిది కాదని ఇంకా ఎవేవో చెప్పి పెళ్ళి కాన్సిల్ చేశారు. నేను ఇంట్లో బాగా గొడవ చేశాను. మా ఇంట్లో ససేమిరా అన్నారు.లలిత వాళ్ళింటికి వెళ్ళి వాళ్ళ అమ్మ, నాన్న నడిగి పెళ్ళి చేసుకోవాలనుకున్నాను. వాళ్ళ అమ్మా, నాన్న లతో మాట్లాడుతుంటే తనే వచ్చి పెద్దవాళ్ళని బాధ పెట్టి పెళ్ళి చేసుకోవడం నాకు ఇష్టం లేదు అని చెప్పింది నాతో . ఒకరికి లలిత ఎదురుసమాధానమివ్వడం నేను అప్పుడే మొదటి సారిగా చూశాను. ఇంక ఏమీ మాట్లాడలేక బయటకు వెళ్ళిపోయా. ఆ తర్వాత ఇప్పుడే మళ్ళీ చూడటం. శుభలేఖ మాకు పంపిచారు కానీ పెళ్ళికి మేమెవ్వరం వెళ్ళలేదు అని చెప్పాడు సమీర్. నువ్వు ఇంతగా అడిగావని చెప్పాను. నిజంగా లలిత చాలా మంచి అమ్మాయి అని చెప్పాడు.

ఇంతలో లలిత వచ్చి భోజనానికి రండి అని చెప్పింది. ఇద్దరం భోజనానికి వెళ్ళాం. గంటలో నాలుగు రకాలు బాగానే చేసింది లలిత. ఈ రోజు ఎంతో అదృష్టం చేసున్నాను నేను లలిత చేతి వంట తింటున్నాను అన్నాడు సమీర్. చిన్న నవ్వు నవ్వింది లలిత. మా ఇద్దరికే పెట్టింది. సమీర్ తనని ఇప్పుడే తినమన్నాడు. నేను తర్వాత తింటానండి అని చెప్పింది లలిత. సమీర్ కళ్ళలో ఎంతో ఆనందం కన్పించింది నాకు మా ఇంటికి వచ్చిన దగ్గర నుండి. మాట్లాడుతూ మాట్లాడుతూ భోజనం 45 నిమిషాలు తిన్నాం. సమీర్ టైం చూసుకుని అయ్యో చాలా టైం అయ్యిందిరా నేను వెళ్ళాలి అంటూ బయలుదేరబోయాడు. మళ్ళీ ఎప్పుడు అని అడిగాను నేను. మళ్ళీ హైదరాబాదుకి వచ్చినప్పుడు తప్పకుండా మిమ్మల్ని కలుస్తానన్నాడు. వెళ్ళొస్తాను లలిత అన్నాడు సమీర్ . ఊ అంది తను. నేను వాడితో పాటు బయటకు వచ్చాను.

లలితకి ఎలాంటి భర్త లభించాడో అని ఇన్నాళ్ళు తను గుర్తు వచ్చినప్పుడల్లా అనుకునేవాడిని. ఇప్పుడు ఆ భాధ లేదు. తనకి నీలాంటి మంచి మనిషే భర్తగా లభించాడు. నీకు తెలియని విషయం కాదనుకో తను చిన్నప్పటి నుండి ఎన్నో కష్టాలు పడింది. అసలు ఆనందం అంటే ఏమిటో తెలియదు తనకి. తను చిన్నప్పుడు పడ్డ భాధలన్నీ నీ సాంగత్యంలో మరచిపోయేలా నువ్వే చేయాలి అన్నాడు. నాకు మాత్రం తెలియదేంట్రా అన్నాను నవ్వుతూ కానీ నాకు నిజంగా ఈ విషయాలేమీ తెలియవు. నాకు బై చెప్పి వాడు కారులో బయలుదేరాడు. నేను మేడ ఎక్కాను. లలిత అప్పుడే భోజనం చేసి నట్టుంది. సామాలు తోముతుంది. నేను నా గది లోనికి వెళ్ళి నడుం వాల్చాను.

అలా గతంలోనికి వెళ్ళాను. నాకు ఉద్యోగం వచ్చిన కొత్తల్లో ఓ రోజు మా అమ్మ నా దగ్గరికి వచ్చి ఒరేయ్ నా స్నేహితురాలి పెళ్ళి నిశ్చితార్దం వరకు వచ్చి ఆగిపోయింది. పాపం తను చాలా మంచిది. వాళ్ళ అమ్మాయి కూడా నాకు తెలుసు. చాలా నెమ్మదస్తురాలు. చదువుకున్న అమ్మాయి. నువ్వు పెళ్ళి చేసుకోవాలిరా అంది. పెళ్ళి చూపులకైతే వస్తాను. నచ్చితేనే చేసుకుంటాను. తప్పకుండా ఈ అమ్మాయినే చేసుకో అని అంటే మాత్రం నా వల్ల కాదు అని చెప్పాను. సర్లేరా పెళ్ళి చూపులు ఎల్లుండేరా అంది అమ్మ. నేను, అమ్మ, నాన్న, అక్క , బావ వెళ్ళాం. లలితని చూశాను. నచ్చింది. కానీ పెళ్ళి చేసుకునేంతగా నచ్చలేదు. తనతో పర్సనల్ గా మాట్లాడాలని చెప్పాను. వాళ్ళు ఒప్పుకున్నారు. కానీ మా అమ్మ ఒప్పుకోలేదు. పెళ్ళి చూపుల కంటూ వచ్చిన ప్రతీ మగాడితోనూ పర్సనల్ గా మాట్లాడాలంటే ఆడపిల్లలకెంత కష్టంగా ఉంటుందో మగవాళ్ళ కెవరికీ అర్దం కాదు అని నన్ను వారించింది అక్కడే. నేను సరేనన్నా ఏమీ మాట్లాడలేదు. ఇంటి కొచ్చిన తర్వాత ఆ అమ్మాయి నాకు నచ్చలేదు. ఈ పెళ్ళి వద్దు అని అన్నాను. ఎందుకు ? ఏమిటి? కారణం అడిగింది అమ్మ. ఏమో ఎందుకో నాకు తెలియదు అన్నా నేను. కారణం చెప్పకుండా పెళ్ళి వద్దంటే పాపం వాళ్ళు భాధ పడతారు. ఏదో కారణం చెప్పు అంది అమ్మ. నాకు ఏ కారణం దొరకలేదు. కారణం .... కారణం ... అంటూ నసిగాను. చూశావా కారణాన్ని వెతుక్కుంటున్నావ్ అంటే నచ్చకపోవడానికి కారణాలు లేవు అంటే నచ్చిందనేగా అర్దం. అయితే పెళ్ళి ఖాయం అంది అమ్మ. మా అమ్మ చాలా తెలివైనది. అబద్దం చెప్తే ఇట్టే పట్టేయగలదు. అలాగే మా పెళ్ళి జరిగిపోయింది.

ఆ రోజు అమ్మ దగ్గర కారణం చెప్పలేనప్పుడు నేను ఓడిపోయానన్న భావన ఎందుకో నా మనసులో ఉండిపోయింది.ఇప్పుడు పెళ్ళయ్యాక లలిత దగ్గర గెలవాలనుకున్నా నేను. ఉద్యోగం హైదరాబాద్ లో కాబట్టి నేను , అమ్మానాన్న నుండి వేరుగా ఉండవలసి వచ్చింది. నాతో పాటు తనుకూడా వచ్చింది. ఇక అంతా నా ఇష్టారాజ్యం. తెలిసి తెలిసి నేను ఎన్నో విషయాలలో కష్టపెట్టా. పెళ్ళయిన దగ్గర నుండి ఒక్కసారి కూడా తనతో ప్రేమగా మాట్లాడింది లేదు. ఎప్పుడూ ఏవో ఆర్డర్స్ వేస్తూనే వచ్చాను. మా అమ్మ దగ్గర ఓడిపోయిన భావం అంతా ఇలా తన మీద తీర్చుకుంటున్నాను ఆ కసిని అంతా. అమ్మ అప్పుడే చెప్పింది వాళ్ళ నాన్న తాగుబోతు. పైసా సంపాదన లేదు. వాళ్ళ అమ్మ కాస్తో కూస్తో పని చేసి డబ్బులు సంపాదించి లలితని చదివించింది. లలితకి ఉద్యోగం చేయడం ఇష్టం తనకి హైదరాబాదులో ఏదో ఉద్యోగం వచ్చిందట . చేస్తానంటుంది. ఆ జీతంలో కొంత భాగం తన తల్లి ,తండ్రికి పంపిస్తుందట ముందుగానే నన్ను అడిగింది. నేను సరే అన్నా అని చెప్పింది. ఇప్పుడిప్పుడే అనిపిస్తుంది నాకు తను ఎంత భాద్యత గల మనిషో అని. ఉద్యోగం చేస్తున్నా ఇంటి పని అంతా తనే చేస్తుంది, ఎంత తొందరగా పనులన్నీ చేస్తుందో నిజంగా షి ఈజ్ గ్రేట్ ఇలా ఆలోచిస్తూనే నిద్రపోయినట్టున్నాను.

నిద్ర లేచేసరికి రాత్రి తొమ్మిదైంది.నేను లేచేసరికి లలిత న్యూస్ పేపర్లు సద్దుతుంది. తను ఎన్ని సార్లు సద్దినా అది కావాలి, ఇది కావాలి అంటూ నేనే కెలికి పారేస్తాను. అయినా ఓపిగ్గా సద్దుతుంది తను. నేను లేవడం చూసినట్లుంది తను. చపాతీలు చేశానండి అంది.ఊ అన్నట్లు తలూపాను. మొహం కడుక్కొని చపాతీలు తినడం మొదలుపెట్టాను. నేను తనను పెళ్ళి చేసుకోవడానికి ఇంత ఆలోచించానే మరి తను కూడా నా గురించి ఏమి ఆలోచించి ఉంటుంది అని అనుకున్నా. వంటిట్లోకి వెళ్ళా. ఏదో పనిలో ఉంది తను. ఎలా అడగాలో నాకు అర్దం కాలేదు. లలితా... అని పిలిచాను. ఒక్కసారి ఆశ్చర్యంగా నా వైపు తిరిగింది. పెళ్ళయిన తర్వాత ఒకటో సారో, రెండవసారో నేను తనని పేరు పెట్టి పిలవడం. ఆ కళ్ళలో ఎన్ని భావాలో ఆనందం, ఆశ్చర్యం రెండూ లలిత కళ్ళల్లో నాకు కనిపించాయి. నాకు ఎంతో ఇష్టమైన ఇశ్వర్య కన్నా లలితే నాకు అందంగా కనిపించింది ఇప్పుడు. తనని పిలిచి ఏమీ మాట్లాడకపోయేసరికి కళ్ళతోనే ఏమిటని ప్రశ్నించిందనిపించింది నాకు. "పెళ్ళి కాక ముందు నేను నీతో మాట్లాడలేదుగా మరి నేను ఎలాంటి వాడినో ఎలా తెలుసుకుని నన్ను పెళ్ళి చేసుకున్నావు" అని అడిగాను. మళ్ళీ ఎప్పుడూ లానే ఓ చిరునవ్వు. "మీరు పెళ్ళి చూపుల్లో నాతో మాట్లాడతానన్నప్పుడు మీ అమ్మ గారు వారించారు. అప్పుడు మీరు అత్తయ్య గారి మాటకు విలువిచ్చి మాట్లాడలేదు. పెద్దల యందు గౌరవం ఉన్న వారు అందర్నీ గౌరవిస్తారని అర్దం చేసుకుంటారని నా నమ్మకం. నాకు కాబోయే భర్త తన తల్లి దండ్రుల మాటలు వినాలని నేను కోరుకున్నా" అని అంది.

ఇన్నాళ్ళు నేను తనని పెళ్ళి చేసుకోవడం తనకేదో సహాయం చేశననుకునేవాడిని. కానీ ఇప్పుడే తెలిసింది నిజంగా నా అదృష్టమని. మా అమ్మ ఎప్పుడూ కరెక్ట్ గానే ఆలోచిస్తుందని . ఇంత మంచి భార్యని నాకు అందించి నందుకు ఆ దేవుడికి ఎంతో కృతజ్ఞతలు చెప్పుకున్నా. నిజంగా తను , నేను వేరు కాదనిపించింది. నేను , లలిత ఒకటే. నాలో సగం లలిత. లలిత లో సగం నేను. రేపు ఉదయం మనం బిర్లా మందిర్ కి వెళ్తున్నాం రెడీగా ఉండు లలితా... అని చెప్పా. మళ్ళీ తన కళ్ళల్లో ఆనందం, ఆశ్చర్యం పెదవిపై చిరునవ్వు.

నాకు టెక్నికల్ విషయాలను ఎన్నో నేర్పించిన మా చిన్నన్నయ్య గోపాల్ గారికి పెళ్ళిరోజు (మే 15) కానుకగా ఈ కధను అంకితం ఇస్తున్నాను. మన్నిస్తారని ఆశిస్తూ....

జాహ్నవి.

ఎలా ? ఎలా ?

2008-04-11T11:19:00.000-07:00

ఏమని వర్ణించను
నా చెలి అందాన్ని
అంతకు మించిన
అందమైన ఆమె మనసును
ఏమని వర్ణించను

పూవు కన్నా సున్నితమైన
ఆమె మనసును పూవుతో సరిపోల్చగలనా!

నెమలికే నాట్యాన్ని నేర్పగల
ఆమె మేను హొయలను
నెమలితో సరిపోల్చగలనా !

కోయిలకే పాటలు నేర్పించగల
ఆమె గానామృతాన్ని
కోయిలతో సరిపోల్చగలనా !

కరుడు కట్టిన హృదయాన్ని సైతం కరిగించగల
ఆమె కరుణగల చూపును
ఏ అమృతమూర్తితోన్నైనా సరిపోల్చగలనా !

శత్రువుని సైతం
సాదరంగా ఆహ్వానించే
ఆమె మనసుకు సాటి గలదా!

వర్ణించలేను ఆమెను ఈ చిరుకవితలో
మరి మాట్లాడలేను ఎదురుగా ఆమెతో

నా కవితకు ప్రాణం ఆమె
నా కవితకు రూపం ఆమె
అందుకే అంకితం ఈ కవిత ఆమెకే ....

అమృత మూర్తి

2008-04-10T09:12:00.000-07:00

ఓ ప్రియా..
సృష్టిలో కాదేదీ అనర్హం ప్రేమకు
అని నిరూపించావు నీవు

శిల లాంటి నన్ను
ఉలి వంటి నీ ప్రేమతో
శిల్పంలా మలిచావు

ఈ శిలలో సైతం
ప్రేమను గుర్తించావు

అందమంటే తెలియని నాకు
ప్రకృతి అందాల్ని పరిచయం చేసి
ప్రేమ రూపం చూపావు

నాకే నన్ను కొత్తగా చూపించి
నీవు అమృతమూర్తివి అయినావు

గంభీరమైన సంద్రం లాంటి నన్ను
గలగల పారే సెలయేరులా మలిచావు

నా ఒంటరి జీవితంలో
వీడని నేస్తానివి అయ్యావు
నిముషమైన నీవు లేక నిలువలేని....
నీ
xxx

యుగాది

2008-04-06T08:57:00.000-07:00

యుగం ప్రారంభమైన రోజే యుగాది. కాల క్రమంలో అదే ఉగాదిగా పరిణతి చెందింది.
కృత,త్రేతా,ద్వాపర,కలి యుగాలలో జరుపుకునే విశిష్ట,వైశిష్ట పర్వదినం ఈ ఉగాది. ప్రతీ యుగం లోను ఈ ఉగాది ఒక్కో రోజున జరుపుకునేవారు. కృత యుగంలో కార్తీక శుద్ద నవమి నాడు, త్రేతా యుగంలో వైశాఖ శుద్ద తదియ నాడు, ద్వాపర యుగంలో మాఘ శుద్ద పూర్ణిమ నాడు జరుపుకునేవారు. మరి ఇక కలి యుగంలో చైత్ర శుద్ద పాడ్యమి నాడు జరుపుకుంటున్నాం మనం.

ఉ- అంటే నక్షత్రం
గ -అంటే నడక
ఉగాది అంటే నక్షత్రాల నడక అని అర్దం.
అలా నక్షత్రాల నడకతో ఆరంభమైనది ఈ కాలగమనం. అలా ఏర్పడినది యుగం -యుగం.

ఒక్కో యుగంలో దైవాన్ని చేరడానికి ఒక్కో మార్గాన్ని అనుసరించే వారు. అలా ఈ కలియుగంలో కేవలం మంచి మాటలు వినినంతనే మోక్షం కలుగుతుంది. అందుకే ఈ ఉగాది రోజు తప్పకుండా పంచాంగం వినాలి అంటారు. కాల పురుషుని స్థితి గతులు, ఆతని భాధల నివారణోపాయాలు ఈ పంచాగ శ్రవణంలో మనకు లభ్యమవుతాయి. ఉగాది రోజున ఎలా ఉండునో జీవితం సంవత్సరమంతా అలానే ఉండునను కొందరి నమ్మకం.

హేమంత, శిశిరాలలో పెరిగిన బద్దకం ఉగాది రోజుతో అంతమవ్వాలని చేస్తాం తైల మర్దనం, తలంటి స్నానం. అంగ పరిరక్షణకు నూతన వస్త్రధారణం, అంతః సురక్షితకు దేవతార్చనం ఉగాది నాడు ఎంతో ముఖ్యం.

కఫ, వాత, పిత్తములే అనారోగ్యానికి ముఖ్య కారణం. వాటికి ఉంది ఒకే ఒక్క నివారణ మార్గం. అదే షడ్రుచుల సమ్మేళనం. దాని పేరే ఉగాది పచ్చడి.

ఉగాదికే వన్నె ఉగాది పచ్చడి
షడ్రుచుల మిళితం ఈ పచ్చడి
మానవ జీవితానికి మారురూపు ఈ పచ్చడి

తీపి అనే ఆనందం వెతుకులాటలో
చేదు అనే జ్ఞాపకంమిగిలితే
పులుపు అనే గుణపాఠంతో
వగరు అనే సలహాతో
నూతన జీవితానికి స్వాగతం
పలకాలనేదే ఈ ఉగాది వెనుక రహాస్యం.

అందరికీ సర్వధారి నామ సంవత్సర ప్రారంభ దినోత్సవ శుభాకాంక్షలు.

నానీలు

2008-04-05T09:54:00.000-07:00

???

చేప కన్నీరు

స్త్రీ మనసు

పూల భాష

ఎవరికి తెలుసు

-------------------------

మగవాడు

ఎన్నో నదులు

కలిస్తే గాని

సముద్రుడనే వాడు

జనించలేదు !

---------------------------

చరిత్ర

ఏదో వాసన చాలా బాగుంది

అమ్మ నడిగా

మట్టివాసనంట

చరిత్రలో చెప్పలేదు మాకు

ఎవరు నీవు?

2008-04-05T09:49:00.000-07:00

రవివర్మకు ప్రేరణవా
కృష్ణశాస్త్రి కవితవా
ఘంటశాల గీతానివా
శ్రీశ్రీ ఉద్వేగానివా
మోనాలిసా ప్రతిరూపానివా
నవరసాలను నీలో మిళితం చేసుకొని
నన్ను నీలో ఐక్యం చేసుకోవాలనుకునే
ఎవరు నీవు?

కనులు మూస్తే నా కలల రాణిలా
కనులు తెరిస్తే మాయమయ్యే ఎండమావిలా
నన్ను పిచ్చివాణ్ణి చేస్తున్నావు ఎందుకిలా?

హిమాలయం

2008-04-04T10:39:00.000-07:00

ఏమని వర్ణించను ఆ హిమగిరి సొగసులు
మనిషికి మాట కరువైనప్పుడు
వ్రాసే కవితకే మాట రానట్టుగా
ఉండే హిమగిరి సొగసులు వీక్షించడానికి
ద్వినయనాలు చాలవే
ఒళ్ళంతా కళ్ళైన ఆ ఇంద్రుని
అరువడిగితే కాని చూడాలేమేమో ఈ హిమగిరి సొగసులు

తెలతెల వారుతుండగా
మంచు కొండల మధ్య ఉదయించే
ఆ సూర్యుని నుని వెచ్చని కిరణాల తాకిడికి
మేలి ముసుగును విదిలించుకున్నట్టుగా
మంచు నీరుగా మారుతుంటే
ఆ నీరు ప్రవాహమై ప్రవహిస్తుంటే
వీక్షించే కన్నులే కన్నులు కదా

ఆ హిమగిరి అందాలను చూడటానికే
పుట్టాయా! అన్నట్టుగా ఆ మంచు పక్షులు
చేసే కిలకిలా రావాలు
అక్కడి నీటి ప్రవాహం చేసే ఝంఝం నాద శబ్దం
వినే వీనులే వీనులు కదా

ఎన్నో జన్మల పుణ్యం
హిమాలయ దర్శనం
ఆ గిరి హనుమంతుని నివాసం
అందుకు ఉంది ఓ నిదర్శనం

ఎందరో మహర్షులకు నిలయం
ఎన్నో ఔషదాలకు ప్రాంగణం
మన హిమాలయ పర్వతం.

మన కాశ్మీరం

2008-04-03T09:07:00.000-07:00

అందమైన కాశ్మీరం
భారతావనికే తలమానికం
తెల్లని మంచుతో
పచ్చని చినార్ చెట్లతో
నిత్యం ప్రవహించే జీలం నదితో
అలరారే కాశ్మీరం

నేడు మరి ఉగ్రవాదులకు నిలయమై
మత దురహంకారులకు నెలవై
అమాయకుల మరణానికి సాక్షియై
మౌనంగా రోదిస్తోంది.

వెండి కొండల సోయగాలు
ప్రజల మూర్ఖ్హత్వానికి బలి అవుతుంటే
పచ్చని చినార్ చెట్లు
మోడులా మిగిలిపోతుంటే
నిత్యం ప్రవహించే (జీలం నది) జీవ నది
జీవం కోల్పోతుంటే
చివరికి ఆ అందమైన కాశ్మీర
అంగాంగం మత పిచ్చికి మండి
కరిగి రుధిరపుటేరులై ప్రవహిస్తుంటే

ప్రకృతి అందానికి ప్రతిరూపమైన ఆ కాశ్మీరం
నేడు దారుణ మారణకాండకు ప్రతిరూపం
ఇక దీనికి పలకాలి అంతం
అప్పుడు అవుతుంది భారతదేశం అండరికీ మార్గదర్శకం
అందుకు మనం చేయి-చేయి కలుపుదాం
ఉగ్రవాదులను తరిమి కొడదాం
మతదురహంకారాన్ని నాశనం చేద్దాం
అదే కదా భరతమాత అభిమతం

భారతమాతాకి జై

నిరీక్షణ

2008-04-01T10:18:00.000-07:00

ప్రియతమా...
ఆవేదన, ఆక్రోశం నన్ను ఆక్రమిస్తుంటే
ఉత్సాహం, ఉత్తేజం ఆవిరైపోయి
జీవచ్చవంలా ఉన్న నాకు
నా కన్నీరే గోదారై
నా దాహార్తిని తీర్చేవేళ
ఎదురుచూశాను నీ కోసం
నిశీధిలో సైతం వెతికాయి
నా కనులు నీకోసం
నీ అమృతహస్తం నాకై అందిస్తావని,
నా హృదయారాధ్యదైవానివైన నీవు
నీ అర్దాంగిగా చేసుకుంటావనే
ఆశతోనే ఈ నిరీక్షణ.

April fool కధ

2008-03-31T04:11:00.000-07:00

April 1st న ఎంత మందిని fools ని చేస్తే అంత ఆనంద పడతారు చాలా మంది. కాని fool ఐన వారి భాధ వారిది. ఇంతకీ సంవత్సరంలో ఇన్ని నెలలు ఉండగా కేవలం ఏప్రిల్ నెల మొదటి రోజునే ఎందుకు fools day గా జరుపుకుంటారో నని నాకు చిన్నప్పటి నుండి తెలుసుకోవాలని ఆశక్తిగా ఉండేది. మొత్తానికి తెలుసుకున్నాను. ఇంతకీ ఆ కధ ఏమిటంటే...

కొన్ని దశాబ్దాల క్రితం కొన్ని పాశ్చాత్త దేశాలలో ఏప్రిల్ 1 న నూతన సంవత్సర దినోత్సవం జరుపుకునేవారు. కాని ఆ తర్వాత జనవరి 1కి మార్చారు. ఐన కూడా కొంత మంది ఏప్రిల్ 1 న నూతన సంవత్సర దినోత్సవాన్ని జరుపుకునేవారు. అందువలన వాళ్ళని fools గా వ్యవహరించి పిలిచేవారు. కాల క్రమంలో అది fools day గా పరిణతి చెందింది.కాని అనవసరంగా అవతలి వాళ్ళను fools చేసిన వారే నిజమైన fools అన్నది ఎవరూ కాదనలేని విషయం

కాంచనమాల

2008-03-27T10:55:00.000-07:00

మార్చి 5,1917 లో గుంటూరు జిల్లా తెనాలి లోని ఐతవరప్పాడులో జన్మించిన ఓ బంగారు తీగె చిన్నాన్న దగ్గర సంగీతం నేర్చుకుని ఓ చిన్న పాత్ర ద్వారా సినిమా(య)లో ప్రవేశించారు. ఆ బంగారు తీగే అప్పటికీ, ఇప్పటికీ అందానికి, అభినయానికి, సుస్వరానికి ముప్పేట నిర్వచనం "కాంచన మాల".

"మిత్రవింద" అనే ఓ చిన్న వేషంతో "శ్రీ కృష్ణ తులాభారం (1935)" సినిమాలో తన అందంతో అందరి చూపులని తన వైపుకి తిప్పుకున్నారు ఈమె. ఆ తర్వాత చిత్రం "వీరాభిమన్యు (1936)" లోనే ఆమె కధానయిక స్థానం దక్కించుకున్నారు. ఆ తర్వాత వరుసగా "విప్రనారయణ (1937)", "మాలపిల్ల (1938)", వందేమాతరం (1939)",

" మళ్ళీ పెళ్ళి (1939)", "ఇల్లాలు (1940)", "మైరావణ (1940)", "బాలనాగమ్మ (1942)" వంటి సినిమాలలో కధానాయిక పాత్ర పోషించారు. గృహలక్ష్మి(1938) లో మాత్రం వాంప్ పాత్ర పోషించారు.

విప్రనారాయణ లో దేవదేవిగా ఆమె అందం, అభినయం అప్పటి ప్రేక్షకులకు సూదంటు రాయిలా గ్రుచ్చుకుంది.

ఆ తర్వాత మాలపిల్లలో టైటిల్ రోల్ పోషించి, మాల పిల్ల ఇంత అందంగా ఉంటే ఎవరు పెళ్ళి చేసుకోరు అని ఎందరి చేతో అనిపించుకున్నారు కాంచనమాల. కులాంతర వివాహాల ఉద్యమాలు జరుగుతున్న ఆ కాలంలో ఆ సినిమా రావడం నిజంగా అభినందనీయం.

ఆ సినిమా మొదటి హాఫ్ లో కాంచన మాల ఇలా ఉంటారు.

ఆ సినిమా సెకండ్ హాఫ్ లో ఆమె విద్యావంతురాలిగా కన్పిస్తారు. ఒక సీన్ లో ఆమె స్లీవ్ లెస్ జాకెట్ ధరించి చిరునవ్వుతో కాఫీ తాగే స్టిల్ ఎన్నో కాలెండర్ల మీద అచ్చయింది. ఆ స్టిల్ ఎలా ఉంటుందంటే..

అలా తొలితరం గ్లామర్ క్వీన్ గా వెలుగొందారు ఆమె. అప్పట్లోనే కాంచన మాల చీరలు, జాకెట్లు, గాజులు బాగా అమ్ముడయ్యేవి.

ఆ సమయంలోనే గృహలక్ష్మి లో వాంఫ్ రోల్ ధరించిన ఈమె విమర్శకుల మన్ననలు కూడా అందుకుంది.

ఆ తర్వాత వచ్చిన వందేమాతరం సినిమాలో ఈమె చిత్తూరు నాగయ్య గారి సరసన నటించారు. అది నాగయ్య గారి రెండవ సినిమా. ఈ చిత్రం ద్వారా నాగయ్య గారు , కాంచన మాల గారు ఇద్దరూ పేరు తెచ్చుకున్నారు.

ఆ సమయంలోనే వచ్చిన మళ్ళీపెళ్ళి వితంతు వివాహాన్ని ప్రభోధించు చిత్రం. ఈ చిత్రం లో ఆమె వితంతువుగా కూడా అందంగా ఉన్నారని అందరూ చెప్పుకునేవారట.

ఆ తర్వాత ఆమె నటించిన ఇల్లాలు సినిమా విడుదల అయి మునుపటి సినిమాలంత విజయం సాధించలేకపోయినా ఆంధ్ర పత్రిక ఫిలిం బ్యాలెట్ లో ఉత్తమ నటిగా ఇల్లాలు చిత్రం ద్వారా కాంచనమాల ఎంపిక అయ్యారు.

ఆ సమయంలో విడుదల ఐన మైరావణ కూడా అన్ని తరగతుల ప్రజాదరణను అందుకోలేకపొయింది. ఆ చిత్రం లోని ఒక స్టిల్....

ఆ తర్వాత జెమినీ వాసన్ గారి నిర్మాణ సారధ్యంలో బాలనాగమ్మ రూపుదిద్దుకుంది. ఆ సమయంలో వారి చిత్రాలలోనే నటిస్తానని కాంచన మాల అగ్రిమెంట్ వ్రాసి ఇచ్చారు. అదే ఆమె చేసిన పెద్ద తప్పయింది. ఆ సమయానికే "ఊంఫ్ గరల్", "ఆంధ్రా గ్రేటా గార్భో" అని పేరు పొందిన కాంచనమాల దగ్గరకు ఎన్నో మంచి ప్రాజెక్టులు రాసాగాయి.

కానీ అగ్రిమెంట్ వలన ఆమె ఆ చిత్రాలలో నటించడానికి వీలు లేక పోయింది. ఆ సమయంలో వాసన్ గారు కూడా కొత్త ప్రాజెక్టులు ఏమీ నిర్మించకపోవడంతో కాంచనమాల వాసన్ గారితో అగ్రిమెంట్ రద్దు చేయమని కోరగా ఆయన వీల్లేదు అని చెప్పడంతో మాట మాట పెరిగి "నీ దిక్కున్న చోట చెప్పుకో నీవు కోటీశ్వరుడవి ఐతే నా కేంటి? "అని అన్నారు కాంచనమాల. ఈ మాటలన్నీ జెమినీ వాసన్ ఆమెకు తెలియకుండా గదిలో టేప్ రికార్డర్ లో రికార్డ్ చేసి ఆమెకే వినిపించాడు. ఈ టేపుతో కోర్టుకెక్కి నీ అంతు చూస్తానన్నారు వాసన్. అది ఆమెకు ఊహించని షాక్. ఈ సమయం లోనే బాల నాగమ్మ విడుదల అయి అఖండ విజయం సాధించింది. దాని వలన వచ్చిన లాభాలతో ముందు నుండి వాసన్ కు వున్న అప్పులన్నీ తీరిపోయాయి. కాంచన మాల నటనకు ఈ సినిమా గీటురాయి. కానీ ఆ సినిమానే హీరోయిన్ గా ఆమెకు ఆఖరి చిత్రం అయినది.

అంధ్రుల కళ్ళన్నీ తన వైపుకి తిప్పుకున్న ఆమె కళ్లు ఆ షాక్ తో శూన్యం లోనికి చూడటం మొదలుపెట్టాయి. దాన్నే అందరూ మతిభ్రమణం అన్నారు. నాటి స్త్రీల వ్యక్తిత్వానికి ప్రతిఫలం మతిభ్రమణం అన్నది ఓ చిన్న బిరుదేమో మరి.

హిందీ చిత్ర సీమలో అవకాశాలు వచ్చిన తెలుగు మీద మమకారంతో తిరస్కరించిన ఆమెకు ఇల జరగడం అత్యంత విచారకరం. ఆమె బ్రతికి ఉండగానే తెలుగు చలన చిత్ర జగతి ఓ మహా నటిని కోల్పోయింది.

ఆ స్థితిలో ఆమె ఉండగానే ఆ భర్త గాలి వెంకయ్య గారు క్షయ వ్యాది తో మరణించారు.దాంతో ఆమె మరి కోలుకునే ప్రయత్నం కూడా చేయలేదు.

కాంచనమాల స్నెహితురాలు , నటి ఐన లక్ష్మీ రాజ్యం 1963 లో "నర్తన శాల" చిత్రం నిర్మించారు. లక్ష్మీ రాజ్యం బలవంతంతో ఓ చిన్న పాత్రను పోషించారు కాంచన మాల. ఆ చిత్రంలో ఆమె నటిస్తున్నారనే వార్తలు రాగానే ఎంతో మంది కాంచన మాల గారిని చూడటానికి వస్తే ఆమె ఎవ్వరినీ గుర్తు పట్టకపోగా మీరెవరూ నాకు తెలియదు అని చెప్పడంతో వారందరూ నిరాశతో వెనుదిరిగారు. దాదాపు 20 ఏళ్ళ తర్వాత మేకప్ వేసుకున్నా కాంచన మాల గారి లో ఏ మాత్రం ఆనందం కాన రాలేదు.

1940 లో ఆంధ్రా పారిస్ గా పేరు గాంచిన ఆమె స్వంత ఊరు తెనాలిలో "శాంతి భవనం" అనె ఓ భవంతిని ఎంతో ఇష్టంతో నిర్మించుకున్నరు కాంచనమాల. ఆమె ఆ ఇంట్లో నివశించినప్పుడు ఆ పక్కింటి వారికి కూడా ఆమె ఎవరో తెలియకుండా గడిపారు. ఆ ఇల్లు....

నటనలో ఆమె నుండి స్పూర్తి పొందిన వారిలో జి.వరలక్ష్మి ఒకరు. తొలితరం నటీమణుల్లో ఒకరైన కృష్ణవేణి గారు (క్రిందటేడాది రఘుపతి వెంకయ్య అవార్డు గ్రహేత) తీసిన "దాంపత్యం" సినిమా సమయంలో కాంచనమాల గారిపై ఉన్న అభిమానంతో ఆమె చాయా చిత్రాన్ని సెట్ లో ఉంచారు

వడ్ల బస్తా కేవలం 3 రూపాయలు ఉన్న రోజుల్లోనే ఆమె 10000/- పారితోషికంగా తీసుకునేవారు.

1975 లో ప్రపంచ తెలుగు మహా సభల్లో ఘన సత్కారం పొందినా ఈమె కళ్ళు శూన్యాన్ని తప్ప మరోవైపు చూడలేదుట. అప్పటి ఫొటో ...

విప్లవ కవిగా పేరు పొందిన శ్రీశ్రీ కూడా అభిమానంతో అందమైన కాంచన మాల గారిపై 2 సార్లు కవితలల్లారు. అటువంటి కాంచన మాల 1981 జనవరి 24 న మద్రాసులో ఇహాన్ని వదిలి పరలోకాన్ని చేరారు. ఆమె ఫొటోలు మరికొన్ని...

ఈ వ్యాసం వ్రాయడానికి కధావస్తువుని h.రమేష్ బాబు గారు సంకలనం చేసిన కాంచనమాల జీవన చిత్రాలు అను పుస్తకం నుండి సంగ్రహించాను.

సంద్రం

2008-03-20T23:04:00.000-07:00

ధీర గంభీరమైన సంద్రం
ఎన్నో ఆటుపోట్లని తనలో దాచుకుందీ సంద్రం

అలల హొయలతో
నీలి మబ్బులను అందుకోవాలని
పాల నురగలతో
చల్లని పవనాలతో
మనో ఉల్లాసాన్నిస్తుంది సంద్రం

సాగర కన్యల నిలయం
మేలిముత్యాల మణిహారం
ఎన్నో జలచరాల నివాసం ఈ సంద్రం

జీవితానికి ప్రతిరూపమే ఈ సంద్రం
కష్టాలనే ఆటుపోట్లు
కోరికలనే అంతులేని అలలు
భయాలనే అగాధాల
కలయికతో ముడిపడింది
ఈ జీవితం అనే సంద్రం

సురక్షితంగా నవను గమ్యానికి చేర్చడమే నావికునె ధ్యేయం
భక్తితో ముక్తిని పొందడమే మానవుని లక్ష్యం

కల్పనా చావ్లా

2008-03-20T22:59:00.000-07:00

కల్పనా ఓ కల్పనా
మా అంతరిక్ష స్వప్నమా

అంతరిక్షంలోనికి దూసుకుపోయావు
నింగిలో తారకవైనావు

జెనిటిక్ ఇంజనీరింగ్ చదివావు
భారతదేశానికే పేరు తెచ్చావు

మహిళా చైతన్యానికి మచ్చుతునక నీవు
మహిళా లోకానికే గర్వకారణం నీవు

పదహారు రోజులు నింగిలో ఎగిరావు
పదహారు నిముషాల వ్యవధిలో నేలకొరిగావు

దేశ ప్రగతిలో పాలు పంచుకున్నావు
దేశం కోసమే ప్రాణాలర్పించావు.

నీ కోసం

2008-03-20T22:53:00.000-07:00

ఓ ప్రియా...
నీ సుందర సుమనోహర రూపాన్ని వర్ణించడానికి
నేను కవి శ్రీనాధున్ని కాదే

హొయలతో నీ శరీరపు అండాల్ని చెక్కడానికి
నేను అమరశిల్పి జక్కనను కాదే

నీ మనసులో ముద్రపడేలా మాట్లాడటానికి
నేను మనసుకవి ఆత్రేయను కాదే

నా భావాలను నీతో చెప్పడానికి
నేను భావకవి శ్రీశ్రీ ని కాదే

నా ప్రేమని పాటగా పాడటానికి
నేను ఘంటాసాలని కాదే

మరి నేను నిత్యం నీ కోసం
ఆలోచించి పరితపించే నేవాణ్ణి

ధరలు

2008-03-20T22:49:00.000-07:00

ఎండ కన్నా తీవ్రంగా మడుతున్నాయి ధరలు
ఎప్పుడూ పెరుగుతూనే ఉన్నయి ఈ ధరలు
ఎన్నడూ తగ్గవు ఈ ధరలు

ఈ ధరలు ఆకాశన్నంటుకుంటుంటే
వాటిని అందుకోలేని
సగటు మనిషిని ఆదుకునేది ఎవరు?

పెరిగిన ధరలకు సాక్ష్యాలు
సగటు మనిషి పడే భాధలు

పెరిగిన ధరకి ఏం తెలుసు
కష్టం విలువ
పచ్చని నోటుకేం తెలుసు
చిక్కటి రక్తం విలువ

నేడు నోటు విలువ పెరిగింది
కానీ అనురాగం విలువ తరిగింది

సాయం

2008-03-20T22:42:00.003-07:00

మనిషికి మనిషి చేసే సాయం
మానవత్వానికి మరురూపం

జగతికి వెలుగునిస్తూ సూర్యుడు
వెన్నెలని కురిపిస్తూ చంద్రుడు
వర్షాలను కురిపిస్తూ మేఘుడు
సర్వులనూ సమానంగా మోస్తూ భూదేవి
అడగకుండానే ప్రపంచానికి చేస్తున్నారు ఎంతో సాయం

కష్టకాలంలో చేసే సాయం
కన్నీరు తుడిచే అభయం
కులమత భేదాలు లేకుండా చేసే సాయం
ఏకత్వానికి ప్రతిరూపం

కనుక తెలుసుకో ఓ నేస్తమా..
ప్రార్ధించే పెదవుల కన్నా
సాయపడే చేతులే మిన్న
కష్టాలలో ఉన్నవారిని చూచి అయ్యో అనే కన్నా
చేతనైనంతలో సాయపడటం మిన్న

దరహాసం

2008-03-20T15:00:00.001-07:00

నవ్వడానికి మంచి మనసు కావాలి
నవ్వించడానికి నవ్వే మనిషి కావాలి
నవ్వే మనిషి బెస్ట్ ప్రెండ్ కావాలి
నవ్వని వాడు ఉన్నా లేకున్నా ఎవరికి కావాలి

నవ్వు ఒక భోగం
నవ్వించడం ఒక యోగం
నవ్వకపోవడం ఒక రోగం

నవ్వుతోనే ప్రేమ చిగురించు
నవ్వు తోనే ఆరోగ్యం పెంపొందించు

నీవు నలుగురినీ నవ్వించు
ఎన్నడూ నవ్వుల పాలు కాకు

నీ దరహాసం

2008-03-20T14:56:00.001-07:00

ఓ ప్రియా...

నీ పెదవిపై చిరుదరహాసం

నాలో రేపెను మధురానందం

ఏమాలిన్యం లేని నీ మనసు

ఎంత గొప్పదో నాకు తెలుసు

ఎన్నడూ నే పెదవిపై చెరగని చిరునవ్వు

నీపై నా ప్రేమకి నెలవు

నాకు ఎంతో ప్రియం నీ నవ్వు

అందుకే ఎన్నడూ వీడకు నీ నవ్వు

కట్టలేను నీ నవ్వుకు విలువను

మరి ఇంకెవ్వరికీ ఇవ్వలేను నా మనసును

నిరీక్షణ

2008-03-20T14:51:00.001-07:00

జీవితమే ఓ నిరీక్షణ

నిరీక్షణ లేని జీవితం

పగలు లేని రోజుతో సమానం

పరీక్షా ఫలితాల కోసం విద్యార్ధి నిరీక్షణ

ఉద్యోగం కోసం నిరుద్యోగి నిరీక్షణ

జీవిత భాగస్వామి కోసం కన్యల నిరీక్షణ

ప్రేయసి కోసం ప్రియుని నిరీక్షణ

నిరీక్షణ తర్వాత పొందు ఆనందం

నింగికంటిన అలతో సమానం

నిరీక్షణే లేని జీవితం

పగలు లేని రోజుతో సమానం

నువ్వుంటే చాలు

2008-03-20T14:46:00.001-07:00

నీ చల్లని చూపు ఉంటే చాలు

ఎంతటి వేడినైనా భరిస్తాను

నీచక్కని చిరునవ్వు ఉంటే చాలు

ఎన్ని కష్టాల్నైనా ఎదుర్కొంటాను

నీ ఓదార్పు ఉంటే చాలు

ఎంతటి దుఃఖాన్నైనా దిగమింగుతాను

నువ్వు నా ఎదురుగా ఉంటే చాలు

నన్ను నేనే మరచిపోతాను

నీవు నా వాడివైతే చాలు

నీ పలుకులో నేనుంటాను

సృష్టికి మూలం ఆ బ్రహ్మ

నా ప్రేమకి మూలం నువ్వు

స్వాతంత్యం

2008-03-20T14:41:00.000-07:00

ఎందరో అమరవీరుల త్యాగఫలం మన స్వాతంత్ర్యం
కానీ ఇప్పటికైనా అనుభవిస్తున్నామా నిజమైన స్వాతంత్ర్యం
కావాలి మనకు భాద్యతాయుతా స్వాతంత్ర్యం
అప్పుడే వస్తుంది అసలైన స్వేచ్చాయుత స్వాతంత్ర్యం

గాంధీజీ అహింసాతత్వం
నెహ్రూజీ శాంతితత్వం
నేతాజీ నినాదం
పటేలు పటుత్వం
భగత్ సింగ్ ఆలోచన
అల్లూరి వీరత్వం
కావాలి మనకు ఆదర్శం
అప్పుడే పురోభివృద్ది సాధిస్తాం మనం

ప్రకృతి

2008-03-20T14:38:00.000-07:00

అందమైన ప్రకృతి
చేస్తున్నాం దాన్ని వికృతి
రాదా దానికి విరక్తి
దాన్ని కాపాడుకుంటేనే మనకు ముక్తి
ఇదే ప్రకృతిపై నాకున్న ఆశక్తి

యంగ్ ఇండియన్

2008-03-20T14:32:00.000-07:00

మేమేలే యువకులం
మాకు లేదు ఏ కులం

కాశ్మీరమే మాది అంటాం
పాకిస్తాన్ తో యుద్దమే చేస్తాం
రామ రాజ్యాన్ని, గాంధీ కలలు కన్న రాజ్యాన్ని
రేపటి యువతరానికి కానుకగా ఇస్తాం
తీవ్రవాదాన్నే రూపుమాపుతాం
సామ్యవాదాన్నే తీసుకువస్తాం
దొంగ రాజకీయ నాయకుల గుట్టు బయటపెడతాం
ప్రజాస్వామ్య శక్తిని చూపెడతాం
వరకట్నాన్నే రూపుమాపుతాం
కట్నమే లేకుండా పెళ్ళి చేసుకుంటాం

మేమేలే యువకులం
మాకు లేదు ఏ కులం

జై కిసాన్

2008-03-20T14:28:00.000-07:00

నేల తల్లిని నమ్ముతూ జీవిస్తున్న
బురద నుండి బువ్వను తీసి
అందరికీ ఆకలిని తీర్చే
ఓ కిసాన్ అందుకో మా సలాం

అమాయకత్వపు నీడలో
దళారుల అన్యాయానికి బలి అయి
నేలతల్లి కోసం అసువులు బాసిన
ఓ కిసాన్ అందుకో మా సలాం

జై జవాన్

2008-03-20T14:20:00.000-07:00

విజయమే వీరులకు స్వర్గం
ఆ స్వర్గం కన్నా మిన్న అయిన
సొంత నేలను కాపాడుకొనుటకు
చేసిన పోరాటమే కార్గిల్ పోరాటం

భరతమాత ఒడినుండి దూరమౌతామని
మృత్యుదేవత కౌగిలికి దగ్గరౌతామని
తెలిసినా పోరాటానికి సిద్దమైన
ఓ జవాన్ అందుకో మా సలాం

అలవోకగా మంచు పర్వత శిఖరాన్ని ఎక్కి
పాకిస్తాన్ చొరబాటుదారులను తరిమి
ప్రాణాలను సైతం లెక్క చేయని
ఓ జవాన్ అందుకో మా సలాం

విలువ కట్టలేనిది నే ప్రాణ త్యాగం
కొనఊపిరితో ఉన్నా కమ్మని స్వరంతో
"భరత మాతా కీ జై" అంటూ నేలకొరిగిన
ఓ జవాన్ అందుకో మా సలాం

సమరంలో ముందుకు సాగి
ఆత్మీయులకు దూరమైన
మాతృదేశ కీర్తిని ప్రపంచానికి చాటిన
ఓ జవాన్ అందుకో మా సలాం.

"దేశం కోసం ప్రాణాలు విడిచిన ప్రతీ ఒక్క జవానుకీ ఈ కవిత అంకితం"

నాలో నీవు

2008-03-20T14:13:00.000-07:00

ఓ ప్రియతమా...
నా కవితకి తొలి అక్షరం నీవు
నా కనుపాపలో ఎదురుచూపు నీవు
నా మనసులో భావన నీవు
నా మౌనంలో అర్దం నీవు
నా ప్రేమగీతంలో ప్రతి అక్షరం నీవే
నా గుండె చప్పుడూ నీవే
నా గాజుల గలగలవీ నీవే
నా కాలిఅందెల సవ్వడివీ నీవే
నా సంతోషానికి కారణం నీవే
నా ప్రాణానికి ప్రాణం నీవే
నా ఆరో ప్రాణం నీవే
నా హృదయంలో తొలిప్రేమవు నీవే
నా కవితకు రూపకల్పనవూ నీవే

చెలి

2008-03-20T14:07:00.000-07:00

ఓ ప్రియా..
ఉషోదయ సమయంలో తొలికిరణంలా
చంద్రోదయ సమయంలో వెన్నెలలా
సాయం సంధ్యలో వీచే చల్లని గాలిలా
నా మదిలో చిరు జ్ఞాపకంలా
నా పలుకులో తొలి అక్షరంలా
సెలయేరులో హొయలతో పారే అలలా
నాకు మాత్రమే వినిపించే తీయటి రాగంలా
కనులు మూసుకుని నిద్రిస్తే నా కలల రాణిలా
కనులు తెరిస్తే మాయమయ్యే ఎండమావిలా నన్ను పిచ్చివాణ్ణి చేస్తున్నావెందుకిలా?

టీనేజ్ - టీనేజ్

2008-03-20T13:58:00.000-07:00

చూస్తారు క్లాసులు ఎగ్గొట్టి సినిమాలని
కలలు కంటారు హీరోలు కావాలని
వస్తారు అప్పుడప్పుడు కాలేజీకి
జూనియర్స్ ని ర్యాగింగ్ చేయడానికి

చేస్తారు మోసాలు తల్లితండ్రులని
పెడతారు వాళ్ళ చెవుల్లో పువ్వులని
ఆ తర్వాత తెలుసుకుంటారు వాళ్ల తప్పులని
అప్పటికీ వారికి తెలియది సమయం దాటిపోయిందని

వెళతారు ఫ్రెండ్స్ తో క్యాంటీన్ కి
చేస్తారు ఖర్చు ఇచ్చిన పాకెట్ మనీని
ఇస్తారు ఫ్లవర్ బొకేలు గర్ల్ ఫ్రెండ్స్ కి
చివరికి వాళ్లు కడతారు అన్నయ్యా ...! అని రాఖీ

భాధలో వారుండగా పరీక్షలు వస్తాయి దగ్గరికీ
మొదటగా తీస్తారు పుస్తకాన్ని చదవటానికి
పుస్తకం మూసిన తెరిచినా గుర్తొస్తుంది ఆమె కట్టిన రాఖీ
ఉంచుతారు మరు సంవత్సరానికి కొన్ని సబ్జెక్ట్స్ ని

యువత

2008-03-20T13:52:00.000-07:00

తెలుసుకో ఓ యువత
ఎటువైపు వెళుతుందో నీ భవిత
చేయకు అశ్రద్ద, తెలుసుకో నీ సమర్దత
తెలుసుకో నీవు నీ శక్తిని లేకుంటే అదే నీ బలహీనత
ఎవరూ గొప్పవారు కాదు జన్మతః
కృషి వెంటే గెలుపుందని చాటుతుంది చరిత
తీర్చదు నీ చింతను నీ చేతిలోని గీత
మార్చదు నీ బ్రతుకుని నీ తలరాత
నీ అత్మవిశ్వాసమే కావాలి నీకు చేయూత
ఎందరికో ఇవ్వాలి నీ ఊత
అప్పుడే అందరికీ తెలుస్తుంది నీ ఘనత

silence please

2008-03-20T13:48:00.000-07:00

జగతికి వెలుగునిచ్చే సూర్యుని చూసి నేర్చుకో how to be silent
పున్నమి వేళలో వెన్నలనిచ్చే చంద్రుని చూసి నేర్చుకో how to be silent
అనంత జీవకోటికి అవసరమైన వీచే గాలిని చూసి నేర్చుకో how to be silent
మంచి వారిని చెడ్డవారిని సమానంగా మోస్తున్న పుడమితల్లిని చూసి నేర్చుకో how to be silent

నేస్తమా

2008-03-20T13:44:00.000-07:00

ఓ నేస్తమా...
కలం నీవయితే కాగితం నేనవుతా
అక్షరం నీవయితే భావం నేనవుతా
మల్లెపూవు నీవయితే పరిమళం నేనవుతా
ఎందుకో తెలుసా...
మన బందం అంత గొప్పదని
మన స్నేహం మధురమైనదని.

అమ్మ

2008-03-20T13:38:00.000-07:00

అమ్మ అంటే నాకు ఇష్టం
విడిచి ఉండాలంటే కష్టం
అదే నాకు పెద్ద నష్టం
అమ్మకి ఋణపడి ఉంటాను నా జీవితాంతం

మాటే మంత్రం

2008-03-18T16:24:00.001-07:00

ఈ ప్రపంచంలో అన్నిటి కన్నా శక్తివంతమైనది ఏదైనా ఉన్నది అంటే అది మాటేనన్నది ఎంతో మంది కాదనలేని సత్యం.ఒకే ఒక్క మాట సహాయంతో మహా మహా కార్యాలే సాధించవచ్చు. అంతెందుకు కురుక్షేత్ర సంగ్రామంలో కౌరవులు ఓడి పాండవులు గెలవడానికి కారణం కృష్ణుని మాట సహాయమే కదా. ఒకరోజు కౌరవపక్షాన ధుర్యోధనుడు, పాండవ పక్షాన అర్జునుడు యుద్దంలో సాయమాశించి కృష్ణుని వద్దకు వెళ్ళారు. ఇద్దరూ ఒకేసారి వెళ్ళారు. పాపం అప్పుడు ఆ పరంధాముడైనా ఏమి చేస్తాడు? అందుకే తన పరివారమంతా ఒక వైపు, తను ఒక్కడే ఒక వైపు అని షరతు పెట్టాడు. అదీ కూడా తన పరివారమంతా యుద్దం చేస్తుందంట తను మాత్రం కేవలం మాట సాయమే చేస్తాడట. వెంటనే ధుర్యోధనుడు యుద్దం చేయని కృష్ణుడెందుకు పరివారమే కావాలి అని కోరుకున్నాడు. అర్జునుడు తెలివిగా కృష్ణుడినే కోరుకున్నాడు. అంతటి వీరాధివీరుడు, తెలివైన వాడు ఐన అర్జునుడు కూడా కదన రంగంలో బంధువులను చూసి పిరికితనంతో యుద్దం చేయనన్నాడు. మాట సహాయం చేస్తానన్న కృష్ణుని వంతు వచ్చింది మాట సహాయం చేయడానికి. వెంటనే ’భగవద్గీత’ బోధించాడు అర్జునుడికి.
అసలు మాటంటే ఏమిటి? కేవలం కొన్ని అక్షరాల సముదాయమా? కాదు కానే కాదు.మాటంటే నొప్పించనిది, మేలుచేసేది, ఇష్టమైనది అయి ఉండాలి. అప్పుడే అది నిలబడుతుంది కలకాలమూ.
అందుకే ఓ కవి అన్నాడు మాటే మంత్రం అని. అది నిజమేగా మరి.

నా బాల్యం

2008-03-14T10:00:00.000-07:00

మరచిపోలేనిది నా బాల్యం
తిరిగిరాలేనిది నా బాల్యం

ఆ పల్లెటూళ్ళో..
కొండాకోనల నడుమ, పారే సెలయేళ్ళ మధ్య
చుట్టూ పచ్చని పైర్లు
చల్లని గాలి, మెండుగా నీరు
అమాయకత్వపు నీడలో

పిల్లలు పెడతాయని దాచిన నెమలి పించాలు
రబ్బరు తయారవుతుందని దాచిన పెన్సిల్ తొక్కులు
బడిమాని నేస్తాలతో ఆడిన ఆటలు
పెద్దలకు తెలియకుండా సరదాగా, చిలిపిగా
తిన్న కాకి ఎంగిలి జామపళ్ళు,తాయిలాలు

ఇలా గడచిన నా బాల్యం
ఎన్నటికీ తిరిగిరాదు
మరి ఎప్పటికీ మరువలేను.

ఎలా?

2008-03-14T09:53:00.000-07:00

ఎలా చెప్పను, ఎవరితో చెప్పను, ఏమని చెప్పను
నా మదిలో మాట ఇదని
అమ్మమ్మ ఇంటిలో పుట్టి
నానమ్మ ఇంటిలో పెరిగి
నాన్న చేతి వేలు పట్టుకుని నడక నేర్చుకొని
అమ్మ చేతి గోరుముద్దలు తిని పెరిగి
ఈ రోజు పెళ్ళి పేరుతో మరొకరి ఇంటికి వెళ్ళాలంటే
నా మనసులోని భాధను
ఎలా చెప్పను,ఎవరితో చెప్పను,ఏమని చెప్పను

ఈ రోజు తీయనిది

2008-03-14T04:02:00.000-07:00

ఈ రోజు కోసం ఎన్నాళ్ళ నుండో ఎదురుచూస్తున్నాను. 2 మంచి విషయాలు ఈ రోజు నా జీవితంలో జరిగాయి. ఎప్పటి నుండో (2 నెలల నుండి) చేస్తున్న నా academic live project code ఈరోజు ok అయింది. చాలా ఒత్తిడి నుండి బయట పడ్డాను. నా స్వంతంగా programs వ్రాసి execute చేస్తే వచ్చే ఆనందమే వేరు. live project సంపాదించడానికి చాలా కష్టపడ్డాను. ఆ తర్వాత దానిని process చేయడానికి నా ప్రయత్నాలు అన్ని ఇన్ని కావు. నా స్నేహితులంతా ఎందుకు కష్టపడతావు? live project ఐన dummy project ఐన మార్కులు ఒకటే అని చెప్తున్నప్పుడు ఎంత భాధ పడ్డానో? నా కష్టానికి తగిన ప్రతిఫలం ఎప్పుడు దక్కుతుందోనని. ఇప్పటికీ ప్రతిఫలం దక్కక పోయినా project 20 రోజుల ముందే పూర్తి చేయడానికి ఎవ్వరి సాయం లేకుండా నేను పడ్డ కష్టం నాకు తెలుసు.మొత్తానికి పూర్తి చేశాను చెప్పలేని కాని సంతోషం మనసంతా అందుకే blogలో పెట్టేస్తున్నా వెంటనే.
ఒక విషయం ఐనది మరి మరో విషయం ఏమిటంటే నా blog 1000+ hits కి ఈ రోజే చేరుకుంది. ఇందులో నావి కూడా ఉండవచ్చు కానీ ఓ మైలు రాయిని దాటానన్న బావన మనసులో. నా blog మొదలు పెట్టి నెలన్నర ఐనా sitemeter పెట్టి దాదాపు 10-12 రోజులు అవుతుంది. ఈ నెలన్నరలో కొన్ని సలహాలు,కొన్ని విమర్శలు,కొన్ని పొగడ్తలు ఉగాది పచ్చడి తిన్నంత కమ్మగా ఉంది నా blog ని చూస్తుంటే. నా blog hit 1 చూసినప్పుడు అనుకున్నా ఈ సంఖ్య 1000 కి చేరేటప్పటికీ ఎన్నాళ్ళవుతుందోనని. కాని కొన్ని రోజులే పట్టింది. ఇక నుండి ముందుకెళ్ళడానికి ఎక్కువ రోజులు పట్టవచ్చు నాకైతే మాత్రం.
ఈ blog create చేయాలన్న నా ఆశకి ఎంతో మంది వారి వారి సహాయ సహకారాలను అందించారు. అందరికీ పాదాభివందనాలు. ముఖ్యంగా కూడలి కి, దాని వలనే నా hits ఇంత వేగంగా పెరిగాయి. ఇలాంటి టపా మళ్ళీ కొన్నేళ్ళకి ఎందుకంటే అప్పుడేగా నా blog hits 10000 దాటతాయి.
సర్వేజనాః సుఖినోభవంతు.

ఎదురుచూపు

2008-03-13T09:58:00.000-07:00

ఊహాజనితమైన నా కవితకు
ఊహకందని రీతిలో
ఊతమిచ్చిన నా ప్రియమైన ప్రేయసి...
నీకే ఈ కవిత అంకితం
అని అంటుంది నా హృదయం
ఆ మాటనే వ్రాసింది నా కలం

నా ఊహలో జీవం పోసుకుని
భువిలో కనిపించి
కలలో సైతం కలవరం లేపి
నా తీయని వేదనకు కారణమైన నీవు
నన్ను వరించేది ఎప్పుడు?

నేటి రాజకీయం

2008-03-13T09:49:00.000-07:00

పేదరికాలు మావి - పెద్దరికాలు మీవి

చదువుకున్నది మేము - చదువుకొన్నది మీరు

ఓట్లు వేసింది మేము - నోట్లు దాచింది మీరు

ప్రచారం చేసేది మేము - ప్రమాణ స్వీకారం చేసేది మీరు

రక్తాన్ని చిందించేది మేము - రాజకీయాలు నడిపేది మీరు

తుది శ్వాస వరకూ ఆకలితో చచ్చేది మేము - అర్దాంతరంగా తూటాలకు చచ్చేది మీరు

భరతమాత ముద్దుబిడ్డ

2008-03-13T00:58:00.000-07:00

జననీ జన్మభూమిశ్చ స్వర్గాదపీ గరీయసీ
అని అంటూ మాతృభూమి కోసం
నవమాసాలు మోసిన మాతృమూర్తిని
నేవే సర్వస్వం అని అనుకున్న అర్దాంగిని
విడిచి దేశానికి పహారా కాస్తున్న
ఓ జవాన్ అందుకో మా సలామ్

భారతావనికే తలమానికమైన కాశ్మీరం కోసం
నిత్యం నీవు పడే ఆరాటం
అందుకు నీవు చేసే పోరాటం
మాతృదేశం కోసం నీవు చేసిన త్యాగం
భరతమాతకే గర్వకారణం

ప్రకృతి అందాలను తనలో దాచుకున్న కాశ్మీరం
ఏనాటికి కాకూడదు పరుల స్వంతం
అని అర్పిస్తున్నావు భరతమాతకు నీ ప్రాణం
నీ వెనుకే మేము సిద్దం

మా చిరునవ్వులే నీ ఊపిరిగా
మేమే నీ తోబుట్టువులుగా
నీ ప్రాణమే గరికపోచగా
భరతమాతకు మణిహారమై వెలుగుచున్న
ఓ జవాన్ అందుకో మా సలాం

తొలి సంద్య

2008-03-12T06:12:00.000-07:00

తొలిసంధ్య వేళలో చూస్తే ప్రకృతి అందాలు
మదిలో మెదలుతాయి కొత్త అలోచనలు

అప్పుడే తన లేలేత కిరణాలతో మన
మగతను వదలగొట్టే సూర్య భగవానుడు
తూర్పు దిక్కు నుండి తొంగి చూడగా

ఆహారం కోసం పక్షులు గూళ్ళను విడిచిపెట్టి
కిలకిలమంటూ అన్వేషణ సాగించగా

ఆకాశాన్నంటుతున్నాదేమో అన్నట్టు ఎగసిపడే
అలను తన కౌగిలిలో హత్తుకున్న సాగరుడు

మంచు పుష్పాల మాదిరి రాత్రి కురిసిన
మంచును తమ రెక్కపై ఉంచుకున్న పుష్పాలు

ఈ ప్రకృతి అందాలన్నీ మనం
తొలిసంధ్య వేళలోనే చూడగలం.

అ - అః రాఖీ

2008-03-12T05:56:00.000-07:00

అ- అన్నా చెల్లెళ్ల బంధానికి నెలవిది

ఆ- ఆప్యాయంగా అందరూ కలిసే రోజిది

ఇ- ఇరవై ఒకటో శతాబ్దంలోనూ మరువనిది

ఈ- ఈమెయిల్స్ గాను పంపే విషయమిది

ఉ- ఉత్తర,దక్షిణ భారతదేశాల్లో జరుపుకొనేది

ఊ- ఊకదంపుడు విషయం కాదిది

ఋ- ఋతువులెన్ని వచ్చినా

ఎ- ఎన్నడూ మరివనిది

ఏ- ఏ మనిషినైనా మైమరపించేది

ఐ- ఐదుగురు అన్నలున్నా

ఒ-ఒక్క సోదరి లేకుంటే

ఓ- ఓ సోదరుడా నీకు లేదు రాఖీ

ఔ-ఔరా అని నీ మనసును కలచివేస్తుంది

అం- అందరి మన్ననలు పొందిన రాఖీ

అః- అః అని అందరి చేత అన్పిస్తుంది రాఖీ
అన్నల మణికట్టుపై మెరుస్తుందీ రాఖీ.

ప్రకృతి

2008-03-11T03:55:00.000-07:00

ఓ తొలిసంధ్య వేళ...
నిదురమ్మ ఒడిలో సేదతీరుతున్న
నన్ను కోయిలమ్మ లేపగా

అప్పుడు...
రూపే లేని సర్వేశ్వరుడు
అనంతమైన ఆకాశంలో నిగూఢుడై ఉండగా
గిరులే ధూపమేయగా
నేలమ్మే స్వరాలాపన చేయగా
మేఘాలే నాట్యమాడగా
ఆ దృశ్యం నే చూడగా
నా మనసే నైవేద్యంగా
ఆ దైవానికి నేనర్పించగా
చిరుజల్లుల రూపంలో
అభయమందించాడు ఆ భగవంతుడు.

నేటి జీవితం

2008-03-11T03:43:00.001-07:00

ఆకాశ హర్మ్యాలు నిర్మించాం

మనసుని అగాధంలోకి తోసేశాం

చంద్రమండలంలో అడుగుపెట్టాం

మన యింటి విషయమే మరిచాం

కంప్యూటర్ కి మెమొరీ పవర్ పెరిగింది

మన మెమొరీ పవర్ తగ్గింది

ఎదుటి మనిషితో మాటలు కట్టు

ఎక్కడో ఉన్నవాళ్ళతో సెల్ తో కనెక్టు

పరీక్షలకోసమే చదువులు

ఉద్యోగాలకవి అనవసరాలు

పాతికేళ్ళవరకే మనకు అమ్మానాన్నలు

తర్వాత వారికున్నాయి వృద్దాశ్రమాలు

మరమనిషిని తయారుచేశాం

మనలో మనిషిని చంపేశాం

మేధస్సునుపయోగించి వృద్ది సాధించాం

మనసుని చంపేసి మృగంలా మారి బ్రతుకుతున్నాం.

మా అమ్మ

2008-03-10T09:20:00.001-07:00

అమ్మ అను మాట
అందరి నోటా
కమ్మనీ పలుకై
వచ్చెనీ పూట ,,2,,

అమ్మ నోటి మాట
దేవతల దీవెనంట
అమ్మ చేతిముద్ద
అమృతపు ధారంట ,,అమ్మ అను,,

అమ్మ చెప్పిన చదువు
నా జీవితానికే వెలుగు
అమ్మ ఇచ్చిన జీవితం
ఆమెకే అంకితం ,,అమ్మ అను,,

అమ్మ చూపినా బాట
నాకులే పూలబాట
అమ్మ చెప్పిన నీతి
నాకు పెంచెను కీర్తి ,,అమ్మ అను,,

స్త్రీ - సంద్రం

2008-03-10T09:04:00.000-07:00

అంతులేని అలల సమాహారం
పాలనురగల సమ్మేళనం
నీలిరంగుకు నిర్వచనం
ధీరగంభీరమైన సంద్రం

కోటికలలకు నిలువుటద్దం
గత చరిత్రకు మూలకారణం
అన్యులకు అర్దమవని స్వేచ్చావిహంగం
ఆడదాని హృదయం

కడలి గర్భంలో ఎన్నో సంపదలు
ముదిత మనసులో వేల ఆలోచనలు

సుడిగుండాలు సహజం సాగరాన
సుఖ దుఃఖాలనేకం సుదతి జీవితాన

ఎగిరి పడే అలకు తీరమే గమ్యం
అదిరిపడే అతివకు భాగస్వామే బలం

ఎన్నో జీవుల జీవం సాగర గర్భం
వంశాకుర బందం స్త్రీ గర్భం

సూర్యోదయాన కడలి సౌందర్యం
సిగ్గు మొగ్గైనప్పుడు ప్రమద అందం
ఏ కవి వర్ణన కు సాధ్యం?

సౌందర్యం, సంపద లభ్యమయ్యే సముద్రాన్ని
చేస్తున్నాం మన పాద స్పర్శతో మలినం

అందం, లక్ష్మీకళతో కలగలిసిన ముగ్ద మనోహరం
ఆక్షేపణలతో, కట్టుబాట్లతో అణచేస్తుంది సమాజం

పుడమి భారానికి పెనుభూతం భూకంపం
జలధి వికటాట్టహాసం త్సునామి తాండవం

కరుణాతప్త హృదయం కోల్పోతే కరుణారసం
జరిగే విలయ తాండవం కన్నుల జ్వాలాతోరణం
జగతంతా ఆ జ్వాలకి ఆహుతవ్వడం ఖాయం.

నా దేశం

2008-03-10T08:54:00.000-07:00

ఇదే ఇదే మన దేశం
సుందర భారత దేశం

తలమానికమే కాశ్మీరం
ముక్కెరయే పంజాబు
గుండెకాయ హస్తినా ... ... ,,ఇదే,,

నేత్రాలే హిమాచలు
నాసికయే అరుణాచలు
కర్ణాలే కర్ణాటక
వదనమే ఉత్తరప్రదేషు ...ఆ..ఆ... ,,ఇదే,,

దక్షిణాస్తమే రాజస్తాన్
ఉత్తరాస్తమే బీహార్
నడుమన మధ్యప్రదేషు ...ఆ..ఆ... ,,ఇదే,,

ఒక పాదం తమిళనాడు
మరు పాదం కేరళ
పంటలనెలవే ఆంధ్ర ...ఆ..ఆ... ,,ఇదే,,

మన స్వాతంత్ర్యం ఎర్రటి పతాకం
వీరుల రుధిరం నుదుటి తిలకం
అయి వెలసెను భారతమాత ...ఆ..ఆ... ,,ఇదే,,

మౌనం

2008-03-09T04:58:00.001-07:00

నీ కోసం నేనని చెప్పేవేళ
నా గొంతు మూగబోయింది

నయనాలు ఊసులాడాయి
మౌనమే భావమయింది

నిశీధే నేస్తమై నా చుట్టూ అల్లుకుంటే
వెలుగురేఖలా నీ ఆగమనం
మార్చింది నా జీవన విధానం

కల - కళ

2008-03-09T04:48:00.000-07:00

రూపు లేని కలకి రూపకల్పన కళ
కలలో మెరిసిన ఆలోచనకి ప్రతిబింబం కళ

బండరాయిని సుందర శిల్పంలా
ఊహించడం కల

ఆ రాయినే రమణీయ ఆకృతిగా
మలచడం కళ

అమ్మ ఒడిలో నిదురించాలని నా కల
నా పాటతో అమ్మనే నిదురబుచ్చడం నా కళ

కలకి కళకి తేడా ఓ అక్షరమైనా
ఆలోచనే రూపమైన కలని
కళ్ళకు కనిపించేలా చేసేదే కళ

కవిత్వం - కవితత్వం

2008-03-08T08:02:00.000-08:00

అనంతమైన ప్రకృతి అందాన్ని

అంతులేని ఆలోచనా సాగరాన్ని

మనస్సులోని అంతర్మధనాన్ని

నభూతోన్న భవిష్యత్తుగా చిత్రించి

అక్షరబద్దం చేయడమే కవిత్వం

అంతటి అందమైన కవిత్వాన్ని

స్వచ్చమైన మనసుతో

నిష్కళంక ప్రేమతో

ఆరాధించడమే కవితత్వం

తీయని కల

2008-03-08T07:55:00.000-08:00

ఉన్నాయి నాకెన్నో కలలు

అయ్యాయి కొన్ని నిజాలు

ఔతాయి రేపటికి మరికొన్ని సత్యాలు

తారలెన్ని ఉన్నా చంద్రుడొక్కడే

కలలెన్ని ఉన్నా మహత్తరమైనదొక్కటే

కష్టాలెన్నింటినో ఓర్చి

సమస్యలనెదిరించి

నన్ను పెంచిన మా అమ్మని

నా కష్టంతో పోషించాలని

కన్నాను ఓ చిన్ని కలని

శ్రమిస్తున్నా అది నిజమవ్వాలని

నాకు తెలుసు అది సాకారమౌతుందని

ఎందుకంటే....

ముక్కోటి దేవతల దీవెనను మించిన

మా అమ్మ ఆశీస్సు నాకుందని.

మహిళలూ కొన్ని జాగ్రత్తలు

2008-03-08T00:00:00.000-08:00

నిత్యమూ ప్రతీ మనిషికీ ఏదో ఒక సమస్య ఎదురవుతూనే ఉంటుంది. ఆడవారికి కొన్ని సమస్యలని అదనంగా ఎదుర్కోవలసి వస్తుంది. ఒంటరిగా బయటకి వెళ్ళినప్పుడో లేక మరో సందర్బంలోనో కొన్ని సమస్యలు నుండి బయట పడుటకు కొన్ని జాగ్రత్తలు ఇక్కడ పొందుపరిచాను గమనించగలరు.
1)నిత్యమూ పెరిగే జనాభాతో పాటు ఆకతాయిల ఆగడాలు ఎక్కువయ్యాయి. వారికి బయపడి ఇంటిలో కూర్చుండి పోవడం పిరికితనమే అవుతుంది. వాళ్ళను ఎదుర్కోగలను అన్న ఆత్మవిశ్వాసాన్ని మీలో మీరు అలవర్చుకోవాలి. కళ్ళళ్ళో,మాటల్లో ముఖ్యంగా మనసులో ఆత్మవిశ్వాసం కనబడాలి.
2)నిత్యమూ గొడుగునో లేక ఆయుధంగా ఉపయోగపడే మరొక వస్తువునో మీవద్దనే ఉంచుకోండి.
3)రోడ్డు మీద ఆకతాయిలు చేసే comments కి తల కూడా తిప్పి చూడవద్దు. వాటి గురించి ఆలోచించవద్దు.కానీ వారు హద్దు మీరి నప్పుడు అడుగు వెనక్కు వేయవద్దు.
4)మీరు ఉంటున్న ఏరియా police station phone number, స్త్రీల హక్కుల సంఘం telephone number మీ దగ్గరే ఉంచుకోండి ఎల్లప్పుడూ.
5)మీ వస్త్రధారణ మీకిష్టమైనదే ఐన ఎబ్బెట్టుగా ఉండకుండా జాగ్రత్త పడండి.
6)బందువులైనా, పరిచయస్తులైనా లెక ఎవరైనా మీతో అనుచితంగా ప్రవర్తిస్తే వెంటనే మీ తల్లిదండ్రులకు తెలియచేయడం మంచిది.
7)ఒకవేళ తల్లిదండ్రులకు కూడా చెప్పలేని పరిస్తితి ఐతే మీతో అనుచితంగా ప్రవర్తించే వ్యక్తితో ఇటువంటి పని మరోసారి చేస్తే అరిచి గోలపెడతానని బెదిరించండి. వారికి మీరు ఒంటరిగా మాత్రం దొరకవద్దు.
8)మీ చుట్టూ వున్న వారిని, జరుగుతున్న విషయాలను ఎప్పుడూ గమనిస్తూనే ఉండండి. మీరు గమనిస్తున్నట్టు మిమ్మల్ని మరొకరు గమనించకుండా జాగ్రత్త పడితే మంచిది.
9)మీరు బయటకు వెళ్ళినప్పుడు అవసరం కన్నా కొంచెం ఎక్కువ డబ్బుని తీసుకువెళ్ళడం మంచిది.
10)మీకు అనారోగ్యం ఏదైనా ఉన్నట్లు ఐతే వాటికి సంబంధించిన మందులను తీసుకువెల్లడం మీ వెంట మంచిది.
ఇటువంటి కొన్ని జాగ్రత్తలు మరోసారి.... మరో సమయంలో...

minikavithalu - 10

2008-03-06T07:47:00.000-08:00

జెండా
ఎక్కడో కర్ర పైన
రెపరెప లాడుతుంది
కిందనుంటే
పట్టించుకోరేమోనని

భరత మాత
కిరీటంతో కుప్పకూలి
వలవల ఏడుస్తోంది ఓ స్త్రీ
ఎవరా అని చూస్తే
భరత మాత

ఆట
మనల్ని సృష్టించిన
దేవుడూ
మనం సృష్టించిన
డబ్బు
రెండూ మనతోనే
ఆడుకుంటాయి

శివరాత్రి కధ

2008-03-06T03:00:00.000-08:00

శివరాత్రి కధలలో ఎన్నో కధలు ప్రాశస్త్యంలో ఉన్నాయి. అందులో ఒక కధ...
సురాసురులు క్షీరసాగరమధనం గావిస్తున్నప్పుడు అమృతం కన్నా ముందు చాలా వస్తువులు సాగరం నుండి ఉద్బవించాయి. అందులో ఒకటి గరళం(విషం). ఆ గరళాన్ని ఎవరు స్వీకరిస్తారా అని అందరూ ఎదురు చూస్తున్న సమయంలో విష్ణు మూర్తి సలహాతో సురాసురులు కలిసి శివుడిని వేడుకోగా శివుడు ఆ గరళాన్ని స్వీకరించాడు. అప్పటికీ ఎవరూ అమృతం స్వీకరించని కారణంగా శివుడ మింగిన ఆ గరళం ఆతని జీర్ణవ్యవస్తలోకి ప్రవేశించకుండా సర్పం సహాయంతో గొంతు లోనే ఉండిపోయేట్టు చెస్తారు వి్ణుమూర్తి. అందువలన శివుడు ఆ రాత్రి అంతా నరకయాతన పడతారు దైవంగా ావించే శివుడు ాదకు గుర్తుగా జాగరణ , ఉపవాసం చేస్తారు.
శివరాత్రి కదలు ఎన్నో ఉన్నాయి. అందులో ఇది ఒకటి మాత్రమే.

స్త్రీ అంటే

2008-03-03T20:22:00.000-08:00

మార్చి 8 అంతర్జాతీయ మహిళా దినోత్సవ సందర్బంగా...

అసలు మహిళాదినోత్సవం ప్రాముఖ్యత ఏమిటి? ఆ దినోత్సవం జరుపుకోవాలా? దాని వలన ప్రయోజనముందా? ఈ దినోత్సవాలు అన్నీ పాశ్చాత్త సంస్కృతి నుండి మన దేశంలోనికి చొరబడినవి కదా మనమెందుకు జరుపుకోవాలి? అయినా మహిళను దేవతామూర్తిగా భావించే ఈ భారత గడ్డపై మహిళను ప్రతీరోజూ గౌరవిస్తూనే ఉంటారు కదా మరి ప్రత్యేకంగా ఈ రోజు ఎందుకు? ఇలాంటి ప్రశ్నలు ఎందరి మనసుల్లోనో ఉండి ఉంటాయి. ఈ ప్రశ్నలన్నింటిన్కి సమాధానమే నా ఈ పోస్ట్.

ఎన్నో ఏళ్ళ నుండి ఎంతో మంది నుండి అభిప్రాయాలను సేకరించి (ఎక్కువగా మధ్యతరగతి వారి నుండి సేకరించాను) నా అభిప్రాయాలను మేళవించి వ్రాస్తున్న పోస్టు ఇది. మీ మనసును భాదిస్తే మన్నించగలరు. అర్దం లేదనుకుటే క్షమించగలరు.

ఇక విషయంలోకి వస్తే...

స్త్రీ ప్రస్థానం ఇంట్లో కూతురిగా మొదలవుతుంది. పుట్టీ పుట్టడంతోనే ఆడపిల్లా! ఐతే నీకిక ఖర్చేనోయ్ అని అంటారందరూ ఆ తండ్రితో.. ఓ నవ్వుతోనో , ఓ మాటతోనో ఆ మాటలకు అడ్డు కట్ట వేస్తాడు ఆ తండ్రి. కానీ అతని మనసులో ఆడపిల్ల అంటే ’ఆడ’పిల్లనే ఉండిపోతుంది.ఇక ఆ తర్వాత బారసాల వగైరా వగైరా ఫంక్షన్లు. పుట్టింది ఆడపిల్ల కదా వచ్చే బహుమతులు కూడా లక్కపిడతలు,బొమ్మ వంట సామానులు ఉంటాయి అదే మగపిల్లడు ఐతే కార్లు,రోబోలు వస్తాయి. మరి ఆ తర్వాత (ఇప్పుడు అందరూ కొద్దొ గొప్పొ చదివిస్తున్నారు కాబట్టి) పాఠశాల వరకు వెళ్తుంది. ఓ పదేళ్ళ క్రితం వరకూ ఆడపిల్లకు తెలుగు మాధ్యమమే గతి ఆంగ్లమాధ్యమంలో చదివించగల స్తోమత ఉండి కూడా(తెలుగు మాధ్యమాన్ని కించపరచడం నా ఉద్దేశ్యం కాదు). ఇక పెరిగి పెద్దదవుతున్న కొద్దీ వంటిట్లో అమ్మకు సహాయం చేయాలి. వంట బాగా చేయడం నేర్చుకుంటే వచ్చేవాడు(భర్త) బాగా చూసుకుంటాడు అని dependable భావనను పెంచుతారు చుట్టూ ఉన్నవాళ్ళందరూ. ఇక ఆ తర్వాత శరీరంలో జరిగే కొన్ని మార్పుల ఫలితాలకు కూడా పెద్ద పెద్ద ఫంక్షన్లు చేసి ఆ అమ్మయికి లేనిపోని భయాలు సృష్టిస్తారు. మరి ఇక ఆ తర్వాత కళాశాల జీవితం. ఎవరో ఆ అమాయి వెంట పడినా లేక ఎవరైనా ఆ అమ్మయికి love letter ఇచ్చినా ఆ అమ్మయి చదువుకిక అంతం. పెళ్ళికి తెరలేస్తుంది. ఉద్యోగప్రాతిపదికన అన్వేషణ మొదలు అవుతుంది. ఇచ్చి పుచ్చుకోవడాలు, పెద్దల మాటలు, జాతకాల పరిశీలనలు పూర్తి అవ్వగానే పెళ్ళి ముహూర్తాలు, ఆనక పెళ్ళిళ్ళు జరుగుతాయి. ఇక్కడ అబ్బాయికి అమ్మయి నచ్చడం ముఖ్యవిషయం. అమ్మయికి అబ్బాయి నచ్చకపోవడం సమస్య కానేకాదు (ఎక్కువ సందర్బాలలో). ఒకవేళ అమ్మయి ఎక్కువగా చదువుకుని ఉద్యోగం చేస్తుంది అన్నా పెళ్ళి ఐన తర్వాత ఇంటిపని+ఆఫీసు పని అవుతాయి కాని భర్తకు మాత్రం వాటిలో భాగం రాదు. ఆ తర్వాత కొన్నాళ్ళకు మళ్ళీ ఆడపిల్ల జననం. కధ మళ్ళీ మొదలుకు. పెళ్ళి - పిల్లలు తర్వాత మరి ఇన్కేమి మార్పులుండవా అంటే ... ఉంటాయి. కానీ అవి ఎవరికీ తెలియవు. ఎవరికీ అక్కర్లేదు. ఇక్కడ ఒక విషయం గమనిస్తే .. స్త్రీ ఎప్పుడూ ఎవరికిందో ఉండాలి కానీ ఎవరూ ఆమెను సమానంగా చూడరు. అమ్మ ,ఆదిదేవత,దెవుడికన్నాముందు అంటాం గాని అన్ని పనులు ఆమె చేతే చేయించుకుంటాం. 50% స్త్రీలకు ఇవ్వవలసింది పోయి 331/2% కి గొడవలు పడుతున్నారు.ఎన్నో రిజర్వేషన్ల బిల్లులు పాస్ అవుతున్నాయి కాని మహిళా రిజర్వేషన్ బిల్లు మాత్రం పాస్ అవడం లేదు. ఇదీ వేదభూమి భారతదేశంలో స్త్రీ కి ఇస్తున్న విలువ.

మరి ఇక మహిళా దినోత్సవం దగ్గరకు వస్తే.. కనీసం ఆ రోజైనా భర్తలు, భార్యలని వంటింటికి దూరంగా ఉంచండి. అంటే మీరు ఆపని చూసుకోండని నా భావం.50% సమానత్వాన్ని ఇద్దరూ పంచుకోండి.

ప్రతీరోజూ స్త్రీ,పురుషులు సమానంగా మసలగలిగిన రోజున మహిళా దినోత్సవాల ఆవశ్యకత ఉండనేఉండదు. కానీ సంవత్సరానికి ఆ ఒక్కరోజైనా స్త్రీ సమానత్వాన్ని పొందగలిగితే మహిళా దినోత్సవం ఉండడం మంచిదేనేమ ఆలోచించండి. లేక ప్రతీ రోజూ మహిళా దినోత్సవంలా మారుద్దామని మీరు పూనుకుంటారా ఆలోచించండి.

A - Z BAD QUALITIES

2008-03-01T09:10:00.000-08:00

A - Averse - విరక్తి
B- Babble - వృధా ప్రసంగం
C - Cunning - మోసం
D -Disappoint - నిరాశ
E - Extravagance - అజాగ్రత్త
F - Favouritism - పక్షపాతం
G - Graft - లంచగొండితనం
H - Hatred - ద్వేషం
I - Idle - సోమరి
J - Jealousy - అసూయ
K - Kleptomania - దొంగబుద్ది
L - Linger - ఆలస్యం చేయు
M- Mis behavior - చెడ్డ నడత
N- Negative - వ్యతిరేఖతా భావం
O - Ostenation - ఆడంబరం
P - Politics - రాజకీయం
Q - Quarrel - పోట్లాట
R - Revenge - పగ తీర్చుకొను
S - Selfish - స్వార్ధం గల
T - Timid - పిరికితనం
U - Untruth - అబద్దం
V - Vanity - అహంకారం
W - Worry - వ్యాకులత
X
Y - Yield - అత్యాశ
Z

x,z లకు నేను వ్రాయలేకపోయాను. మీకు తెలిస్తే చెప్పండి.
ఈ కలబోతలన్నీ నా స్వంతమే

A - Z Good Qualities

2008-02-29T10:21:00.000-08:00

ఈ క్రింది లక్షణాలతో మనిషి ఉన్న స్థాయి నుండి ఉన్నత స్థాయికి చేరుకోవచ్చు.
అవి :
A - Ability - సామర్ధ్యం
B - Bravery - సాహసం
C - Courage - ధైర్యం
D - Desire - కోరిక
E - Efficiency - సమర్ధత
F - Fellowship - సౌభ్రాతృత్వం
G - Generosity -ఔదార్యం
H - Hope - నమ్మకం
I - Interest - ఆసక్తి
J - Justice - న్యాయం
K - Kindness - దయ
L - Loyalty - విశ్వాసం
M -Man-Hood - మానవత్వం
N - Novel - నూతన
O - Obedience - విధేయత
P - Politeness -మర్యాద
Q - Quickness - చురుకుదనం
R - Rememberence - జ్ఞాపకం ఉంచుకొను
S - Satisfaction - తృప్తి
T - Trial - ప్రయత్నం
U - Unity - ఐకమత్యం
V - Vitality - ఉత్సాహం
W - Wisdom - తెలివి
X -Xenodochy - ఆతిధ్యం
Y - Yearn - ఆపేక్ష
Z - Zeal - పట్టుదల

ఈ పై లక్షణాలన్నీ మనిషి అలవరచుకుంటే తప్పకుండా ఆ మనిషి మహర్షే అవుతారు.
ఈ పై కలబోతలన్నీ నా స్వంతంగా నేనే వ్రాశాను.

వధువు కావలెను

2008-02-23T02:11:00.000-08:00

ఓ పెద్ద కంపెనీలో ఆకర్షణీయమైన జీతము అందుకుంటున్న వరునకు అందమైన, చురుకైన, P.G. చదివిన వధువు కావలెను.

ఏడడుగుల బంధానికి వధువుకు ఉండవలసిన ఏడు లక్షణాలు:

1)ఆస్తిలేమీ లేకపోయినా అప్పులుండకూడదు. కాని హైదరాబాద్ లో ఓ యిల్లు, లేదా 2,3 చోట్ల స్థలాలు ఉంటే చాలు.

2)అన్నదమ్ములు, అక్కచెల్లెళ్ళు ఒకరు ఉంటే మంచిది. లేకుంటే మరీ మంచిది.

3)వరునికి ఇష్టం లేనప్పుడు ఉద్యోగం మానేసి, ఇష్టం ఐనప్పుడు ఉద్యోగం సంపాదించుకునే తెలివితేటలు ఉండాలి.

4)ఉద్యోగం చేస్తున్నా ఇంటి భాద్యతలు పూర్తిగా నిర్వర్తించాలి.

5)వరకట్నం ఇచ్చే విషయం మీ ఇష్టం కాని వధువుకు వారి తల్లిదండ్రులు ఏమైనా సమర్పించుకోవచ్చు. పెళ్ళి మాత్రం ఘనంగా చేయాలి.

6)వస్త్రధారణ పూర్తిగా మా ఇష్టానుసారంగా ఉండాలి.

7)డిగ్రీలు, ఉద్యోగాలు సంపాదించడమే కాదు వంటా వార్పు కూడా తెలిసుండాలి.

ఈ ప్రకటన చాలా మందికి కోపం తెప్పించిఉండవచ్చు. కానీ ఆడపిల్లలు, వారి తల్లిదండ్రులుకు మాత్రం ఈ ప్రకటన బాగా తెలుసు. స్త్రీ ఎంత చదువుకుని ఉద్యోగం చేస్తున్నా వంటింటి పనులు పూర్తిగా ఆమే చేయాలి. అది ఆమె భాధ్యత. పురుషులు ఎంత చిన్న పని చేసినా అది సహాయమే అవుతుంది కాని భాద్యత కాదు. ఇది నిజంగా నిజం ఎవరైనా కాదంటారా?
వరకట్నం వద్దు అనేవారు చాలా అరుదుగా ఉన్నారు. ఒకవేళ వద్దు అన్నా పేరు మారుతుంది కాని లాంచనంగా మాత్రం తీసుకుంటున్నారు.
వివిధ రంగాల్లో ఉద్యోగాలు చేసే మహిళలకి ఆయా ఉద్యోగాల రీత్యా వస్త్రధారణ ఉంటుంది. కానీ అది కూడా ఆక్షేపణల నడుమ నలిగిపోతుంది.

నా ఈ పోస్ట్ చదవుతుంటే ఎంతో మందికి కోపం రావచ్చు. కానీ ఈ పోస్ట్ రాయడానికి ముందు కొన్ని 100ల మంది దగ్గర అభిప్రాయాలను సేకరించాను నేను . వారిలో పెళ్ళి కాని స్త్రీ,పురుషులు ,పెళ్ళి ఐన స్త్రీ, పురుషులు, ఉద్యోగం చేస్తున్న ఆడవారు, ఉద్యోగం చేయని ఆడవారు కూడా ఉన్నరు. కేవలం ఈ పొస్ట్ నా అభిప్రాయ మాలిక కాదు. ఎంతో మంది మనసుపొరలలోని ఆశల రూపం ఈ పోస్ట్.

మినీ కవితలు - 9

2008-02-22T06:10:00.000-08:00

మారిన మనిషి

కలం పట్టేను

కాదు పొమ్మన్నారు

కత్తి పట్టేను

గుడి కట్టిస్తామన్నారు

నిరుద్యోగి

ఉత్తర దక్షిణాలివ్వని

నిరుద్యోగి

ఆశగా తూర్పుని చూస్తే

పడమర పిలుస్తోంది

ఇదెక్కడి న్యాయం

నోరు మూసుకుని అన్నీ భరిస్తే

భారతనారిని దేవతన్నారు

కాదని ఎదిరిస్తే

పిదపకాలం అంటున్నారు.